إعـــــــلان

تقليص
لا يوجد إعلان حتى الآن.

كيفية عمل mount بطريقتين مختلفتين

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفية عمل mount بطريقتين مختلفتين

    السلام عليكم ورحمة الله وبركاته


    أولا بالنسبة لعمل mount فهذا الموضوع فى غاية السهولة وإن شاء الله نتناول الموضوع بتفصيل وتوضيح أكثر وكذلك نشرح طريقتين لعمل mount الاولى يدويا عن طريق كتابة الأوامر والثانية ببساطة شديدة لا تتعدى بضع خطوات وسهلة جدا جدا إن شاء الله


    بسم الله نبدأ

    بداية بحب اشرح شوية أساسيات بالنسبة لتعريف الهادر على اللينكس والبارتشنات التخزين عموما بيكون باحدى الوسائل إما هارد ديسك او Cd او DVD او فلاش ميمورى إلخ من هذه الوسائل بيئة اللينكس عموما بتيح ليك إنك تربط مابين هذه الوسائل ومابين التوزيعة اللى انت مسطبها عن طريق الmount

    هذا تعريف بسيط لل mount اى بمعنى ملخص الحاق أو الالتصاق بال/ أو (root) وعملية انهاء هذا الربط أو هذا الالتحاق تسمى unmount وتكتب فى سطر الأوامر umount

    بعض التوزيعات الحدثية إن لم يكم الكل المفروض إنه بارتشنات بنظام FAT32 بيكون معمول ليها mount تلقائى بدون أى تدخل من المستخدم مثلا Suse 10 البارتشنات توجد فى المسار windows/ وتقدر تتحكم فى البارتشنات على طول بدون تغييرات او استخدام سطر الأوامر مطلقا وكذلك كان فى ubuntu dapper beta البارتشنات أيضا بتظهر على سطح المكتب على طول اما لما نزلت النسخة الrelease اختفت هذه الخاصية لا اعلم لماذا

    عموما دى كانت مقدمة بسيطة عن معنى كلمة mount او الوظيفة
    طيب ننتقل لشىء ثانى أهم أول شىء الأجهزة سواء هارد او كارت صوت او شاشة الخ فى اى مسار توجد؟

    كل الملفات الخاصة بالاجهزة توجد فى الفولدر : dev/

    الهارد ديسك او السى دى روم او اى جهاز IDE\ATA بقة ايه نظامه ؟؟

    ===========================================

    لو primary master يبقى اسمه dev/hda/
    لو primary slave يبقى اسمه dev/hdb/
    لو secondary master يبقى اسمه dev/hdc/
    لو secondary slave يبقى اسمه dev/hdd/

    تقسيمات الهارد دسك لوحدها حالة خاصة :

    ============================

    بافتراض الهاردديسك كان متوصل primary master

    dev/hda1/ ده ال c
    dev/hda5/ ده ال d
    dev/hda6/ ده ال e وهكذا

    طبعا لو كان الهارد متوصل اى توصيلة تانية يبقى تغير a ب b او c او d
    لو السى دى روم متوصلة مثلا secondary master تبقى dev/hdc/ من غير 1 او ? ولا الكلام ده لانها ملهاش بارتيشنات

    كل ده كويس بس ايه قصة ان ال d تبقى 5 مش ? 2

    =================================

    لان عدد البارتيشنات ال primary على اى هارد ديسك لا يتعدى اربعة (منهم ال extended ) الذى يعتبر primary)

    يبقى انت لو عندك بارتيشن ال d او بارتيشن logical فى ال extended تبقى تاخد رقم خمسة لان ال extended نفسه واخد رقم 4 و2 و3 مش مستخدمين لانك مش عندك غير بارتيشن واحدprimary اللى هو ال c لو كنت مقسم الهاردديسك وعامل ال d تبقى primary يبقى فى الحالة دى تاخد رقم2 اما الطبيعى بتاعنا انك عندك واحد primary و extended فيه ال logical يبقى زى ما انا قلت .

