إعـــــــلان

تقليص
لا يوجد إعلان حتى الآن.

كيفية إضافة مستخدمين جدد لتوزيعة الubuntu

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفية إضافة مستخدمين جدد لتوزيعة الubuntu

    السلام عليكم ورحمة الله وبركاته

    هلا إخوانى كيفكم عساكم تكونوا بخير إن شاء الله

    اليوم مع درس جديد من دروس HowTo وأنا إن شاء الله هبدأ بترجمة الدروس من موقع الwiki الخاص بالubuntu علشان تبقى سلسلة قريبة النمط بالسلسلة الرئيسية فى الموقع

    طبعا من فترة فى المنتدى القديم عرب نيكس عملنا كام درس بنفس النظام ده كان منها VolumePermissionHowTo ودرس آخر Dial-UpHowTo واليوم مع درس خفيف إن شاء الله بعنوان AddUserHowTo

    مقدمة عن الموضوع: أكيد كلنا لما بدأ تنصيب الubuntu كان فيه مستخدم وحيد اسمه oem المستخدم ده عند انتهاء عملية التنصيب بيكون مستخدم افتراضى =Temporary ياعنى كل وظيفة المستخدم ده انهاء عملية التنصيب والدخول للتوزيعة من خلاله عن طريق شاشة الlogin اللى خلالها هتكتب :

    username=oem
    password=ur pass durin the installation process

    طيب نيجى بقى للنقطة اللى هنتكلم عنها فى موضوعنا وهى اضافة مستخدمين جدد اللنظام لو احتجنا ده ؟

    الطريقة اللى نقدر نضيف بيها مستخدمين تانيين غير المستخدم الافتراضى بتكون طريقة من طريقتين :

    1- من خلال الواجهة الرسومية GUI
    2- من خلال سطر الأوامر

    طبعا اكيد الكل يعلم إنه أسهل طريقة هى من خلال الواجهة الرسومية GUI ولكن من خلال سطر الأوامر بيكون كل شىء تحت ايديك وتتحلم فيه زى ما انت عاوز

    الطريقة الأولى : Graphical Ubuntu

    أول شىء نروح على المسار System > Administration > Users and Groups
    هتظهر لينا بالشكل ده الصورة دى



    بعد كده نضغط على زر Add user + بعد كده هيفتح معاك User Account Editor طبعا أقل متطلبات ممكن تضيفها هى username والpassword واكيد ممكن تضيف معلومات إضافية عنك

    بالنسبة للusername يجب مراعاة التالى :
    1- عدم كتابة حروف capital فى الإسم
    2- من الممكن استخدام الAscii characters بمعنى آخر ممكن تستخدم حروف + أرقام فى الاسم
    3-عدم وجود مسافة بين الأحرف

    طيب نقطة تانية مهمة وهى الصلاحيات اللى تقدر تضيفها للمستخدم الجديد ممكن تحددها نوضح أكتر

    المستخدم الجديد فرضا انت عاوز تعطيه صلاحيات عدم التعديل على البارتشنات مثلا من خلال الضغط على زر User privileges هتظهر ليك الصورة التالية



    زى ما انتوا شايفيين فى الصورة أول check box ممكن تعلم قصاده بعلامة صح معناه انك تقدر تعطى المستخدم صلاحيات التعديل على البارتشنات لو حذفت علامة الصح كده مش هيقدر يتصفح حتى البارتشنات

    فا طبعا على قدر ما انت عاوز تضيف صلاحيات لأى مستخدم حسب ما الsuper user يشوف

    من ضمن الصلاحيات اللى ممكن أمنعه من استخدامها مثلا audio devics بحيث انه مايقدرش يستخدم كارت الصوت وهكذا

    Graphical in Kubuntu
    نروح على المسار Kmenu > System Settings > Users & Groups

    هتظهر لينا الصورة دى :



    نضغط على Administration mode هيظهر ليك مربع تحط فيه الباسورد الخاص بك بعد كده تضغط على new هتظهر لينا الصورة دى :



    طبعا أقل متطلبات ممكن تضيفها هى username والpassword واكيد ممكن تضيف معلومات إضافية عنك

    بالنسبة للusername يجب مراعاة التالى :
    1- عدم كتابة حروف capital فى الإسم
    2- من الممكن استخدام الAscii characters بمعنى آخر ممكن تستخدم حروف + أرقام فى الاسم
    3-عدم وجود مسافة بين الأحرف

