إعـــــــلان

تقليص
لا يوجد إعلان حتى الآن.

استرجاع البوت لودر على توزيعة ubuntu

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • استرجاع البوت لودر على توزيعة ubuntu

    السلام عليكم ورحمة الله وبركاته

    كفيكم إخوانى عساكم تكونوا بخير وأتم صحة وحال إن شاء الله الرحمن وربنا يارب يتقبل منكم الصيام والقيام وأن يجعله لكم سندا يوم العرض والحساب إنه ولى ذلك والقادر عليه

    اليوم إن شاء الله مع موضوع بسيط إن شاء الله جدا ولكن لاحظت فى الفترة الماضية إنه أعضاء كتير بيعانوا منه وهو فقدان البوت لودر للينوكس أثناء تثبيت مثلا الويندوز بجانب اللينوكس او مثلا فقدان الويندوز لحدوث أمر ما يتطلب اعادة تثبيته مرة أخرة وهذه من أسوأ عيوب ويندوز وهى تثبيه بجانب نظم تشغيل أخرى لأنه المشكلة مثلا لما بنثبت مثلا ويندوز عندنا على الجهاز وحبينا نثبت لينوكس الامر بيكون فى غاية السهولة عند اختيار أحد النظامين لانه اللينوكس بيحتوى على برنامج ممتاز اسمه grub او البوت لودر الخاص باللينوكس وبالتالى يسهل عملية الاختيار بشكل ممتاز

    أما على النقيض لو ويندوز ضرب مثلا لأحد الأسباب وما اسهلها وعلى وجه الخصوص الشاشة الزرقاء أو ما أسميها انا الشاشة السوداء فجأة وبدون مقدمات تظهر ليك رسالة :

    System has recovered from serious problem that may cause damage to your computer


    طبعا انا مش متذكر نص الرسالة بالظبط ولكن كان شىء زى ده تقريبا طيب لما تحب بقى تعمل اعادة تثبيت للويندوز مرة تانية المفروض أنه يميز إنه مش النظام الشتغيل الوحيد على الهارد لا ده على طول من غير تفاهم بيضرب البوت لودر للينوكس بكل سهولة ويسر ( شفتوا ما أحسن من الخراب ) وبيستولى على اول قطاع فى الهادر اللى بيكون تحت مسمى master boot record

    طيب دى كانت مقدمة بسيطة عن الموضوع

    ندخل فى صلب الموضوع وهو كيفية اعادة البوت لودر على توزيعة ال ubuntu على طول نبدأ


    بسم الله

    أول شىء على طول نطلع ال cd الخاصة بعملية التثبيت نفسها سواء كانت Desktop او كان alternate cd ونضعها داخل ال cd-rom ونضبط اعدادات ال bios على إنه ال cd-rom تكون هى first boot device

    بعد ما ندخل ال cd الخاصة بتوزيعة ال Ubuntu هتبدأ الcd فى الاقلاع وهتظهر الشاشة الافتتاحية للتوزيعة وفيها عدة اختيارات منها خيار installation in oem mode إلخ ولكن اللى يهمنا دلوقتى الاختيار التالى

    كود:
    [COLOR="blue"]Rescue a borken system [/COLOR]
    ننزل بالأسهم لتحت ونضغط على الاختيار ده بعد كده هتبدأ ال cd فى التحميل وأول شىء هيظهر لينا

    كود:
    [COLOR="blue"]choose language ======>english[/COLOR]
    بعد كده هنختار المكان

    كود:
    [COLOR="Blue"]choose your location ======>  other ======> egypt
    [/COLOR]

    بعد كده هيظهر لينا اختيار ال keyboard

    كود:
    [COLOR="blue"]your keyboard ======>american keyboard[/COLOR]
    بعد ما نخلص الحاجات دى هتبدأ ال cd تشوف الهاردوير الخاصة بالجهاز بتاعنا لحد ما نوصل للخطوة دى وهى خطوة

    configure network طبعا لو خدمة ال DHCP شغالة هيشوف اعدادات الشبكة تلقائى لو ال DHCP مش شغال هتظهر رسالة وفيها كلمة continue نضغط عليها وبعد كده هتظهر شاشة تانية نختار منها الاختيار التالى

