ممكن بعض الدعايا يا سادة ؟ !

[أحمد أبوزيد !]

السلام عليكم و رحمة الله و بركاته

الموضوع باختصار برده - مش عارف ايه موضوع الاختصارات معايا -

من المشاكل الاساسية التي يواجهها اللينوكس و المصادر الحرة عموماً ,,

عدم معرفة الناس به و عدم رغبة الناس في التغيير و تمسكهم بالقديم المتعارف عليه !

نستطيع التأثير في السبب الاول بشكل كبير - و هو الدعاية - ,, و بالنسبة للشكل الثاني نستطيع التأثير ولكن بنسبة اقل بإيجاد الدافع للتغيير - غالبا لا يخرج عن شرعية و قانونية استخدام البرمجيات و الناحية الاقتصادية و الناحية الامنية ,,, على العموم ليس موضوعنا الان ولكن عند القيام بالدعاية يجب ان يؤخذ هذا الجزء بعين الاعتبار بل هو اساس الدعاية ! -

عن نفسي ارى اننا اذا لم نستغل السنتين المقبلتين في عمل دعاية و تعريف بالنظام و المصادر الحرة سنواجه مشكلة كبيرة بعد ذلك ! ,, و اذا صدر وندوز 7 - فيينا - و كان حتى متوسط سيقبل عليه كل الناس لانهم تعودوا على الوندوز و منتجات ميكروسوفت !

#######################

اعتقد ان كل الناس تعرف اهمية الدعاية و التسويق لانتشار فكرة او منتج معين !

يا ترى كيف ترون شكل و حجم الدعاية للينوكس و المصادر الحرة على المستوى العربي ؟
لن نتكلم عن مبادرات حكومية لأنها لن تأتي بشيء مفيد ! ,, سنتكلم على مستوى الافراد و المؤسسات التجارية الراعية

*****************

-= حسناً ما هى اماكن الدعاية الممكنة ؟ =-

الجامعات و الكليات و المعاهد ايضاً المدارس - المدارس الخاصة و اللغات في سن الاعدادي و الثانوي -

غالبا يوجد في كل كلية قاعة محاضرات - او حتى مسرح يستخدم كقاعة محاضرات و ندوات ! - يمكننا تنظيم يوم في كل كلية - طبعا كل مجموعة على حسب البلد و المنطقة التي تقيم فيها -

و كذلك المدارس ,, نريد على الاقل تعريف الطلاب بأن الكمبيوتر ليس وندوز !
هناك بدائل اخرى ,, و بالرغم من قلة الالعاب على الللينوكس اعتقد ان التأثيرات البصرية و الكومبيز سوف يروق لهم

و بما ان العديد منا طلبة و في المراحل المختلفة من ثانوية - بكلوريا - و كليات و معاهد يمكننا تسهيل عمل مثل هذه الايام التعريفية

*****************

-= صعوبات ؟ =-

الصعوبات هى التي نواجهها دائماً ,, عدم وجود موارد بشرية عندها الارادة للقيام بمثل هذه المواضايع فضلا عن الموارد المالية و الوقت !

واذا كان هناك شركات راعية ستقل المشاكل نوعنا ما

و لكن اعتقد يمكننا تخطي هذه المشاكل ببعض الجهد ! ,, و افضل مثال على ذلك مجموعة مستخدمي لينوكس في مصر EgLUG ,,, اقاموا اربع مهرجانات للتوعية باللينوكس و حضرت المهرجان الاخير و كان جيد جدا ,, و لكن نحن سيكون لنا ميزة اننا سنذهب للناس و ليس العكس

ماذا ايضاً ؟ ,, قلة المتواجدين ! ,, غالبا سنجد ان المهتمين بهذا الموضوع قليل و الذين بدأوا بالتحول الفعلي اقل ! ,, لكن على الاقل الايستحق التعريف بالنظام هذا الجهد ؟ و ما سنجنيه بعد ذلك من معرفة الناس بوجود اكثر من اختيار ؟

ايضاً مشكلة اخرى ,, عدم وجود بدائل لبرمجيات معينة ,, مثل برنامج اوتوكاد "AutoCAD " المستخدم بشكل بكثرة في التخصصات الهندسية المعمارية و للتصميم و طبعا بخلاف الفوتو شوب و الفلاش و غيرهم على الاستخدام التجاري .

