إعداد الخوادم باستخدام توزيعة Red Hat و CentOS خطوة بخطوة

[eng kimo]

بسم الله الرحمن الرحيم
ان شاء الله فى الموضوع دة احاول شرح اعداد السيرفيرات باستخدام توزيعة red hat واعذورونى لو كان الموضوع دة مكرر لانى لسة جديد على المنتدى ومعرفش اذا كان حد عملة قبل كدة ولة لا وبس اللى انا لاحظتة انه محدش بيتكلم على توزيعات الريد هات فى المنتدى وارجوكم لو كان الموضوع دة مكرر حد يبلغنى علشان ماشغلش المنتدى على الفاضى.

احب الاول اعرف نفسى انا كريم عبدالغنى مهندس اتصالات والكترونيات وحاليا شغال فى مجال ادارة الشبكات والتامين
لينكس ادمينيستراتور LPI Certified

ندخل فى الموضوع
ان شاء الله اول سيرفير حبداء فية هو DNS (domain name server
ملحوظة الشرح دة لتوزيعة Red Hat enterprise 4 ولو معندكش شبكة تقدر تطبق علية ممكن تستخدم جهازك ويكون متصطب علية لينكس وتوزيعة اخرى ببرنامج vmwareعلى فكرة البرنامج دة اكتر من رائع.

1- اسم السيرفيس اللى بتعملى dns هى named
2-ملف التعريف named.conf ومسارة كاملا هوetc/named.conf/

الخطوات
1 نفتح ملف التعريف (configuration file ) ويفضل فتحة بال vi لانه بيعرفى اذا كنت كتبت فى الملف صح ولة غلط ودة عن طريق الالوان اما لو فتحتة باستخدام gedit متقدرش تعرف اذا كان syntax صح او لا .

vi /etc/named.conf
2- الخطوة التالية بعد فتح ملف التعريف نبدا اضافة zones فى الملف فى الشرح دة حنعمل two zones .
a- forward zone
b- reverse zone

**************Forward zone *****************

لاضافة forward zone يتم كتابة الاتى فى ملف التعريف

} zone "kimo.com" IN
; type master
;"file "named.kimo.com
; {
اسمحولى الاول اشرح اللى انا كتبتة انا عرفت forward zone وقلت لة ان السيرفير اللى انا بعملة matster ( بعد الانتهاء من عمل masrer dns سوف اقوم بشرح slave dns ) انا سميت الذون دى kimo.com ودة اسم الدوماين يعنى لوبفرض انك بتعمل دوماين اسمة target .com يبقى تشيل kimo.com وتحط مكانة target.com وعرفتة ان الملف اللى انا وضعت فية ال record بتاعة الدوماين بتاعى هو named.kimo.com وعلى فكرة ممكن تسمية اى اسم متفرقش حتى لوسميتة ahmed عادى.
****************** Reverse Zone ***************
فى نفس ملف التعريف named.conf اضيف تعريف لل reverse zone كالتالى

} zone "10.10.10.in-addr.arpa" IN
; type master
"file "10.10.10.named
;{

نشرح دة بردة انا ضيفت فى الملف reverse zoneاسمهاz 10.10.10.in-addr.arpa
وخلى بالك من اسم الذون انا هنا شغال شبكة 10.10.10 ودى معكوس بمعنى انت لو شغال شبكة 163.121.128يبقى اسم الذون 128.121.163 يعنى بتعكس الشبكة ودة لازم تاخد بالك منة ودة لة سبب ذكى جدا بس مش موضوعنا دلوقتى ومتنساش تكتب in_adder.arpa.
وبعد كدة قلت انا السيرفير بتاعى نوعة master والملف اللى الذون حتقرا منه هو
10.10.10named
والاسم دة مش شرط سمية اى حاجة تعجبك وليكن reversezone بس اكرر خلى بالك من اسم الذون لازم ذى مانا كتبتها مع تغير 10.10.10 الى الشبكة اللى انت شغال عليها ومتنساش تعكس ايبهات الشبكة اللهم بلغت اللهم فاشهد



الخطوة الثالثة

دلوقتى انا فتحت ملف التعريف بتاع السيرفيس وضيفت فية الذون بتاعتى نعمل save للملف ونقفلة
************************************************

