إعـــــــلان

تقليص
لا يوجد إعلان حتى الآن.

التحكم الكامل فى اللينكس (دردشه حول ال Linux )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • التحكم الكامل فى اللينكس (دردشه حول ال Linux )

    هذا الموضوع كتبته من فتره طويله جدااا فى منتدى security gurus
    http://www.securitygurus.net/forum/i...showtopic=1292
    و قلت بما انى بدأت اكتب للمنتدى هنا فقلت انزله يمكن ناس تستفيد منه و اتمنى هذا , المهم ادى الموضوع ::-

    شويه دردشه حول الfedora core

    السلام عليكم و رحمه الله و بركاته

    الواحد كان قاعد يدردش مع ناس اصحابه حوالين اللينكس فقلت ليه منزلش الدردشه دى فى المنتدى عشان الناس تقراها و يستفيدو معانا المهم عشان مطولش عليكم

    هنبدأ الدردشه علطول من المرحله التانيه و هى مرحله ظبط اللينكس و تنزيل و عمل اب ديت للسوفت وير بتاعه و هنعتبر انك عديت المرحله
    المرحله الاولى و هى انك نزلت اللينكس على جهازك بنجاح
    دلوقتى هنتكلم عن اسهل طريقه ممكن تنزل بيها السوفت وير بتاعك على اى لينكس عموما لكن انا هطبق شغلى على الفيدورا بما انى بستعمله
    و بما ان هو نظام ممتاز

    1- منين تقدر تجيب السوفت وير تبع اللينكس بتاعك من على النت ؟

    اولا :: www.google.com

    ثانيا :: المواقع التاليه و طبعا هذه مش كلها دول بس شويه منهم ::
    كود:
     http://rpm.livna.org
    http://fedoraproject.org/wiki/Extras 
    http://freshrpms.net 
    http://www.fedoratracker.org/tracker.py?mode=pkgSearch 
    http://www.rpm.pbone.net
    و الباقى هتكتشفهم انت بس دول كافيين جدا

    2- ازى اقدر انزل السوفت وير على اللينكس بتاعى ؟

    هقلك عندك طريقطين و طبعا الاتنين اسهل من بعض اولا هى ال طريقه ال rpm
    و طبعا هى طريقه سهله جداا و انا مش هدخل فى تفاصيل لكن هقول معلموات بسيطه فى النص عن الحاجه الى احنا بنستعملها او بمعنى اخر ان rpm = RedHat package manager

    كود:
    rpm -i file.rpm 
    rpm -Uvh file.rpm 
    rpm -q software 
    rpm -e package-name
    -i = install
    -Uvh = update verbose hash
    -q = query
    -e = uninstall package
    اظن طبعا كل الاوبشنز الان واضحه و كمان ممكن تعمل install للسوفت وير مباشره من الموقع الموجود عليه بدلا من تحميله اولا و بعدين ال install و ده يحصل ايضان عن طريق ال rpm
    كود:
    rpm -I http://xxxx.com/file.i386.rpm
    دى طريقه سهله جداا طبعا لايجاد و تنزيل اى سوفت وير تحتاجه على اللينكس الخاص بك انك فقط تدور على اسم السوفت وير بتاعك و تجد له ال rpm package و هتعمل install ليها و كلو هيبقى تمام

    الطريقه التانيه بقى هى عن طريق yum
    و طبعا اكيد فى كتير مننا عارفين ال yum و عشان نعرفه اصلا انا هتلكم عنه كلمتين مبسطين جداااا
    الyum هو عباره عن سوفت وير يبحث عن الحزم المناسبه لجهازك و ينزلها لك بمجرد ان تكتب اسمها فقط
    و طبعا فى ملف الكونفج بتاعه yum.conf بنحط المواقع التى يتم البحث فيها عن السوفت وير بتاع اللينكس و كمان بنحدد الاصداره بتاعت اللينكس عشان يدور فى المكان المظبوط
    طبعا الفيدورا بينزل معاه ال yum بدون ما انت تنزله انما لو اى توزيعه تانيه مش بينزل معاها ال yum تقدر تنزله من هنا
    http://linux.duke.edu/projects/yum