غير ذلك كلها بعض المشاكل المتوسة و يمكن حلها ,, و كما قالت سابقا استخدام اللينوكس الان يعتمد في الاساس على احتياجات كل شخص

#######################

يعني كل مجموعة في جامعة واحدة او منطقة واحدة تظبط مع نفسها و تحاول تشوف ايه نظام الندوات في كل كلية و يظبطوا الامور

الدراسة في مصر تقريبا هتكون بعد العيد ,, يعني قدامنا وقت للتخطيط - اذا كنا ناويين نعمل حاجة ! -


حد ناوي يعمل حاجة ؟

[mohaned_nj]

خطوة رائعة وانا اوافقك الرأي فيها
ومن جانبي لن ابالغ ان قلت اني عملت كلما في وسعي ولا زلت على ذلك حتى الان لاقناع الكل بالمصادر المفتوحة
في المنتديات وفي اماكن العمل والاصدقاء والاقراب وفي كل مكان باستطاعتي ذلك
والحمد لله هنالك من نجحت باقناعه لكن للاسف هنالك الكم الكبير الذي لا يريد التغيير تعود دماغه على طريقة معينة ولا يريد تغييرها للاسف
واقول ان اكثر سلاح جذبهم للينكس الاغلبية للاسف هو المنظر مع ميزة ال compiz لكن بعد مدة من الزمن ياتيني بخبر سيء لا اعرف شياء النظام ولا يمكنني العمل به امسحه من جهازي
فانا لا انصح بنشر اللينكس الا لمن له قدر كفي من المعرفة والقدرة على قيادة نفسه بنفسه في عالم الكمبيوتر

[MinaSoft]

اتمنى ان استطيع تطبيق ذلك فى كليتى فانا فى كلية تجارة جامعة اسكندرية التى تحتوى على ما لا يقل 28 الف طالب ولكن ذلك يحتاج الى موافقة الجامعة ودعاية لليوم ولاب توب وبروجيكتور يعنى محتاج الى امكانيات ليست فى وسعى كطالب ولكن فى حالة توفرها لن اتراجع ثانية واحدة عن القيام بذلك .

[سطام]

أنا جالس أعمل دعاية للموقع ، بصورة غير مباشره

ودعاية من نوع آخر ، اكتب اسم Gnu/Linux في دفتر المحاظرات ، لعله يراه أحد الطلبة فيبحث عنه

والدعاية موجودة ، ولكن يلزم تفعيل لها ،

[أحمد أبوزيد !]

mohaned
مش مهم كام واحد يبدأ يستخدم اللينوكس ,, المهم اننا على الاقل عرفناهم ان في حاجة تانية غير الوندوز ,, و خلي بالك اننا بنركز على فئة الشباب يعني عندهم القابلية للتغير اكتر من غيرهم

**************
minobero
اكيد الحاجات دي لازم تكون موجوده ,, بالنسبة للتصريحات بتاعت الجامعة اعتقد اننا مش هنواجه مشكلة اوي فيها ,, و حتى نجرب و نشوف ايه النظام ,, اللاب توب دلوقتي نص الشباب الجامعيين عندهم لابتوبات و بأحث الامكانيات كمان D: - انا مش واحد منهم على فكرة D: - بس موضوع اللاب ده سهل يعني ,, البروجيكتور نأجرلنا واحد ايه المشكلة ؟ ,, و اعتقد ممكن نستفيد من تجربة ايجي لج في الموضوع ده هما بيستعملوا الحاجات دي كتير
و حتى لو في أي تكاليف كل ما يكون في عدد متطوعين كبير التكلفه بتتقسم و بتكون قليله ,, يعني لحد دلوقتي مفيش مشاكل