    بعد المقدمة دى نيجى بقى لكيفية عمل mount ؟
    قلنا هنعمل فولدرات فى mnt/ بعدد البارتيشنات اللى عندنا وطبعا سميهم باى اسم ممكن c,d,e او باسماءهم على الويندوز يعنى زى كدة :
    باستخدام الامر :

    كود:
    [email protected]:~$ cd /mnt
    [email protected]:/mnt$ sudo mkdir q w r t
    [email protected]:/mnt$
    طيب نشرح احنا عملنا ايه فى البداية اول حاجة أخوى نكتب cd /mnt علشان نروح للمسار اللى هنربط بيه المجلدات
    تانى سطر دلوقتى هنعمل المجلدات اللى هنربط بيهم البارتشنات الأصلية بالملف mnt/ اللى طبيعى مربوط بال / أو الroot

    *ملحوظة : q w r T هذه أسماء اختيارية انت ممكن تعدل وتختار الأسماء اللى تعجبك بمعنى انت مثلا عندك 5 بارتشنات c,d,e,f,g يبقى تعمل sudo mkdir c d e f g علشان نحافظ على الترتيب ويبقى سهل عليك تحفظ الحروف

    نرجع لموضوعنا تانى دلوقتى احنا عاوزين نربط البارتشنات الأصلية بالمجلدات اللى احنا أنشأناها فى المسار mnt/ هنفتح الشل مرة اخرى ونكتب الأوامر دى

    كود:
    mount -t vfat /dev/hda1 /mnt/c
    واضح طبعا التخصيص وممكن تغير فات ل : ان تى اف اسوهكذا
    mount -t vfat /dev/hda5 /mnt/d
    mount -t ntfs /dev/hda6 /mnt/e
    mount -t ntfs /dev/hda7 /mnt/f
    بعد كدة تقدر تدخل على البارتيشنات من mnt/
    بس لو عملت ريستارت لازم لما تدخل تنفذ الاوامر دى تانى علشان تعمل mount اذا لازم تعمل حاجة تثبت البارتيشنات
    ادخل الفولدر etc/ وافتح الملف fstab ونفتحه عن طريق الأمر ده

    كود:
    sudo nano -w /etc/fstab
    نوضح برده احنا عملنا ايه طبعا حضرتك تعلم إنه sudo دى أداة ادارة النظام طيب ايه nano -w ده ؟

    nano ده محرر نصوص عن طريقه تقدر تعدل فى ملفات التوزيعة من خلال الشل أما الخاصية w- دى اللى هتمكنا من عرض الملف علشان نبدأ بالتعديل فيه بعدما هتكتب الأمر على بعضه هيظهر ليك حاجة بالشكل ده

    * ملحوظة : ده ملف fstab الخاص بى ممكن يكون مختلف عن اللى عندك فا خد بالك أخى

    GNU nano 1.3.10 File: /etc/fstab

    # /etc/fstab: static file system information.
    #
    # <file system> <mount point> <type> <options> <dump> <pass>
    proc /proc proc defaults 0 0
    /dev/hda6 / ext3 defaults,errors=remount-ro 0 1
    /dev/hda1 /media/hda1 vfat defaults,utf8,umask=007,gid=46 0 1/dev/hda5 /media/hda5 vfat defaults,utf8,umask=007,gid=46 0 1/dev/hda7 none swap sw 0 0
    /dev/hdd /media/cdrom0 udf,iso9660 user,noauto 0 0
    /dev/fd0 /media/floppy0 auto rw,user,noauto 0 0
    /media/hda5/mido.iso /media/cdimage iso9660 ro,loop 0 0
    /dev/hdc6 /media/msr ntfs-3g umask=000 0 0
    /dev/hdc8 /media/msr2 ntfs-3g umask=000 0 0

    طيب دلوقتى انت عاوز تضيف البارتشنات اللى انت عملت ليها mount علشان مش كل مرة تعمل فيها اعادة تشغيل للجهاز الmount هايروح فتعمل الآتى احنا قلنا مثلا انت عندك 5 بارتشنات او اى عدد بقى على حسب اللى عندك
    اول حاجة شايف عندك كلمة <file system> تحط تحتيها المسار الأصلى للبارتشن الاول اللى هو فرضاdev/hda1/ وتحت كلمة <mount point>
    نحط المسار للمجلد اللى احنا علمناه تحت mnt/ وكان كده مثلاmnt/c/ وتحت كلمة <type>
    نكتب نوعه اللى كان vfat (vfat=fat32) the same وتحت كلمة <options>
    نكتب الكلام دهcodepage=864,iocharset=utf8 وتحت كلمة <dump>
    نكتب 0 وتحت كلمة <pass> نكتب 1وبينهم شوية مسافات كده بحيث إنه السطر يبقى كله كالآتى