    ولإضافة صلاحيات معينة نروح عند Secondary Groups area وبعد كده نضغط على Select لإضافة ماتريده من صلاحيات للمستخدم

    الطريقة الثانية : Command Line

    فى الطريقة دى إن شاء الله هنشوف إزاى نضيف مستخدمين جدد من خلال الشل وعلى طول أول حاجة نفتح الشل ونكتب الأمر التالى :

    كود:
    sudo adduser username
    وطبعا وعلشان نشوف المزايا الخاصة أو الarguments الزيادة بالأمر adduser نكتب التالى فى الشل :

    كود:
    man adduser
    طبيعى وبعد ما عملنا الامر الاول ايه اللى بيحصل بقى ؟

    التوزيعة على طول بتقوم بعمل مستخدم جديد بنفس الاسم اللى انت كتبته وليكن مثلا muhammad وفى نفس الوقت بيعمل home directory يحمل نفس الإسم وحاجة تالتة بيقوم بعمل group تحمل نفس الإسم أيضا

    شوفه الصورة بعد كتبنا أمر إنشاء المستخدم الجديد



    طيب ازاى نضيف مثلا مستخدم جديد فى مجموعة موجودة بالفعل ؟

    برده كل ده بيتم من خلال الشل تكتب الأمر التالى :

    كود:
    sudo adduser <username> audio
    طبعا الGroup اللى اسمها audio دى موجود بالفعل لانها من المجموعات الأساسية اللى بتنزل مع التوزيعة والخاصة باضافة صلاحيات تشغيل الصوت على التوزيعة للمستخدمين المنضمين إليها

    ولو عاوزين نضيف صلاحيات أكتر للمستخدم ممكن نضيفه فى المجموعة admin من خلال الأمر التالى :

    كود:
    sudo adduser muhammad admin
    ولو نفتكر فوق الصورة الخاصة بالuser privileges كل check box ده بيعبر عن مجوعة معينه مثلا أول check box اللى كان يحمل الميزة دى

    enable access to external storage devices automatically الميزة دى = بالظبط المجموعة plugdev

    ياعنى لو حبينا نضيف الميزة من خلال الشل نكتب الامر التالى

    كود:
    sudo adduser muhammad plugdev

    وهكذا مثلا لو عاوزين نضيف ميزة استخدام الcd-rom كان ممكن من خلال الGUI او الواجهة الرسومية ونضع علامة صح قصاد Use Cd-Rom drivers

    من خلال الشل الأمر التالى :

    كود:
    sudo adduser muhammad cdrom
    والبنسبة لشىء مهم مثلا ناس ممكن تكون وأنا أعرف أسماء المجموعات منين ؟

    الأمر بسيط كل اللى عليك تكتب فى الشل الأمر التالى :

    كود:
    cat /etc/group
    طبعا شىء أخير قبل ما نختم لو عاوزين نضيف مستخدم موجود بالفعل على مجموعة موجودة بالفعل ايه المطلوب ؟

    المطلوب برده من خلال الشل نكتب الأمر التالى :

    كود:
    sudo adduser username group
    بحيث :

    username=إسم المستخدم الموجود بالفعل
    Group=إسم المجموعة الموجودة بالفعل

    ================================================== ====================

    بكده نكون انتهينا من الدرس إن شاء الله وأتمنى إنى أكون أفدت ولو بشىء بسيط

    أشياء لها صلة بالموضوع :

    man adduser
    man deluser

    رابط الموضوع الأصلى بعد التعديل عليه وإضافة أشياء أخرى :

    https://help.ubuntu.com/community/AddUsersHowto

    دمتم بحفظ الله وعنايته

    السلام عليكم ورحمة الله وبركاته

    التعديل الأخير تم بواسطة Xero; الساعة 15-09-2006, 09:22 AM.
    شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
    | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

  • #2
    بارك الله فيك اخ أبو عبدالرحمن والف شكر

    تعليق


    • #3
      رائع اخي عبد الرحمن جعله الله في ميزان حسناتك


      لكن اخي الحبيب الصور لم تظهر ؟؟؟

      فمان الله

      تعليق


      • #4
        ماهي هذه الميزة
        enable access to external storage devices automatically

        وممكن شرح السوال هذا بالعربي
        Which group does a user have to be a member of in order to access removable storage media

        تعليق

        يعمل...
        X