**************
سطام
على طول بعمل الحاجات دي ,, حتى بجيب كتب و بقرأها في المدرج و ناس بتسأل - كتير بقرأ بين المحاضرات عشان الدكاترة سعات بتتأخر - ,, بس احنا عاوزين الدعايا المباشرة ,,
على فكرة انا كنت هعمل تي شيرت عليه رمز من رموز لينوكس و شوية كلام كدا - على فكرة من فترة قريبة شوفت واحد في الشارع لابس تي شيرت مكتوب عليه اوبنتو ^_^ - ,, بس للاسف التي شيرتات اللي في موقع اوبنتو و مواقع تانية مش عجباني اوي ,, عشان كدا هعمل واحد بنفسي عن مطبعة و انا اللي هحدد يكون عليه ايه بالظبط ,,

احنى بقى عاوزين دعايا في شكل مجموعات كدا ,, و يكون في تفاعل و مادة علمية محضرة عشان تتقدم بشكل كويس ,, وكدا يعني

[lopo]

انا تعبت من اقناع البعض
يعني يقول لنكس لا يشغل العاب
واعطيه دلائل انه يشغل العاب بس ما يقتنع

[محب سينين]

موضوعك جميل كعادتك أخى

ولكن لى تحذير

الناس إلى ناويه تعمل دعايه أرجوكم تحروا الصدق

بلاش كذب على الناس

اعرض النظام بمزاياه وعيوبه
لأنك لو كذبت على حد يا أبو لمعه , الناس بعد ما تجرب حتلاقى كلام غير إلى انت أولته فيتصدم فحيلغى النظام من جهازه
وياريت كده وبس سيقوم بالدعاية السلبية
حيملى اللينوكس عيوب عن جهل وده كله من كدبك

انت لما تكلمهم عن النظام بمزاياه القوية وعيوبه التى يمكن التغاضى عنها غريزة الفضول الفطرية إلى فيهم ستدعوهم لتجربته

ولما يجرب عن سابق معرفة بالمزايا والعيوب مش حيتصدم و بالتالى احتمال استمراره أقوى

المهم متكذبش وتخبرهم بمزايا ليست فيه

ولما تذكر العيوب لا تقل عيبه كذا
غلط
بل قل النظام فيه كذا وكذا
يعنى اذكر ما تراه عيباً دون ذكر كلمة عيب لأنها تعطى انطباع سئ فى النفس
وتذكر أن ما تراه عيباً قد يكون ميزة
انظر للأمر من جميع الجهات
والسلام على من اتبع الهدى

[أحمد شريف]

اتمنى ان استطيع تطبيق ذلك فى كليتى فانا فى كلية تجارة جامعة اسكندرية التى تحتوى على ما لا يقل 28 الف طالب ولكن ذلك يحتاج الى موافقة الجامعة ودعاية لليوم ولاب توب وبروجيكتور يعنى محتاج الى امكانيات ليست فى وسعى كطالب ولكن فى حالة توفرها لن اتراجع ثانية واحدة عن القيام بذلك .

بالمناسبة تستطيعوا عمل هذا من خلال اتحادات الطلاب .. أنا كنت أمين إتحاد الطلاب وكنت أقوم بتنفيذ الندوات كما أشاء وللعلم مع اللائحة الطلابية الجديدة التى صدر القرار الجمهورية بها مع بداية العام الدراسى الماضى اصبح العمل الطلابى أكثر مرونة وأكثر تشويق واكثر حرية فركزوا على الإتحادات الطلابية وانتم هتجدوا الدعم المادى والشرعى واللى بعيد بصورة ما عن الروتين الجامعى طبعاً العمل الطلابى به مرونة كبيرة عن باقى محيط إدارت وأقسام الجامعة

[أحمد شريف]

بالمناسبة أنا شخصياً هشارك بمفاجأة ولكن لن أعلن عنها فى الوقت الحالى .. لكن وعد هتكون مفاجأة قوية والأولى من نوعها إن شاء الله

[المهندس الرائد]

معاكم في ما تريدون .. لو حتى أسافر لمدينة أخرى معنديش مشكلة ..