    او طبعا تقدر تجيب ال rpm بتاعته و تنزله
    المهم بعد تنزيل الyum هنتكلم عن ال yum.conf الى هو الكونفج بتاعه و انا مش هعمل ملف و احطه عشان الناس تحاول تعمل ملف و نشوف ايه احسن ملف هيتحط فى المنتدى و يبقى الملف مقدم من سيكورتى جوروز
    المهم نرجع للموضوع الyum.conf و قلنا عنه بأختصار ان ده الملف الى بيتحط فيه المواقع التى يستعملها ال yum عشان ينزل السوفت وير على اللينكس عندك و يعمله install و ادى مثلا مثال على كيفيه وضع الموقع فى ملف الكونفج

    كود:
    [base] 
    name=Fedora Core $releasever - $basearch - Base 
    mirrorlist=http://fedora.redhat.com/download/mirrors/fedora-core-$releasever 
    enabled=1 
    gpgcheck=1
    ده مثال مثلا على وضع اى ميرور او اى موقع هيستخدمه ال yum عشان يدور على السوفت وير الى انت طلبته و ينزله عندك على اللينكس و طبعا كلمه $releasever دى المفرود يكون بدلها الاصدار بتاع اللينكس بتاعك بس احنا بنسيبها كده طبعا و ال yum بيحدد الاصدار و بيدور فى المكان الصحيح
    و ملحوظه مهمه بالنسبه ل gpgcheck =1 يا ريت تقلبها الى gpgcheck = 0 عشان الاوبشن ده بيخلى ال yum يعمل مقارنه بين ال gpg keys بتاعت الباكيتس الى هو نزلها من الموقع بعد ما نزلت على جهازك عشان يتأكد من سلامه الباكيتس بس انت هتضطر الى عمل import لل gpg keys بتاعت كل الباكيتس من كل ميرور هتستخدمها
    يعنى مثلا عندك freshrpm.net لو هتستخدم الميرور دى و خاصيه ال gpgcheck مفتحوهه لازم تعمل الامر الاتى عشان ال yum يشتغل معاك

    كود:
    rpm --import http://freshrpms.net/packages/RPM-GPG-KEY.txt
    طبعا اقفلها و ريح دماغك احسن :D
    المهم هنطبق الكلام ده على اى ميرور انا عايز اخلى ال yum يستعمله عشان يدور فيه على السوفت وير للينكس بتاعى و الميرور على فكره هى نفس المواقع الى انا ذكرتها فوق عشان تجيب من عليها ال rpm بتاعتك
    و بعد ما تظبط الكونفج بتاعتك هتعمل امر :

    كود:
    yum update
    عشان ال yum ينظم ملفات ال repo بتاعتك و هتقولى ايه ملفات الrepo هقلك ده يعتبر فى رائى تصغيير لل yum.conf بمعنى ان ال yum.conf بيحتوى على كل الميرورز بتاعتك المستخدمه مع بعض انما ملفات الrepo فى تحتوى على ميرور واحد فقط داخل كل ملف مثلا المثال المحطوط فقو هتلاقيه فى ملف اسمه fedora.repo داخل مجلد
    /etc/yum.repos.d/


    و دلوقتى بقى هنخش على ::

    3- ازاى تستعمل ال yum ؟
    اولا فيه امر انا شخصيا عاجبنى جداا بعد ما تظبط الyum و كلو تمام اعمل الامر ده

    كود:
    yum list available
    هتلاقى ال yum عمل بحث فى كل الميورو الموجوده داخله و جابلك كل السوفت وير الجديد الموجود عليها و انت بقى تنقى و تختار تنزل ايه :D
    و عشان تدور على سوفت وير معين انت عايزه هتعمل الامر ده

    كود:
    yum search package-name
    و عشان تعرف معلومات عن سوفت وير معين
    كود:
    yum info package-name
    و عشان تنزل سوفت وير جديد هتعمل الامر ده
    كود:
    yum install package-name
    و عشان تعمل update لاى سوفت وير موجود عندك و عايز تحدثه
    كود:
    yum update package-name
    و على فكره انا على فيدورا كور 3 عملت update لل KDE بتاعتى من 3.3 الى 3.4.3 يعنى عايز اقلك انك ممكن تحدث اى حاجه انت عايزها فى النظام عن طريق ال yum بسهوله و يسر
    يادوب تشغل ال yum و تخش تنام :D

    المهم نخش فى حبه تحابيش كده شويه فى ال yum
    مثلا عشان تعمل enable لميرور انت قافلها فى الكونفج بتاع ال yum هتعمل الامر ده
    كود:
    yum --enablerepo=repo-name install package-name
    و طبعا العكس صحيح عشان تعمل disable

