إعـــــــلان

**StrikerX** · 01-02-2007, 03:12 PM

بيئة التشغيل ::

إذا كنت مستخدم لينكس ياريت تراجع الموضوع ده
http://www.diveintopython.org/instal...on/source.html

بالنسبة لمستخدمى ويندوز ..
هتستب الإصدار عادى جدا ولكن تضيف المسار بال PATH وده عن طريق
Start >>> Run >>> CMD
وتكتب
set path=%path%;C:\python25

لاحظ إن C:\python25 هو المسار اللى تم التستيب فيه ... تقدر تغيره حسب المسار اللى تم فيه تستيب البايثون
إفتح بعد كده Start >>> programs >>>Python25
هتلقى قدامك :: python docs وده بتحتوى على الوثائق الخاصة باللغة

Interactive Mode
وده طور ( مود ) تفاعلى .. بحيث إنك تكتب الأمر ويتنفذ لحظتها

python IDLE , python Command line

ف طريقة تانيه للتعامل وهى Python Scripts
وهى إنك تكتب البرنامج بأى محرر نصوص text editor بس ياريت يكون متقدم شوية مش تقولى ال Notepad مثلا
ارشحلك ال Notepad++ على نظام Windows
http://notepad-plus.sourceforge.net/uk/download.php

وعلى Linux ... عندك مليون text editor انا بحب vim ... اى محرر نصوص ينفع .. وللى عايز واحد سهل ف gedit و kate

**StrikerX** · 01-02-2007, 03:24 PM

برنامجك الأول مع بايثون

إفتح محرر النصوص الخاص بك كما تحدثنا ..وإكتب التالى

كود PHP:


#!usr/bin/python

#this is My first program with python



print "Hello ,World !"

قم بحفظ الملف بإسم Hello.py

شرح الكود بإختصار ::
* اول سطر يسمى تعليق خاص .. ده بيتم فيه تحديد مسار المفسر الخاص بالبايثون ، لو إنت شغال مثلا سكريبت بيرل هيكون

كود PHP:


#!usr/bin/perl

تقدر تستبدلها ب

كود PHP:


#!bin/python

* تانى سطر بالبرنامج يسمى تعليق Comment وده بيستخدم ف تسهيل قراءة الكود البرمجى .. يعنى إذا كتبت برنامج من سنتين وجيت تقراه .. التعليقات ده بتسهل عليك التذكر .. وبرده لو ف حد بيطلع ع الكود .. التعليقات ده بتوضحله العديد من الأشياء

* تالت سطر ... إستخدمنا جملة الطباعة الخاصه بالبايثون وهى print لتقوم بطباعة كلمة Hello ,World! على سطر الأوامر

*قم بإعطاء التصاريح لتنفيذ البرنامج عن طريق

كود PHP:


chmod x+w Hello.py

لن تعطى التصاريح ف ويندوز ::bleh

قم بالتنفيذ بالأمر التالى

كود PHP:


python Hello.py

ال output الناتج ::
Hello,World!

**CPU** · 01-02-2007, 03:51 PM

بارك الله فيك .. وهذا النص يشبه لما كتب في كتابك للغه بايثون..,

^_^

**StrikerX** · 01-02-2007, 04:09 PM

مشكور cpu على المرور
نكمل بكرة إن شاء الله

**إبن يس** · 01-02-2007, 05:27 PM

أنت فين من زمان يا عم بإبداعتك ديه
أنا معاك من دلوقتى حتى الإحتراف
تلميذك يا أستاذ

**St0rM-MaN** · 01-02-2007, 11:28 PM

مش قولتك انت باشا :d يالا رقيتك وخليتك king تسلم ايديك علي المواضيع ديت
خصتا انت عارف انا محترف بايثون مش قادر اقولك ههههههههههههههههههههه
تحياتي

**fakir** · 02-02-2007, 04:00 AM

الله الله عليك يا اخي StrikerX
بارك الله فيك
اخوك ما درس هذه اللغة من قبل ... و ان شاء الله معك حتى النهاية....
ننتظر الدرس القادم....
تحياتي.

**StrikerX** · 02-02-2007, 04:34 AM

شكرا على المرور

نكمل كلامنا

المتــغيرات

ماهى المتغيرات : هى اماكن محجوزة بالذاكرة وتخزن داخلها قيم تستخدمها ف برنامجك
ملحوظه : بايثون لاتهتم بتعريف نوع المتغير !
يعنى مش زى السى او الجافا لازم تذكر int ,char ,......
كل ماعليك هو ذكر إسم المتغير و إعطاؤه قيمة
الصيغة العامة

كود:

variable=value

كود PHP:


x=5

s="Hello"

string='hello'

string2='''Hello world ,

python r0x'''

إكتب السكريبت التالى ولاحظ النتيجه

كود PHP:


#!bin/python

print "The X variable equals ",x

print "The string equals ",string

print "string 2 equals ",string2

لاحظ معى ان الأرقام التى تسند للمتغير لاتوضع بين علامتى تنصيص !
لاحظ :: السلاسل النصية strings يجب وضعها بين علامات تنصيص وهنا يوجد فرق بين كل نوع ' ' و " " و ''' '''
نتكلم عن إستخدام عملى

كود PHP:


s='hi ,i am StrikerX'

s="Hi , i'm StrikerX"

