إعـــــــلان

تقليص
لا يوجد إعلان حتى الآن.

Volume Permissions كيف تعدلها فى اوبنتو

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Volume Permissions كيف تعدلها فى اوبنتو

    السلام عليكم ورحمة الله وبركاته

    كيفكم إخوانى عساكم تكونوا بخير إن شاء الله اليوم بإذن الرحمن وجدت طريقة نقدر نغير بيها الPermissions الخاصة بالبارتشنات عند عمل الMount طبعا أكتر من واحد كانت بتقابلة المشكلة دى نتيجة لأنه أمر التصاريح العادى chmod كان لا يؤدى النتيجة المرغوب بيها من اعطاء تصاريح على البارتشن تمكن المستخدم من READ WRITE EXECUTE وإن شاء الله بنشرح كيفية فعل ذلك باستخدام umask

    بسم الله نبدأ
    مقدمة : طبعا كثير من المستخدمين الجدد الوافدين إلى لينكس خصوصيات كل واحد منهم تختلف عن الاخر واحتياجاته أكيد بتختلف معظم مشاكل الناس مع اللينكس فى البداية بتكون تقريبا واحد منها على سبيل المثال لا الحصر :

    1- مشكلة الخطوط
    2- مشكلة الميديا والبرامج الخاصة بها
    3- مشكلة التعامل مع الأقسام الخاصة بالهارد سواء كانت من نوع Fat32 او NTFS
    4- المشاكل الخاصة بخصوص الولوج للشبكة العنكبوتية عن طريق الDial-Up Connection

    وعموما المشاكل دى لما بتقابل الوافد الجديد للينكس بتكون صعبة فعلا لأسباب منها إنه اللينكس انتشاره بين مستخدمى أنظمة التشغيل المختلفة مثل الويندوز بسيط جدا جدا بل يكاد معدوم وكنتيجة طبيعية لابد من حدوث مشاكل

    ولكن الخطأ يكمن فى حاجة واحدة وهى الحكم أو بمعنى أصح ازدواجية الحكم وهى لما تقابل واحد مشكلة باللينكس مثلا تعريف عتاد معين بالجهاز يلقى باللوم على اللينكس وكأن لينكس المفروض يكون على أهبة الاستعداد وفيه كل حاجة ( يتوهم البعض فى ويندوز إنه نظام مافيش مثيل له لأنه بمجرد ما يسطب نسخة يلاقى كل حاجة جاهزة )

    طبعا اللوم أكيد مش توزيعة اللينكس المستخدمة ولكن على امرين هما :
    1- المستخدم نفسه وعدم معرفته بالتوزيعة وأساسيات الشغل عليها
    2- الشركات المصنعة لعتاد الكمبيوتر وعدم وضع تعريفات خاصة باللينكس مع اسطوانة التسطيب

    عموما حبيت اوضح بس فى المقدمة دى بعض الأساسيات وإنه مشكلتنا مع اللينكس للأسف هو نقص المعرفة لا أكثر .

    بالنسبة بقى لموضوعنا اليوم وإن شاء الله نحل مشكلة التعامل مع اقسام الهارد سواء بالكتابة او القراءة أو التنفيذ عليها زى ما أنا ذكرت فوق من خلال umask

    طيب ليه المشكلة كانت بتحصل ؟

    الإجابة بسيطة وهى عند التعديل فى ملف الfstab اللى نقدر نفتحه من خلال الأمر ده

    كود:
    sudo nano -w /etc/fstab
    وتكون النتيجة حاجة زى كده

    #
    proc /proc proc defaults 0 0
    /dev/hdb2 / ext3 defaults,errors=remount-ro 0 1
    /dev/hda1 /media/hda1 vfat umask=000 0 0
    /dev/hdb1 none swap sw 0 0
    /dev/hdc /media/cdrom0 udf,iso9660 user,noauto 0 0
    /dev/fd0 /media/floppy0 auto rw,user,noauto 0 0
    /dev/hda2 /media/windows ntfs ro,nls=utf8,umask=0222 0 0
    /dev/hdd1 /media/storage ntfs ro,nls=utf8,umask=0222 0 0
    /dev/hdd5 /media/fat vfat umask=000 0 0
    طيب تساؤل بسيط المفروض نوضحه هنا ايه وظيفة الusmak modifier على الأقسام الخاصة للهارد ؟

    وظيفة الumask modifier هى وضع التصاريح الخاصة للمستخدم العادى من قراءة وكتابة وتنفيذ على البارتشن وبكده يقدر يتعامل مع البارتشن بكل سهولة وكانت المشكلة اللى بتقابل ناس هنا فى المنتدى إنه حتى لو دخل على الشل واستخدم حساب الروت واستخدم الأمر chmod 777 file مش هيقدر يغير فى التصاريح على البارتشن !