    كود:
    [COLOR="blue"]configure network manually [/COLOR]
    ونضغط enter بعد كده هتظهر لينا شاشة ندخل فيها بيانات الشبكة الخاصة بينا اول حاجة ال ip بتاعنا ثم ال Netmask ثم ال gateway ثم ال dns بعد ما نخلص

    هتظهر لينا شاشة نكتب فيها ال hostname الخاص بينا وطبعا هنكتب الاسم الاصلى اللى احنا وضعناه اثناء مرحلة التثبيت الأصلية

    وبعد ما كل ده يخلص بقى هندخل فى الجد هتظهر ليك شاشة العنوان الرئيسى بتاعها مكتوب باللون الأحمر

    كود:
    [COLOR="red"]Enter rescue mode [/COLOR]
    ومكتوب بداخل الشاشة على طول السطر ده

    كود:
    [COLOR="blue"]Device to use as root filesystem [/COLOR]
    وتحت السطر ده مكتوب شوية سطور زى دى

    كود:
    [COLOR="blue"]/dev/discs/disc0/part1/
    /dev/discs/disc0/part2/
    /dev/discs/disc0/part5/
    /dev/discs/disc0/part6/
    /dev/discs/disc0/part7/[/COLOR]
    طيب نفهم ايه المراد من الشاشة دى ؟

    المراد هنا اننا نحدد مسار ال root والمسار هو هو اللى احنا ثبتنا عليه التوزيعة بمعنى اوضح انك تحدد البارتشن اللى انت نزلت عليه التوزيعة مثلا انت نزلت التوزيعة بارتشن ال d وخلى بالك بارتشن ال d على ويندوز بيقابله الاسم ده على لينوكس وهو part5 وبارتشن ال e على ويندوز بيقابله الاسم ده part6 وهكذا

    فا شوف انت نزلت بقى اللينوكس على اى بارتشن وعموما لو مش عارف افضل جرب وبعد ما تختار مثلا البارتشن ده هتظهر ليك الشاشة دى وفيها كلام زى ده

    كود:
    [COLOR="blue"]Rescue operation
    [/COLOR]

    وتحت الكلمتين دول شوية اختيارات منها اول سطر ده

    Execute a shell in /dev/discs/disc0/part5 مثلا لو احنا كنا اخترنا البارتشن ده فوق

    وتحت السطر ده برده سطر تانى بس هيكون فى نهاية السطر ده الكلمتين دول shell environment صراحة دول اللى فاكرهم :D

    المهم اللى يهمنا الاختيار التالت وهو :

    كود:
    [COLOR="blue"]Reinstall Grub boot Loader[/COLOR]
    ننزل بالسهم ونضغط عليه وبعد كده هتظهر لينا بقى الشاشة الاخيرة اللى هنكتب فيها المكان اللى ال grub عليه

    طبعا أثناء مرحلة التثبيت كان فى نهاية المرحلة ظهر خاصية اسمها

    كود:
     [COLOR="blue"]do you want to install grub to the master boot record ?[/COLOR]
    طبعا كنا اخترنا yes فا ده كده عرفنا المسار اللى هنعيد تثبيت ال grub عليه وهو hd0

    ياعنى كل اللى علينا دلوقتى خلال الخطوة الأخيرة اللى هتظهر لينا بعد الضغط على الاختيار

    كود:
    [COLOR="blue"]Reinstall Grub boot Loader [/COLOR]
    نكتب فى الشاشة اللى هتظهر hd0 وبكده هيرجع الgrub زى ما كان وهيظهر ليك تانى الاختيار ما بين انظة التشغيل اللى عندك سواء كانت لينوكس او ويندوزفت او اى نظام تشغيل تانى

    أتمنى إنه الموضوع يكون سهل وبسيط ومفيد إن شاء الله ولو فيه اى استفسار انا بالخدمة

    دمتم بحفظ الله وعنايته

    السلام عليكم ورحمة الله وبركاته
    شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
    | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