    كود:
    /dev/hda1 /mnt/c vfat codepage=864,iocharset=utf8 0 1
    طبعا بعد ما تضيف كل السطور الخاصة بكل بارتشن وتكرر العملية بالنسبة ل d ,e,f ,g المفروض تعمل حفظ للملف عن طريق ctrl+o وعلشان تخرج من المحرر ctrl+x
    ده كان بالنسبة لعملية الmount

    دى كانت معانا أول طريقة لكيفية عمل الmount وأنا عارف إنها ممكن فى البداية صعبة للمبتدئين ولكن لازم ولابد من خوص التجارب لأنه إذا ما كانت فيه مافى نجاح بلا شك .

    وإن شاء الله نشوف الطريقة التانية فى المشاركة القادمة نظرا لطول النص فى الموضوع

    دمتم بحفظ الله وعنايته

    السلام عليكم ورحمة الله وبركاته
    شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
    | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

  • #2
    السلام عليكم ورحمة الله وبركاته

    هلا إخوانى كيفكم عساكم تكونوا بخير إن شاء الرحمن

    طبعا بنكمل الموضوع إن شاء الله ومع الطريقة الثانية لعمل الmount والطريقة دى من أسهل ما يمكن الحين إن شاء الله أول شىء نعمله نفتح الترمينال الخاص بينا (ترمينال المقصود بيه الشل اللى بنكتب من خلاله الأوامر ) بعد كده نكتب هذا الأمر

    كود:
    wget http://www.ubuntulinux.nl/files/diskmounter
    نشرح الأمر ده عبارة عن ايه :

    الأداة wget هذi تعمل محل كل برامج التحميل التى تستخدم الواجهة الرسومية اى تعمل على تحميل أى ملف من خلال الشل او الترمينال والملف اللى بنسوى ليه تحميل اسمه diskmounter وهذا عبارة عن سكريبت (أى برنامج ) كتب خصيصا لعمل كل الأوامر التى سبق شرحها بالطريقة الأولى أعلى بدون اى تدخل من المستخدم

    الحين بعد ما كتبنا الأمر نضفط enter هيظر لينا الآتى

    [email protected]:~$ wget http://www.ubuntulinux.nl/files/diskmounter
    --22:47:46-- http://www.ubuntulinux.nl/files/diskmounter
    => `diskmounter'
    Resolving www.ubuntulinux.nl... 87.250.150.84
    Connecting to www.ubuntulinux.nl|87.250.150.84|:80... connected.
    HTTP request sent, awaiting response... 200 OK
    Length: 4,864 (4.8K) [text/plain]
    100%[====================================>] 4,864 23.23K/s
    22:47:47 (23.22 KB/s) - `diskmounter' saved [4864/4864]
    طبعا هذا الكلام السابق معناه أنه تم تحميل الملف وحفظه بعد كده بنكتب هذا الأمر تانى

    كود:
    sudo bash diskmounter

    وبعد ما نضغط enter هيظهر لينا التالى

    sudo bash diskmounter
    Password:
    By default the disks will be writable only by root and
    Do you want to make the disk writable by all users instead? (y/n)
    y
    بعد ما كتبا الامر وضغطنا enter هيظهر لينا رسالة تخبرنا هل تريد أن تجعل كل الأقراص التى لديك مفعلة ويمكن الكتابة والتعديل عليها من مقبل المستخدمين العاديين ؟ لانها الوضع الافتراضى كان فى اول سطر يخبرك إنه هذا الخاصية مقتصرة على الجذر فقط إذا كنت بتريد التفعيل لكل المستخدمين اكتب حرف y زى ما انا كاتب تحت السطرين أما إذا كنت بتريد الموضوع قاصر فقط على الجذر اكتب حرف n

    بعد ما نكتب y or n هيظهر لينا الرسالة التالية:
    As of Ubuntu 6.04 (Dapper Drake) there is slightly more NTFS writing support
    through a very experimental NTFS FUSE module. Using this seems to work but
    is NOT recommended. Do you want to use this? [no]
    طيب ايه معنى الرسالة السابقة علشان نكون على علم أكثر ؟