اسمحولى بقى اقف لاغيت هنا علشان صلاة الجمعة وان شاء الله فى المرة الجاية اشرح ازاى اضيف record فى الملفات اللى Zones بتقرا منها واللى انا سميتها named.kimo.com && 10.10.10named

[eng kimo]

دلوقتى احنا عرفنا two zones فى الملف اللى اسمة named.conf وعرفنا ال reverse zone انها تقرى من الملف اللى اسمة named.kimo.com
وعرفنا ان ال reverse zone تقرا من الملف اللى اسمه 10.10.10named
دلوقتى فى سؤاليين بيطرحوا نفسهم
اين اضع الملفيين وماذا اكتب فيهم
اولا يتم وضع الملفيين تحت المسار التالى

var/named/chroot/var/named/
ممكن تلاقى فى توزيعات اخرى ان الملفات دى تتحط تحت /var/named علطول
بس من وجهة نظر السيكيوريتى افضل انى احطة تحت المسار الالى انا ذكرتة الاول
دلوقت احنا عرفنا حنحط الملفات فين دلوقتى بقى عاوزين نعرف حنكتب فيها اية

الملف الاول named.kimo.com
*********************named.kimo.com*************
حنفتح الملف اللى اسمة named.kimo.com وذى ماقلت يفضل فتحة بال vi
ونكتب فية الكلام المكتوب فى الملف المرفق المسمى named.kimo.com

المكتوب دلوقتى فى ارقام فى الملف ذى TTL 86400 وحاجة اسمها ref & ser&retry&exp
ان شاء الله حشرحها وانا بشرح ال slave dns موقتا حطوها ذى ماهى

عندى حاجة اسمها SOA (start of authority وجنبها kimor.kimo.com
ودة معناة ان الجهاز اللى اسمة kimor هو اللى الجهاز اللى فى ال domin بتاعى اللى شغال dns وان الاجهزة اللى فى الدوماين بتعمل resolve منة ولو حصل مشكلة فى ال dns السيستم يبعت رسالة على root.kimor.kimo.com
يعنى يبعت ال logs على root account بتاع ال dns
ودة شرح اول سطر معاد شرح الارقام اللى انا قلت حشرحها مع slave dns


فى سطر مكتوب فية
IN NS kimor.kimo.com
ودة انا بقول فية ان انا عندى name server NS اسمة kimor فى الدومايين اللى اسمة kimo.com

بعد كدة ابدا اعرف الهوستا ت اللى عندى فى الشبكة
انا فرضت انى عندى جهازين فى الشبكة فقط واحد dns سيرفير والتانى هوست عادى
فقلتلة ان انا عندى جهاز اسمة kimor والايبيهات بتعتة 10.10.10.1
وجهاز تانى اسمة kimov والايبهات بتعتة 10.10.10.49
ولو عندك اجهزة تانية تضيفها بنفس الطريقة الاسم ثم الاى بى

وبعد كدة اعمل save واقفل الملف
******************

10.10.10.named

***********************

نفس اللى عملناه نفتح الملف
vi /var/named/chroot/var/named/10.10.10.named
ونكتب فيه اللى مكتوب فى الملف اللى موجود بالمرفقات واللى اسمة 10.10.10.named
لو لحظتوا تلاقوا انة نفس الملف اللى فات مع اختلاف انى بكتب اللى بى وبعدين اسم الهوست

وشرح الملف هو نفس اللى فات
اعمل Save واقفل الملف
******************************************
باقى خطوة واحدة اغنى اشغل ال deamon

service named status
لو قالى stopped اقولة
service named start
اما لوكانت شغالة فى الاصل اعمل
service named restart

ملحوظة لو السيرفيس مشتغلتش وقالك faild يبقى انت كتبت حاجة فى الملف غلط


وبكدة نكون خلصنا عمل ال master dns يتبقى حاجة واحدة انى اعرف الهوستات بتلعتى بال dns المجود فى الشبكة وان شاء الله دة حيكون فى post تالى

ارجو ان محدش يكون زعلان منى ولو حد لية اى اسئلة يتفضل يسال وربنا يسهل واقدر اجاوب

[eng kimo]

