لا لمواقع رفع الملفات بعد اليوم .. مع [Dropbox]

[ويش فيك]

السلام عليكم..

هل تعانون من غباء الـRapidshar وصديقاتها?

هل تعانون من انتهاء صلاحية الملفات المرفوعه في مواقع رفع الملفات المغبره؟

ارتاحوا الحين مع البرنامج البطل Dropbox



..فكرة البرنامج..
عبارة عن شيئين FTP متطور وpeer-to-peer network

..نبذة عن البرنامج..
برنامج رائع جدا يشتغل على الويندوز والماك واللينكس.. ميزته انه عملي، سهل التعامل معه ومريح..
يقوم برفع الملفات بنفسه بدون ما ياخذ منك اي مجهود او وقت او انك تروح للموقع نفسه..

..الخطوات بالصور..
اول شي تحمل البرنامج من هنا

لأصحاب الـWindows


لأصحاب الـMac


لأصحاب الـLinux



بعد عمليه التحميل والتثبيت تنشئ حسابك الخاص وتختار واحد من الحسابات هذي




بعد انشاء حساب المستخدم الخاص فيك يتم تلقائيا انشاء مجلد خاص بالبرنامج وغالبا ما يكون مكانه الافتراضي في مجلد المستندات..



لاحظ فيه مجلدين Photos عشان تحط فيه الصور والبوماتك الخاصه
ومجلد Public عشان تحط فيه الملفات اللي تبي تشاركها ولكل ملف رابط خاص فيه

الان الميزه البطله اللي فيه انك لما تسحب وتفلت او تنسخ وتلصق المجلد او الملف داخل مجلد My Dropbox تلقائيا البرنامج يرفعه لك على السيرفر او الموقع نفسه ..

واذا رفعت صوره او ملف وحبيت تستخدم الرابط حقه في منتدى او اي مكان ثاني تضغط بزر الماوس اليمين على الملف وتختار كلمة Dropbox بعدين تختار copy public link عشان ينسخ لك الرابط حق الملف اللي رفعته..




لو تلاحظ هنا ملف المفكره عليه ايقونة خضرا وعليها علامة صح معناته انه الملف تم رفعه او تحديثه بنجاح

اما الايقونه الزرقا اللي بسهمين متعاكسين فهذي تعني انه الملف جاري رفعه او تحديثه

واذا ما فيك حيل تروح على المجلد لا تتعب نفسك لآنه البرنامج له ايقونه في شريط المهام



دبل كليك عليه وشبيك لبيك Dropbox بين اديك

طيب افرض انك منت بالبيت او جهازك مو معك ومحتاج ترفع ملف او محتاج رابط لملف مرفوع في حسابك وش السواة؟؟

بسيطه ادخل على نفس الموقع
https://www.getdropbox.com
سجل دخولك بايميلك اللي سجلت فيه

وهذي هي صفحه حسابك



ومن مزاياه بعد انك تقدر ترسل دعوه لمشاركه مجلد الى أشخاص تعرفهم ومسجلين في الموقع بانك تحط ايميلهم وتحط فاصله بين كل ايميل وهم راح يستقبلون دعوه منك ولهم الخيار يا يقبلون او لا ...

واطلق ميزه انك لو حذفت ملف تقدر تسويله Restore فن فن

وهذا مقطع فيديو عشان تكتشفون باقي المزايا

https://www.getdropbox.com/screencast#screencast

نجي لأهم شي

لما ترسل دعوه لأي شخص ويحمل البرنامج ويسجل حساب له يكافئونك بزيادة سعة التخزين بحسابك .. يعني على كل راس 250 ميقا بايت لين ما توصل عندك المساحه الى 2 قيقا بايت يا بلاش

وحتى الشخص المدعو يستفيد بتجيه بعد 250 ميقا لو سجل عن طريق دعوه من احد

وفيه 3 طرق عشان ترسل دعوتك وهي زي اللي بالصوره



الخيار الاول عن طريق رابط
الثاني عن طريق جهات الاتصال اللي عندك بالايميل
الثالث عن طريق كتابة الايميلات اللي تبي ترسل لها الدعوه وتفصل بين ايميل وايميل بفاصله

وهذا رابط الدعوه الخاص فيني اللي يبي يسجل عن طريقه خلوني استفيد ولو اتعاب الموضوع

https://www.getdropbox.com/referrals/NTEyMjQ2MjM5
بس للامانه اللي بيسجل عن طريق رابط الدعوة حقتي الايميل اللي سجل فيه راح يظهرلي

فاللي مو حاب انه يظهر ايميله بامكانه يسجل من الموقع مباشرة
https://www.getdropbox.com

اتمنى انه يفيدكم زي ما فادني وريحني



منقوووووول من شبكة الاقلاع IGIRL

[علي النعيمي]

شكراً لك على الموضوع

وعن تجربة البرنامج جداً رائع وعملي وسهل

وهذا شرح تنصيب البرنامج على لينكس
http://www.linuxac.org/forum/linuxac43/thread24375.html

[yoko]

شكرا وطبعا أقل واجب إني أسجل عن طريقك

[frozenstone]

الفكره رائعه لكن الحجم سيء جدا

windows skydrive يعطيك مساحه 25 جيجا مش 250 ميجا لكن الفكره جيده لكن مشابهه لويندوز سكاى درايف مع تطوير لها

[yoko]

للعلم يعطيك ٢ جيجا وتزيد أكثر مع كل دعوة يتم قبولها أي أنا لدي ٢.٢ جيجا مع أني لم يسجل بإسمي أحد حتى الأن

[ويش فيك]

للعلم يعطيك ٢ جيجا وتزيد أكثر مع كل دعوة يتم قبولها أي أنا لدي ٢.٢ جيجا مع أني لم يسجل بإسمي أحد حتى الأن

اخي عندما تسجل عن طريق دعوة يعطونك زيادة 250 ميقا

[ويش فيك]

الفكره رائعه لكن الحجم سيء جدا

windows skydrive يعطيك مساحه 25 جيجا مش 250 ميجا لكن الفكره جيده لكن مشابهه لويندوز سكاى درايف مع تطوير لها

هذا سرعة في الرفع بمجرد لصقه يصبح مرفوعا

[ويش فيك]

شكراً لك على الموضوع

وعن تجربة البرنامج جداً رائع وعملي وسهل

وهذا شرح تنصيب البرنامج على لينكس
http://www.linuxac.org/forum/linuxac43/thread24375.html

اسف اخي لم انتبه