    الرسالة السابقة بتخبرك والمراد منها انه استخدام هذا السكريبت ممكن يدعم عمل mount لأقراص بنظام ملف ntfs ولكن هذا الخيار غير مستحب المهم هذا الخيار يرجع ليك أولا واخيرا لأنه بيختلف أكيد انواع الأقراص الخاصة بى وبك ولذلك أنا كتبت no وضغطت enter عندها يقوم السكريبت بعمل mount تلقائى بدون تدخل منك وبسرعة رهيبة لا تتعدى ثوان معدودة ويتم عمل ال mount فى المسار التالى
    media/ وتظهر رسالة بهذا الشكل تفيد بأنه ال mount قد تم عمله بنجاح

    Added /dev/hda1 as '/media/hda1'
    Added /dev/hda5 as '/media/hda5'
    All windows and mac partitions will now be mounted every time you boot
    You do not need to reboot, the partitions are mounted now too
    وبعدها تقدر تدخل على الاقراص الخاصة بك بكل سهولة ويسر

    أتمنى من الله عز وجل إن أكون وفقت فى الشرح إن أصبت فمن الله سبحانه وتعالى وإن إخطات فمن نفسى والشيطان وإذا كان فى الموضوع أى شىء خطأ أتمنى من الإخوة أن ينبهونى إليه

    ملحوظة : الموضوع خاص بتوزيعة الubuntu بالدرجة الأولى ويمكن استخدامه مع أى توزيعة لينكس ولكن بدون استخدام الأداة sudo فى سطر الأوامر ولكن بالدخول كroot

    والمطلوب دعوة بظاهر الغيب ولا أكثر ولا أقل عسى الله أن يرحمنى بها

    دمتم بحفظ الله وعنايته

    السلام عليكم ورحمة الله وبركاته
    شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
    | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

    تعليق


    • #3
      جزاك الله كل خيرا على الموضوع الرائع
      فقد كنت فقدت وصلة هذا الموضوع فى منتدى لينكوس دنيا المعرفة
      بعد عملية دمج ال 3 منتديات

      وعندى طلب صغير يا اخى
      برجاء كتابة مواضيعك القديمة مرة اخرى هنا
      حيث ان وصلات المواضيع التى امتلكها الان تعتبر عديمة الفائدة
      وارجو منك اعادة كتابة الموضوع الخاص بأعادة تشغيل ال boot loader
      الخاص بالفيدورا عن طريق الrescue disk
      مع العلم بحاجتى الشديدة جدا لهذا الموضوع

      وشكرا كثيرا يا اخى على مجهوداتك الرائعة

      تعليق


      • #4
        السلام عليكم ورحمة الله وبركاته

        بارك الله فيك أخى الفاضل على كلماتك الطيبة وأرجو الله أن القبول فى العمل وإن يجعل كل اعمالنا خالصة لوجهه الكريم

        بالنسبة اخى الفاضل لنقل المواضيع فده اللى انا بعمله دلوقتى إن شاء الله المواضيع كلها هتتنقل هنا

        بخصوص موضوع ال bootloader فى الفيدوا انا لم يسبق لى وعملت موضوع زى ده أكيد تقصد موضوع الاخ root :rolleyes:

        عموما هكلم الأخ على ينقل الموضوع فى قسم الفيدورا

        دمت بحفظ الله وعنايته

        السلام عليكم ورحمة الله وبركاته
        شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
        | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

        تعليق


        • #5
          جزاك الله كل خير يا اخى الحبيب
          ارجو الا اكون قد اثقلت عليك
          ومن الظاهر فعلا ان الموضوع للاخ Root
          فاذا تكرم بنشر الموضوع مرة اخرة لتعم الفائدة
          جزاكم الله خيرا واعانكم عليا
          مع تحياتى

          تعليق


          • #6
            اخي الكريم


            اشكرك جزيل الشكر على هذا الشرح والتفصيل المفيد


            لكن لدي سؤال كثيرا ما يطرح ،،، لماذا يستخدم في الشرح الطريقة التيرمنل او سطر الاوامر ،، ولا تستخدم الواجهة الرسومية ؟؟


            في system settings من القائمة تجد Disk & Filesstems ومنه تظهر الهارد دسكات وبالضغط بالزر اليمين تخرج قائمة بالخيرات الممكن عملها ومنها الماونت