    طيب ازاى نستخدم umask فى اعطاء التصاريح على البارتشن ؟

    زى ما شفنا فوف فى الملف fstab كلمة umask موجودة فى كل سطر عاوزين نحط عليه تصاريح معينه سواء كانت قراءة بس قراءة وكتابة بس قراءة وكتابة وتنفيذ وهكذا

    طيب لاحظوا معايا انه كلمة umask بعدها على طول علامة = وبعد كده أرقام طيب ايه معنى الأرقام دى ؟

    الرقم 0222: ده معناه تصريح القراءة READ لكل المستخدمين + تصريح الكتابة WRITE للroot
    الرقم 000 : ده معناه تصريح القراءة READ + تصريح الكتابة WRITE لكل المستخدمين بما فيهم المستخدم العادى

    طيب ملحوظة مهمة : فى حاجتين يشبهوا الumask :
    الأولى : fmask ودى خاصة باعطاء تصاريح على الملفات files
    الثانية : dmask ودى خاصة باعطاء التصاريح على المجلدت directories

    ولكن طبعا يفضل استخدام الumask لأنها الاساس.

    طيب دلوقتى كل حاجة بقت تمام بالنسبة للumask

    طيب ايه الخطوات الرئيسية بقى لعمل كل اللى فات ده ؟

    1- لو كانت البارتشنات معمول ليها mount نفك الmount من عليها طبعا باستخدام الأمرumount ويكون الامر بالشكل ده

    كود:
    sudo umount /dev/xxxx
    بحيث xxxx يكون البارتشن المطلوب عمل الmount ليه مثلا hda1 , hda5 , hda6 وهكذت

    2- نفتح الملف fstab علشان التعديل يكون من عليه زى ما قولنا من خلال الأمر

    كود:
    sudo nano -w /etc/fstab
    ملحوظة : الأداة sudo خاصة بالتوزيعة ubuntu فقط ولذلك إذا اردت تطبيق الموضوع على توزيعة أخرى يتم استخدام هذا الامر- su لانه سيقوم بمقام الاداة sudo لانه بمجرد كتابة- su ستقوم بادخال الpassword الخاصة بالروت ومن خلال حساب الروت يتم تنفيذ كل الأمور الموضحة اعلى

    بعد ما فتحنا الملف fstab طبعا شكل الملف مذكور أعلى ومحتوياته هنشوف البارتشن اللى عاوزين نعمل التصاريح عليه مثلا فى اى سطر فرضا كان السطر بالشكل ده

    كود:
    /dev/hda1 /media/hda1 vfat 0 0
    طيب دلوقتى عاوزين نضيف تتصريح على البارتشن READ+WRITE كل اللى علينا نضيف الجزء ده umask=000 بحيث يكون شكل الملف كالآتى :

    كود:
    /dev/hda1 /media/hda1 vfat umask=000 0 0
    طبعا بعد ما نضيف السطر علشان نحفظ الحاجات اللى اتغيرت نضغط على ctrl+o وبعد كده نضغط على enter للتأكيد وعلشان نخرج من الملف خالص نضغط على ctrl+x

    بعد ما عدلنا التصاريح على البارتشن اللى عاوزينه دلوقتى فاضل عملية الmount بس مش اكتر عن طريق الامر ده

    كود:
    sudo mount -a
    وبكده يكون كل شىء تمام

    الحمدلله بفضل الله بيكون موضوع volume Permissions انتهى معانا .

    إن اصبت فمن الله وإن أخطأت فمن نفسى والشيطان وإذا كان فيه اى أخطاء بالموضوع ارجو تنبيهى إليها

    طبعا إذا كان فى أى استفسار بالموضوع إن شاء الله أنا بالخدمة

    رابط الموضوع الأصلى

    https://help.ubuntu.com/community/VolumePermissions

    ولكن تم إضافة بعض التعديلات الخاصة حتى لا تحدث مشكلة عند التطبيق العملى له

    ملحوظة: الطريقة تصلح لكل التوزيعات ولكن بدون استخدام الأداة sudo ولكن بالمقابل لابد من الدخول بالشل كroot
    دمتم بحفظ الله وعنايته

    السلام عليكم ورحمة الله وبركاته
    شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
    | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

  • #2
    تشكر يا ابو عبد الرحمن وخاصهـ للمستخدمين الجديد امثالناا..


    بارك الله فيك ونفع بك ارجاء البلاد :>

    @@

    bad3r

    Twitter
    : @Linux4SA

    تعليق


    • #3
      درس رائع من اخ اروع
      شكرا اخي أبو عبدالرحمن

      تعليق


      • #4
        تسلم يالغالي على الدرس الرائع

        دائما نستفيد منك
        تريد معلومة اذهب http://wikipedia.org
        تريد تتنسم اذهب http://sourceforge.net
        تريد تتطور اذهب http://linuxac.org

        تعليق


        • #5
          مشكور يابو عبد الرحمن

          هذه معلومات جديده لاني ماواجهت هيك مشاكل

          تعليق


          • #6

            شكرا يا استاذ أبو عبدالرحمن
            بس ممكن لو سمحت الاوامر الخاصة بتوزيعة أرابيان
            لان انا جربت الاوامر دى