  • #2
    تسلم اياديك اخي الكريم

    وهذا ما نتمناه درس من هنا ودرس من هناك ونصير خبرى وتجي انت تسئلنى ونرد ليك نص الجميل انشاء الله


    لان صاحب الاوله عمره ما يتكافئ

    فمان الله

    تعليق


    • #3
      السلام عليكم ورحمة الله وبركاته

      بارك الله في عمرك أخى الفاضل وأحسن إليك كل اللى طالبه بس منكم دعوة بظاهر الغيب بس كان ليا تعقيب بسيط أخى الفاضل على كلامك

      كلمة إن شاء الله تكتب هكذا وليست إنشاء لأنه كده المعنى أخى الحبيب بيتغير نهائى من كون الأمر خاضع لمشيئة المولى سبحانه وتعالى إلى معنى آخر وهو ايجاد الله وحاشاه سبحانه وتعالى

      ﻷنك تعلم كلمة إنشاء فى اللغة العربية يردافها : ايجاد

      أعلم إنه خطأ غير مقصود بالمرة غفر الله لى وإياك ولكن كلنا يخطىء ويصيب وليست العبرة بالخطأ ولكن العبرة بتصحيح الخطأ

      دمت بحفظ الله وعنايته

      السلام عليكم ورحمة الله وبركاته
      شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
      | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

      تعليق


      • #4
        وهذي وحده كمان غلبتني فيها


        افادك الله

        وفي امان الله

        تعليق


        • #5
          أخي MySQL جزاك الله خير وجعل ماتفعله بميزان حسناتك

          الطريقه نجحت معاي والحمد لله استرجعت الBootLoader جزاك الله خير لا اعرف كيف اشكرك



          فعلآ انك طيب وكلمة شكرآ قليله بحقك الله يرزقك اعلى جناته

          تعليق


          • #6
            يعطيك العافية ...شرح وافي و مميز
            شكر لك mysql
            (Life Dream سابقاً)
            مستخدم لجنو/لينوكس( منذ 17 رمضان 1427)
            اوبنتوا في جهازي المحمول Sony Vaio S

            تعليق


            • #7
              يعطيك ألف عافيه أخي MySQL جزاك الله خير على هذا الشرح المميز وهذا والله مانحتاجه

              وكثر الله من أمثالك وإن شاء الله نخرج متعلمين على إيدك أخي MySQL وتستاهل أكثر أخي على تواجدك المستمر غي المنتدى والدعم الكامل لمستخدمي توزيعة الـUbuntu والـKubuntu.

              أتمنى ك حظاً سعيداً وموفق إن شاء في حياتك العلميه والعمليه ومن نجاح إلى نجاح .
              http://www.flashfp.net/uploader/modu...99547aaab5.jpg

              u can live freedom but u can't live without it

              تعليق


              • #8
                بارك الله فيك ..........................
                GCS

                تعليق


                • #9


                  ياشيخ الله يسعدك يابو عبد الرحمن .

                  @@

                  :thumpsup_green:

                  bad3r

                  Twitter
                  : @Linux4SA

                  تعليق


                  • #10
                    السلام عليكم


                    اخي الحبيب

                    لم اجد الخيار rescuse abroken system

                    ادخلت السيدي وخرجت علي قائمة تشغيل او انستليشن وخيارات اخرى عادية


                    ارجو الافادة ( سريعا )


                    في امان الله

                    تعليق


                    • #11
                      شكرا على المعلومة القيمة
                      ما هى افضل الطرق لنشر واستخدام اللينوكس ؟
                      ا- أبو عبد الله

                      تعليق


                      • #12
                        مكشوووووووووووووووووووووووووووووووووووو
                        http://pspupdates.qj.net/uploads/art...go_qjgenth.png

                        تعليق


                        • #13
                          شكرا لك على الشرح ونستفيد انشاء الله منه ..

                          بارك الله فيك .

                          .. لدي سؤال أخي .. أبو عبد الرحمن هل ينطبق الشرح على جميع نسخ اليوبينتو .

                          تعليق

                          يعمل...
                          X