            هل من الممكن اخي الكريم أن تشرح لنا عملية الماونت عبر الواجهة الرسومية ؟؟


            ارجو الافادة

            فمان الله

            تعليق


            • #7
              السلام عليكم ورحمة الله وبركاته

              هلا بيك اخى الفاضل بالنسبة لموضوع شرح عمل الmount من خلال الواجهة الرسومية صراحة انا ماجربته لأنه الموضوع من خلال الشل أسهل كتير غير إنه فى شىء مهم الواجهة الرسومية اللى بيعتمدها ال ubuntu بتكون خاصة بالمستخدم فقط مثلا انت اسم المستخدم بتاعك على التوزيعة imksa مثلا لو حبيت تعمل موضوع ال mount من خلال الواجهة الرسومية ساعات الموضوع بيتطلب انك تحصل صلاحيات الروت فى وقت معين علشان الmount يتنفذ بطريقة صح طبعا ده مش هتقدر تعمله إلا لو فعلت الواجهة الرسومية الخاصة بال root وده فيه مخاطر كبيرة انك ممكن تدمر التوزيعة بحاجة انت مش واخد بالك منها فا سطر الاوامر أجمل ما فيه بيكون تحت طوع ايديك لما اى امر بيطلب صلاحيات الروت هو بيفهم تلقائى ده وبيطلب منك تدخل الباسورد بتاعت الروت فى لحظة معينة فقط مش كل الاوقات

              أتمنى اكون رديت على الاستفسار بشكل مفصل واعذرنى على التأخير على الرد

              دمت بحفظ الله وعنايته

              السلام عليكم ورحمة الله وبركاته
              شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
              | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

              تعليق


              • #8
                اخي الكريم

                المشكلة انني عند الدخول root يرفض الدخول وكلمة المرور صحيحة 100% كما ترى في الصورة
                التعديل الأخير تم بواسطة أبو بدر; الساعة 05-10-2007, 02:52 AM.

                تعليق


                • #9
                  السلام عليكم ورحمة الله وبركاته

                  بالنسبة للمشكلة دى أخى الفاضل كل اللى عليك انك تكتب المسار اللى عليه الsources.list الأول بمعنى مثلا انت لما نزلت ال sources.list من المرفقات نزلت على ال Desktop يبقى ﻻزم تروح للمسار بتاع ال Desktop ده من خلال الأمر cd


                  يبقى أول شىء تفتح الشل وتكتب الأمر التالى

                  cd Desktop

                  بعد كده تكتب الأمر التالى

                  sudo cp -p sources.list /etc/apt/sources.list

                  وهتلاقى كل شىء مظبوط إن شاء الله

                  أما لو عاوز تكون root من خلال الشل وانا مش بفضل الموضوع ده تكتب الأمر التالى

                  sudo su

                  بعد كده هيطلب منك تدخل الباسورد هتكون root على طول

                  دمت بحفظ الله وعنايته

                  السلام عليكم ورحمة الله وبركاته
                  شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
                  | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

                  تعليق


                  • #10
                    أشكرك على الطريقتين أخي MySQL

                    وأشكرك من كل قلبي على حلولك الوافيه

                    وننتظر كل ماتجود به يداك
                    http://www.flashfp.net/uploader/modu...99547aaab5.jpg

                    u can live freedom but u can't live without it

                    تعليق


                    • #11
                      السلام عليكم ورحمة الله
                      جزاك الله كل خير على هذا الشرح
                      purus
                      حسبي الله لا إله إلا هو عليه توكلت وهو رب العرش العظيم

                      تعليق


                      • #12
                        السلام عليكم ورحمة الله وبركات

                        الف شكر اخوي على الشرح الراقي والتسلسل بالخطوات

                        لك التحية والتقدير

                        تعليق


                        • #13
                          جزاك الله ألف خير أخي الكريم .. بارك الله فيك .. و جعلك ذخرا لنا ,, تحياتي أخوك Zeirab
                          Live Free Or Die

                          تعليق


                          • #14
                            أخي العزيز أبو عبدالرحمن
                            هذا الأمر لا يشتغل معايا sudo bash diskmounter

                            و تظهر معايا الرسالة الأتية :

                            [[email protected] ~]$ sudo bash diskmounter
                            yousef is not in the sudoers file. This incident will be reported.

                            فما الحل برأيكم علما بأني أستعمل ماندريفا 2008

                            تعليق


                            • #15
                              ادخل root

                              بهذا الامر

                              su

                              ثم ضع هذا الامر

                              bash diskmounter

                              اهلا بك

                              تعليق

                              يعمل...
                              X