الحمد لله .. الدعاية في الوسط المحيط بي أقوم بها باستمرار .. فأنا تحولت بالكامل لنظام اللينوكس ، و بالتالي لا أستطيع تشغيل برامج الويندوز ولا أهتم بها ..

في المنزل .. أقنعت أهلي و تحولت أجهزتهم للأوبنتو ..

في الكلية .. بحكم التخصص جميع من حولي يريد تجربة النظام و العمل عليه .. بعضهم بدأ و الآخر يغلب عليه الكسل ..

أعتقد لو عملنا يوم مفتوح للينوكس في كليتنا ( الهندسة ) هييجي لنا ناس كثير .. لكن المشكلة في بعض البرامج المتخصصة ، كالأوتوكاد و الأهم منه الماتلاب ..

عموما .. حطوني معاكم في القائمة من بعد العيد ( هسافر السعودية بعد شهر )

[أحمد أبوزيد !]

lopo
زي ما قولت في الاول ,, الهدف من الموضوع مش الاقناع على قد ما هو الدعايا و تعريف بالنظام و كدا

*********************

محب سينين
الله يكرمك يا محب ,, فعلا لازم نراعي الجزئية دي لان في قصور في تطبيقات معينة مثلا زي اوتو كاد ,, و البرامج الهندسية ,, بس اكيد لازم نعرف الناس بالسلبيات و هما اللي يحكموا يقدروا يستخدموا النظام ولا لأ

*********************

أحمد مصري
انا بصراحة مش بقتنع باتحاد الطلبة ده - على الاقل في الجامعة عندنا ! - ,, عندنا في الكلية اتحاد الطلبة مجرد اداة لتنفيذ رغبات الادارة !
بس هما فعلا ممكن يسهلوا علينا حاجات كتير ,, بس نخليه اخر حل ,, مش عاوز يكون الموضوع بإسم اتحاد الطلبة اصلا .

طيب انت كدا شوقتنا D: ,, عاوزين اي معلومات كدا عن المفاجئة ,, مش هينفع كدا D:

*********************

المهندس الرائد
رائع جدا ^_^ ,, يا ريت بس تقولنا انت في جامعة ايه بالظبط ,, و ممكن يكون معاك ناس في الكلية و تعملوا مجموعة مع بعض
هو فعلا في بعض المشاكل في البرامج المتخصصة ,, بس الهندسة مش بس اوتوكاد و ماتلاب - اعتقد ان المات لاب ليه بديل جيد على لينوكس بس مش فاكر اسمه كدا ,, جربت تشوف بدائل ؟ -
تروح و ترجع بالسلامة ان شاء الله

[القائد]

و ايه الفايدة ...؟؟
هنعمل كده و نتعب قلبنا ليه فى الآخر .؟؟
معلش .. ده سؤال ممكن يتقال و رد عليه بشكل عام مش عليا أنا بشكل خاص

هو فعلا في بعض المشاكل في البرامج المتخصصة ,, بس الهندسة مش بس اوتوكاد و ماتلاب - اعتقد ان المات لاب ليه بديل جيد على لينوكس بس مش فاكر اسمه كدا ,, جربت تشوف بدائل ؟ -

octave
ليس كالماتلاب و يعتبر نحت فى الصخر لمن يريد التعلم

[أحمد أبوزيد !]

القائد
ايه الفايدة على ايه بالظبط ؟
***********
ايوه هو ده D:: ,, اوكتاف ,,
مع ان في ناس قالتلي عليه كلام كويس بالاضافة لبرنامج Gnuplot
بس اللي هيموت يعني و مش هيقدر يستعملهم يستعمل نسخة الماتلاب على اللينوكس

[المهندس الرائد]

أنا في جامعة المنصورة ..