دلوقتى احنا عملنا dns بس لو الجهاز عمل restart السيرفيس اللى اسمها named حتقف علشان كدة لازم اخليها تشتغل اتوماتييك كل لما الجهاز يشتغل فبنفز الامر دة

لو انا شغال gui يعنى run level 5 انفذ الامر
chkconfig --level 5 named on
اما لوانا شغال text mode يعنى run level 3
chkconfig --level 3 named on

دلوقتى جة الدور على client اعرفة ال dns
حنيجى على الجهاز اللى اسمة kimov وافتحة الملف resolve.conf ومسارة الكامل
vi /etc/resolve .conf وامسح كل اللى فيه واكتب الاتى
domain kimo.com
nameserver 10.10.10.1
search localdomain #
او استخدم تول علشان اكتب فى الملف
ممكن استخدم netconfig او system-config-network واحط فى خانة name server اى بى ال dns ال dns بتاعى واعمل save وبعدين quit

ولازم بعد كدة اعمل
service network restart
ونفس اللى عملتة دة اعملة لجميع الاجهزة اللى فى الشبكة بما فيها ال dns ولكن فى حالة ال dns يمكن ان اكتب ان الاى بى بتاع ال dns هو 10.10.10.1 او استخدم ال loop back adress 127.0.0.1 ومتنساش الامر service network restart


بعد كدة ان شاء الله لو قلت
ping kimov
او ping kimor تلاقى الجهاز بيعمل replay


ان شاء اللة فى ال post الجاى اشرح dns troubleshoot واهم المشاكل اللى ممكن تحصل فى ال dns والاخطاء الشائعة اثناء الاعداد

[eng kimo]

دلوقت احنا عملنا dns واتعبنا فيه وكمان عرفنا ال clients ال dns الموجود فى الشبكة تخيل معى بقى السيناريو المرعب دة
ping kimov
host unreachable
قبل ماتكسر الجهاز تعلى نتعلم مبادئ ال troubleshooting

اول مبدئ بيقولك متفترضش الاسوء بمعنى ميرحش تفكيرك فى الاول ان ال dns فى مشكلة ابداء الاول باقل حاجة
1- اعمل cheek على كروت ال lan بتاعت server و clients ومعاك امر ping
ping 10.10.10.1
ping 10.10.10.49
لو ملقتش الاجهزة عملت Replay يبقى المشكلة فى كروت ال lan او ان الاجهزة واخدة ايبيهات غير اللى انت شغال بيها وفى الحالة دى معاك امر ifconfig لو نفس الايبيهات اللى انت شغال بيها يروح تفكيرك علطول على الكابلات

2- طيب لو ال clients و ال server عدوا من الاختبار الاول ولقيت ان الاجهزة بتعمل ping بالايبيهات ومش شغالة بالاسامى اروح على dns وبردة ابداء بابسط حاجة
وهى ان اشوف السيرفيس named شغالة ولة لا وبنفذ الامر دة
service named status
لو قالى stopped انفذ الامر دة
service named start وبعد كدة اعمل تست ال ping بالاسامى

3- لو لسة مش شغال معاك الامر host 10.10.10.1 & host 10.10.10.49
والامر دة بيعملك تيست على reverse zone يعنى بيقولك اسم الجهاز اللى الاى بية بتاعة 10.10.10.49 اسمة اية
ونفس الامر host kimov & host kimor
بيعمل تيست على forward zone وبيقلك الايبي بتاعت الجهاز اللى اسمة kimov كام

4- ومن الاوامر المهمة والمفيدة كمان امر dig و nslookup

5- دلوقتى ندخل فى الغويط شوية من الحاجات اللى بحبها جدا ومفيدة جدا الامر دة
tail -f /var/log/messages
ودة علشان تشوف اخر 10 logs ال logd رماها وكل لما يرميلك log بتظهر قدامك علطول من غير ماتنفذ الامر تانى يعنى ممكن بية تعمل minotring للسيستم

اقراء ال logs دى بعناية مثال فى مرة كنت بعمل dns شغال فقريت رسايل ال logs لقيت رسالة بتقول
file named.kimo.com not found
عرفت طبعا ان الملف دة مش محطوط تحت الباس بتاعة المهم اقرا الرسايل دى بعناية