    عشان تدور على ال package التى تحتوى على ملف معين بداخلها هتعمل الامر ده
    كود:
    yum provides filename
    و نتكلم بقا فى نهايه الدردشه عن مسح او ازاله اى سوفت وير ايضان عن طريق ال yum
    و دى طبعا بأمر بسيط جداا و هو
    كود:
    yum remove package-name
    مش عارف بقى اتكلم عن ال yum extender و لا ﻷأ بس عموما هو تم ذكره قبل كده فى منتديات عربيه بس بأختصار هو عباره عن واجهه GUI لل yum بدلا من استخدامه من ال terminal اى سطر الاوامر

    و بردو تقدر تنزله عن طريق yum من سطر الاوامر :D
    كود:
    yum install yumex
    و بعد كده هتلاقيه فى ال menu >system tools

    و على فكره دى الحلقه الاولى فى الدردشه حول اللينكس و ان شاء الله نكمل الحلقات الجايه حاجات كتير عن اللينكس لانه فعلا نظام فوق الرائع

    مصادر المعلومات :- تم قراءه العديد من كتب اللينكس و قراءه الكثير عن ال yum من الانترنت و تم كتابه الموضوع منى شخصيا B)

    تحذير هام جدااااااااا
    عدم نسخ او نقل الموضوع الى اى مكان اخر او الى اى منتدى اخر بدون علم و استأذان صاحب الموضوع حتى اتمكن من متابعه ردود الناس على الموضوع و رؤيه تفاعلهم
    للمراسله :: [email protected]

  • #2
    دردشه زى العسل
    شكرا لك والى اﻻمام دائما
    تقبل تحياتى
    http://img197.imageshack.us/img197/9...66319499rr.gif

    lion_heart_300 previously

    تعليق


    • #3
      ما شاء الله عزيزي ACiD-WaRZ و لا اروع
      ااااه لو كانت كل الدردشات مثل هذه ااااااااااااه
      الف شكر و بانتظار الحلقات الاخرى
      تحياتي.
      ....

      تعليق


      • #4
        بارك الله فيك .. موضوع جميل جدا..
        GCS

        تعليق


        • #5
          جزاك الله خير

          أخوي اسيد موضوع جميل

          بالتوفيق في الحلقات القادمة
          Live Free 0r Die

          تعليق


          • #6
            دردشة جميلة اخوى ACiD-WaRZ
            واستفدت بها كثير منذ انتقالى للدلوعه فيدورا
            SЄČURiTY TЄΛM
            MyBlog

            تعليق


            • #7
              متشكرين جدا جدا..

              امس شفت الموضوع وحفظته واليوم كنت ناوي انقله للمنتدى هنا..

              يعطيك العافية وجاري الاستفاده من الموضوع ...

              تعليق


              • #8
                ما شاء الله أخوي ACiD-WaRZ :clap2:
                شكلي آخر واحد جالس يشوف هال أمور ;)
                كلام جميل أخوي ياريت تستمر في إبداعاتك ... فعلى ما يبدو هناك متابعين للمسلسلات التي تصدرها الكثير من الأخوة فيما بيننا :khaleje_happy: وهذه حقيقتا نقطة تحسب لك إنه الناس تعجب بكتاباتك ...
                أتمنى تواصل ما بدأت وجزاك الله خير
                إِنَّمَـا الأُمَـمُ الأَخْـلاقُ مَا بَقِيَـتْ ... فَـإِنْ هُمُ ذَهَبَـتْ أَخْـلاقُهُمْ ذَهَبُـوا

                إذا المرء لا يرعاك إلا تكلفاً ... فدعه ولا تكثر عليه التأسفا
                ففي الناس أبدال وفي الترك راحة ... وفي القلب صبر للحبيب ولو جفا
                فما كل من تهواه يهواك قلبه ... ولا كل من صافيته لك قد صفا
                إذا لم يكن صفو الوداد طبيعة ... فلا خير في خل يجيء تكلفا
                ولا خير في خل يخون خليله ... ويلقاه من بعد المودة بالجفا
                وينكر عيشاً قد تقادم عهده ... ويظهر سراً كان بالأمس في خفا

                [ مواقع مفيدة: أروع موقع القرآن الكريم |مدونتي |Twitter |نظام طارق ]

                تعليق

                يعمل...
                X