بالنسبة للبرامج لو جيت للحق .. مش بسهولة الموجود على الويندوز و كلكم تتفقوا معايا ، طبعا أنا بأتكلم عن الإقناع و الدعايا ، و إلا الحمد لله أنا مش باستعمل البرامج دي ..

[tarek ragab]

انا اوافقكم على الفكرة............واريد تولى الدعاية على النت لكن لى طلب بسيط وهو مقال بسيط ارسله لاصدقائى فيه تعريف سريع وبسيط للينكس.........يمكننى ذلك لكن ارجو ان يمدنى احد خبرا اللينكس فى المنتدى بهذه السطور

[tarek ragab]

بالمناسبة أنا شخصياً هشارك بمفاجأة ولكن لن أعلن عنها فى الوقت الحالى .. لكن وعد هتكون مفاجأة قوية والأولى من نوعها إن شاء الله

منتظرين حصرياتك على المنتدى.....بالتوفيق اخى

[smartman]

انا بقول لو كل مجموعة تعارفوا علي بعض بانتمائهم لجامعة واحدة يبقي كدة قطعنا شووووت كبير جدا
احنا نعمل موضوع او قسم للتعارف بالموضوع دة مثلا
جامعات مصر
و تندرج تحتها بقيت الجامعات و يتم عمل جروبات بكل كلية
و بعد البدأ بالعمل
يتعمل زي ندوات بكلة معينة يحض فيها كل الجروبات بتاعت الجامعة
ياعيني عليك و علي افكارك يا ابو حميد

المهم محتاجين من الادراة انها تساعد بعمل قسم للموضوع دة

[أحمد أبوزيد !]

المهندس الرائد
جميل جدا ,, كدا كدا ان شاء الله الحاجات دي هنتكلم عنها بالتفصيل ,, لازم نكون عارفين ايه اهم البرامج المستخدمه بشكل تخصصي عشان نقدر نعمل دعايا صح

**********************

tarek ragab
سيبك من موضوع النت ده حاليا ,, خلينا في الدعايا على ارض الواقع ,, شوف اقرب مجموعة ليك و اشترك معاهم

**********************

smartman

هو ده بالظبط الهدف من الموضوع ^_^ ,,
و هى دي خطة العمل ان شاء الله

كل مجموعة في جامعة واحدة او مدينة يعملوا مجموعة و ينظموا يوم في كل كلية ,, و ممكن نشوف برده المدارس الخاصة و اللغات خصوصا الثانوي

اعتقد اننا ممكن نعمل قسم هنا في المنتدى خاص بالندوات التعرفية و كلام ده ,, و في انتظار تعقيب الادارة

[MEG]

حلو الهدف واضح و محدد :

الاعلان بغض النظر هل اقتنعوا ام لا

[saba5]

موضوعك أخوي Skeleton_Eel

جدا جميل

كانت لي تجربه قبل اسبوع تقريبا في الكلية عندنا بعد سماح مدرس اللغة العربية بـ15 فقط - أختياري لماد العربي لأن تكون الشعبة مخلط من جميع الأقسام -

وولأسف لم يخبرني بالمده إلى وقت الإلقاء فكنت مجهز بحث دسم عن لينوكس-توقعت باخذ وقت المحاضرة بالكامل-

وفاجئني بالوقت فقررت التركيز على نقاط معينه وطبعا الألقاء كان سريع والشباب يادوب يلحقون - محكوم بربع ساعة بس - بس الحمد لله

بعض الشباب ما يعرف أن فيه نظام تشغيل أسمه لينوكس
والبعض مستانس أنه عارف فيه نظام أسمه الماك غير الوندوز وتقريبا 4 أشخاص يسمعون بنظام لينوكس

النتيجة التي شعرت أنهم وصلو إليها أن نظام لينوكس أفضل من نظام أكس بي وفيستا في الأمن
للأسف عند وصولي لنقطة برنامج التأثيرات (compiz) قال الأستاذ أنتها وقت المحاضره ...


أعتقد أنها كانت تجربة جيده نوعا ما