6- من اهم الاخطاء الشائعة بتحصل في ملفيين 10.10.10named &named.kimo.com
والخطاء دة هو انى لازم اكتب اسامى الاجهزة full qualified domain name (FQDN
لو لحظتوا فى الملفات الموجودة فى المرفقات نلاق اسامى الاجهزة
.kimor.kimo.com
.kimv.kimo.com
يعنى اوعى تنسى تكتب ال dot اللى فى الاخر علشان الاجهزة تبقى FQDN اما معنى FQDN دة لو شرح تانى مش موضوعنا حاليا
ونسيان ال dot احد الاخطاء الشائعة

7- لاقدر الله لو متحلتش المشكلة راجعة بقى تانى على الملفات كلها وراجع اللى انت عملته
**************************************************

بكدة نكون خلصنا ال Master DNS وان شاء الله احاول بكرة اشرح Slave DNS

وان شاء الله يوم الجمعة الجاية نشرح DHCP Server
لان اجازتى بتبقى الجمعة والسبت وباقى الاسبوع بكون فى الشغل فمبكنش فاضى بس ان شاء الله ممكن ارد على الاسئلة خلال الاسبوع فلو حد عندة اى سؤال ياريت يسال وياريت تطبقوا الكلام دة بنفسكم علشان احس انى عملت حاجة

السلام عليكم ورحمة الله وبركاتة

[alomeer]

ما شاء الله تسلم على الشرح الرائع و الممتاز
أخي الحبيب كيف هي الطريقة للحصول على الايبيهات الـ dns
لانه عندما انفذ الامر (ifconfig) يعطيني فقط الابيهات الثلاثة و لكن من اين الحصول على الايبيهات
الدايركترى و السكندري تبع dns

معلش اشويه تحملنا لانو انا جديد في هذا
و شكرا

[eng kimo]

الاخ العزيز alomeer
لو عاوز تعرف ايبهات ال master dns و slave dns يبقى تفتح الملف resolve.conf كالاتى
vi /etc/resolve.conf
او gedit /etc/resolve.conf
حتلاقى ايبهات ال slave و master وكمان اسم الدومايين
لو عاوز تغييرهم غيرهم من الملف عادى وبعديين اعمل save ثم exit ومتنساش الامر دة
service network restart
ولو انت عاوز tool تكتب فى الملف دة من غير مانت تفتح ممكن تستخدم الامر netconfig وخلى بالك الامر دة شغال textmode يعنى الماوس مش شغال معاك استخدم tab
او امر تانى gui بتستخدم فية الماوس هو system-config-networkوبالماوس اضغط على dns وحط الايبيهات ومتغيرش غير الايبيهات اوعى تغير اسم الجهاز او اسم الدومايين والا الجهاز وهو بيشتغل يفضل ساعة لاغاية لما يقوم

[eng kimo]

بسم الله الرحمن الرحيم

الحمد لله احنا بكدة نكون عملنا ال master DNS دلوقتى جة الدور على slave dns
الاول اية هو ال slave dns
تخيل معى كدة شبكة فيها 2000 جهاز والشبكة دى فيها dns واحد يبقى انا عندى 2000 جهاز بيعملوا resolve من جهاز واحد يبقى حيحصل overload على ال Dns طيب لو ال dns اللى فى الشبكة دة وقع يبقى الحياة وقفت وبالتبعية ال mail server يقع يبقى شغل الشركة دى كلة يقف
بنحل المشكلة دى ازاى ان احنا منعتمدش على dns واحد يبقى عند master dns و slave dn
نبدا بقى فى الشغل العملى
*************************************************
نيجى عند الجهاز اللى انا عاوز اعملة slave dns وطبعا اكيد لسة فاكريين ملف التعريف named.conf
ذى ماعملنا فى ال master حنفتح الملف ونضيف two zones
1- reverse zone
2- forward zone
يبقى اول حاجة اقول
vi /etc/named.conf

اولا علشان اضيف forward zone حضيف فى الملف الاتى
} "zone "kimo.com
;type slave
;"file "named.kimo.bak
;{ ;masters { 10.10.10.1
;{
يبقى انا كدة عرفتة ان السيرفير بتاعى نوعة slave dns وال forward zone حتقرا من الملف اللى اسمة named.kimo.bak وايبيهات ال master dns اللى موجود فى الدومايين بتاعى هى 10.10.10.1