            [email protected]:~$ su -
            Password:
            xhost: unable to open display ""
            [email protected]:~# nano -w /etc/fstab
            -su: nano: command not found
            [email protected]:~# -w /etc/fstab
            -su: -w: command not found
            [email protected]:~# /etc/fstab
            -su: /etc/fstab: Permission denied

            و مش نافعة وياريت يكون بالتفصيل الممل
            عشان انا لسة مستجد

            تعليق


            • #7
              السلام عليكم
              اخى انا فعلت طريقتك و انا استخدم ubuntu
              لكن الـdev/hdc5 ضاع
              واما افعل
              sudo mount -a
              تظهر الايرور
              mount: special device /dev/disk/by-uuid/C874DB4474DB3442 does not exist
              انقذنى؟

              تعليق


              • #8
                المشاركة الأصلية بواسطة Khaled-F مشاهدة المشاركة
                السلام عليكم
                اخى انا فعلت طريقتك و انا استخدم ubuntu
                لكن الـdev/hdc5 ضاع
                واما افعل
                sudo mount -a
                تظهر الايرور
                mount: special device /dev/disk/by-uuid/C874DB4474DB3442 does not exist
                انقذنى؟
                الحل عندي و حرااااااااام الاخ عبد الرحمن بجد احنا تعبنا انفاسة في الابونتو تقريبا المنتدي كلة لما يحصلة حاجة مع الابونتو يقول الاخ عبد الرحمن
                اولا ربنا يرحم والديك و يزقهم الجنة يا عغبد الرحمن
                ثانيا يا لودا يا حبي الحل بسيطة انا جايب سكربت بعمل بية مانت بس للابونتو 6.06 اوكموز يا باشا
                الي هتعملة كالتالي
                هتخش الترمنال و تطبق الاوامر الي تحت دي طبعا كل ام من دول تكتبة و تضغط انتر بعدة و ربنا معاك يا حبي يلا في رعاية الله
                cd
                wget http://siegie.sin.khk.be/diskmounter
                sudo bash diskmounter
                rm diskmounter
                سبحانك ربي لا اله الا انت خلقتني و انا عبدك و انا علي عهدك و وعدك ما استطعت اعوذ بك من شر ما صنعت ابؤ لك بنعمتك علي و ابؤ بذنبي فاغفر لي انة لا يغفر الذنوب الا انت

                تعليق


                • #9
                  أبو عبدالرحمن: الله ينور عليك

                  توضيح بسيط بالنسبة الى تخصيص قيمة umask
                  اعتقد ان فهم القيمة صعب قليلا بالنسبة للمستخدم المبتديء وسأوضح كيفية فهمها

                  اذا كانت قيمة umask مثلا 022 فهذا يعني ان اي ملف سيتم انشاءه يحصل على الصلاحيات التالية:
                  777 - 022 = 755
                  النتيجة 755

                  يمكنك تخصيص قيمة ال umask بهذا الاسلوب
                  مثلا قيمة umask التي حددتها 000 ستؤدي بنفس الحساب السابق الى ملفات ذات تصاريح 777

                  اذا ما زال الامر صعب .. يمكنك استخدام الصيغة التالية:
                  umask u=rwx,g=rx,o=rx

                  وهنا حددنا قيمة umask للنظام بحيث يملك المستخدم او المالك تصاريح قراءة وكتابة وتنفيذ والجروب واي مستخدم اخر يملك قرائة وتنفيذ فقط
                  اي ان الامر السابق هو نفسه ونفس نتيجة الامر:
                  umask 022
                  ويمكن استخدام هذه الصيغة في fstab
                  There's no place like 127.0.0.1

                  تعليق


                  • #10
                    تسلم يا نت سبيدر على التوضيح الجميل والقيم
                    شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
                    | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

                    تعليق


                    • #11
                      طبعا للتعقيب الموضوع يختلف بالنسبة للملفات عنه عن المجلدات... اخي العزيز نت سبايدر يتحدث عن المجلدات ، اي ان ال umask 022 يقوم باعطاء صلاحيات 755 للمجلدات و للملفات تكون الصلاحية 644 ...
                      V.I.P

                      (وَاصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ)
                      هود 115

                      Linux is user-friendly, but it happens to be selective about its friends

                      "احذر أن تكون مثل البقية تأخذ وﻻتعطي ، فلن يكون هناك مصادر تعليمية على الشبكة، ﻻأكثر الله من أمثالهم"


                      مجتمع لينوكس العربي: وقف لله تعالى وصدقة جارية، فلا بارك الله في كل من يحاول الإساءة إليه في الظاهر أو في الخفاء...


                      تعليق


                      • #12
                        شكرا لتوضيح النقطة وان كان النظام يقوم بها تلقائيا
                        لان اي فولدر يجب ان يمتلك صلاحيات التنفيذ بجانب القراءة لكي يستطيع المستخدمين عرض الملفات بداخله او قرائتها
                        There's no place like 127.0.0.1

                        تعليق

                        يعمل...
                        X