ثانيا علشان اضيف reverse zone حضيف الاتى فى الملف
} "zone "10.10.10.in-addr.arpa
;type slave
;"file "10.10.10.bak
;{ ;masters { 10.10.10.1
;{
دلوقتى قلت انا عندى reverse zone ونوع السيرفير slave dns والذون دى حتقرا من الملف اللى اسمة 10.10.10bakوايبيهات ال master dns اللى موجود فى الدومايين بتاعى هى 10.10.10.1
***********************************************

بعد كدة اعمل save ثم exit


دلوقتى انا عندى ملفيين named .kimo.com.bak & 10.10.10.bak
اول سؤال حيتحطوا فين حيتحطوا بردة تحت
/var/named/chroot/var/named/

السؤال التانى حكتب فيهم اية ارد عليك واقل احنا مش حنكتب فيهم حاجة ولا حتى حنعمل لهم touch لية
لان حيحصل حاجة اسمها zone transfer بين ال master وال slave

يعنى اية zone transfer ؟
فاكريين الملفيين اللى اسمهم 10.10.10named &named.kimo.com
اللى عملتهم فى ال master dns دول حيتاخد منهم نسخة ويتحطوا تحت المسار
/var/named/chroot/var/named/
ويحصل touch الملفيين اللى هما named.kimo.com.bak و 10.10.10bak
ويتحط فيهم الملفيين بتوع ال master وخلواااااااااااااااااااااااااااااااااااااااااااااا ااااااااااااااااااااااااااا بالكم
الكلام دة كلة بيحصل اتوماتيك يعنى مش انا اللى بعملة


يعنى ملخص اللى حاعملة فى ال slave dns
حدخل ملف التعريف named.conf واضيف two zones وبس
وبعد كدة انفذ الامر دة
service named start
وعلشان تفضل شغالة علطول حتى لو عملت ريستارت انفذ الامر دة
chkconfig --level 5 named on
وبكدة اكون خلصت ال slave dns


يفضل خطوة واحدة علشان يحصل zone transfer لازم انفذ الامر دة
chown -R named.named /var/named/chroot
وبكدة خليت السيرفيس اللى اسمها named واللى هى عضو فى جروب اسمها named هى ال owner بتاعت الملف chroot وبكدة تقدر السيرفيس named تضييف فية ملفات من غير ميتقالها permission denaied


يجى بقى دلوقتى دور ال client بدل ماعرفهم ان انا عندى dns واحد لا اعرفة ان انا عندى اتنين dns
يعنى نفتح الملف الاتى فى كل client
vi /etc/resolve.conf
ونكتب الاتى
domain kimo.com
nameserver 10.10.10.1
nameserver 10.10.10.49
search localdomai #
يعنى الايبيهات اللى فى الملف دة واحد بتاع الmaster والتانى بتاع ال slave
وبعد كدة اعمل
service network restart
لكل client

************************************************** **
تم بحمد الله


ان شاء الله الجمعة الجاية اشرح DHCP server او ال Mail server
وخلال الاسبوع منتظر اسئلتكم


السلام عليكم ورحمه الله وبركاتة

[khaledmedo200]

الله عليك شغل جميل وجهود رائع منتظرين التكملة

[linuxformat]

يعطيك العافيه اخ كيمو الى الامام


واتمنى من الجميع المشاركه على الاقل الشكر لان المنتديات العربيه تفتقر لتعريف الخدمات على لينكس وخاصة لما نتكلم عن الـ dns

و mail server
تحياتي للجميع

[alomeer]

يعطيك الف عافية اخوي
على الطرح المميز و الموضوع الرائع و الف شكر لك على الاجابة على سؤالي جزيت به خيرا ان شاء الله

تحياتي لك و الى الامام

[sherif_elfoly]

والله انا لم ارى سهوله فى الشرح مثل ما شرحت
ربنا يجعله فى ميزان حسناتك ان شاء الله
واتمنى ان تكمل سلسله شرح السيرفرات مثل DHCP server وال Mail server