لاحظ هنا إنك إذا إستخدمت علامة ال ' ف المثال الأول وخليته كده
'Hi , i'm StrikerX' البايثون هتعتبر إن ال string إنتهت عند Hi , i
وبيعطيك رسالة error ف الباقى
ولكن إذا إستخدمت " " بتقدر تستخدمها براحتك كما بالمثال

كود PHP:


s="Hi , i'm StrikerX"

بالنسبة للتنصيص الثلاثى :: ''' ''' ... ده ف حالة لو السلسلة اكثر من سطر .. وده بتستخدم غالبا ف ال Help بتاعت البرنامج او الأوبشنز مثل

كود PHP:


Options='''

1- Start

2-edit

3-exit

4-help

'''

print Options

الآن سنتعامل مع الإدخال والإخراج I/O اى Input/Output

ف احيان كثيرة البرنامج لايحتاج إضافات من المستخدم .. بمعنى إنه يشغله ويتركه .. لكن بتلاحظ حاليا وف كثير من البرامج بيطلب منك إدخال قيم وهو بينفذ عمله عليها

يعنى مثلا ... ف برنامج مصمم على إنه يقول
Hello User

لكن انا عايز البرنامج ده يبقى متفاعل معايا بمعنى
يسألنى انا مين
إستفسار من البرنامج Who are u ?
<Input>هنا قمت بإدخال قيمة بتدل على شخصيتى
Hello <Input> هذا هو الناتج النهائى

تطبيق بسيط للتوضيح ::

كود PHP:


#!bin/python

#example for I/O 

user=raw_input("Who are u ? ") 

print "Hello",user

الشرح ...
اول شئ إستخدمنا دالة الإدخال raw_input بحيث إن المدخلات اللى هندخلها يتم إضافت علامت التنصيص بما إن المدخل عبارة عن string سلسله نصيه يعنى ... ويتم تخزين المدخلات بالمتغير user
تقدر تستخدم الدالة الرئيسية input بس لما تيجى تدخل البيانات تضعها انت بين علامتى تنصيص وإلا ستجدد خطأ اثناء التنفيذ ...
ثم بنستخدم جملة الطباعه print لطباعة كلمة Hello مضاف إليها القيمة المخزنة داخل المتغير user

**إبن يس** · 02-02-2007, 08:14 AM

أنا ذاكرت الدرس كويس :painting:
سؤال ؟؟؟
لو المدخلات عدديه
مثلا مسألة لحل مساحة أى مربع
يعنى البرنامج هيطلب قيمة العرض و الطول
بالبايسك بتتكتب كده مثلا
INPUT x
INPUT y
z=x*y
print z
كيف يكتب بالبايثون ؟
إقتراح ...
ممكن تطرح موضوع خارج موضوع الدورة للأسألةو النقاش

**StrikerX** · 02-02-2007, 02:04 PM

تم الإجابة على سؤالك

Forums - مجتمع لينكس العربي

http://www.linuxac.org/forum/showthread.php?t=1686

vBulletin Forums

**AG-Spider** · 06-02-2007, 12:25 PM

رائع اخي الغالي StrikerX
موضوع مميز

**StrikerX** · 07-02-2007, 02:40 AM

شكرا على المرور

Strings Part 1

السلاسل النصية ... ال Strings هى عبارة عن مجموعه احرف او كلمات او جملة ... يتم وضعها بين علامتى تنصيص

S=' ' هذا متغير يشمل سلسلة نصية فارغة
S=" Hello ,World" >> هذا متغير يشمل كلمة Hello World
S=''' ……… ''' ده بلوك ( block) لأنها تقدر تمتد لأكثر من سطر

كود PHP:


S1+S2 = >>>  هنا يتم دمج سلسلتين نصيتين S1 ,S2  بإستخدام المعامل +
S1='Hello'
S2='World'
>>>S1+S2
HelloWorld

S*n  بيتم تكرار السلسلة S عدد n  من المرات

كود PHP:


>>>S='Hello World ! "
>>>S*4
'Hello World ! Hello World ! Hello World ! Hello World ! '

تدريب على العمليات الأساسيه

كود PHP:


$ python
>>> len('Hello')         # عدد احرف كلمة Hello
5
>>> 'Hello' + 'World'      # دمج سلسلتين نصيتين 
'HelloWorld'
>>> 'Hello!' * 4          # تكرار السلسلة 4 مرات
' Hello! Hello! Hello! Hello!'

دالة len
تقوم بإعادة عدد ولنا عودة تفصيليه ليها إن شاء الله ولكن يكفينا الآن ان

كود PHP:


 len(string)

بتعنى القيام بعد احرف السلسله string واعادت قيمتها

نيجى لمثال آخر

كود PHP:


>>>string = 'Hello World "
>>> for char in string :
                          print char

الناتج هيكون عرض كل الأحرف رأسيا

كود PHP:


H
E
L
L
O

W
O
R
L
D

كود PHP:


>>>string = 'Hello World "
>>> for char in string :
                          print char,   # لاحظ الكوما وضعنها لجعل الحروف على سطر واحد       #                              
H e l l o w o r l d

الشرح ليها .. ان لكل حرف ف السلسلة String قم بكتابته
فيقوم هو بكتابه كل الأحرف داخل string وهى حروف جملة Hello world

كود PHP:


>>> H in ٍString  # it returns 1 or 0 
1

ودى قمنا بإختبار هل حرف H موجود داخل السلسه String او لأ ف فى حال وجوده يعاد إلينا القيمة 1 وف حال غير ذلك يعاد 0
نلتقى فى الجزء الثانى

**StrikerX** · 07-02-2007, 03:33 PM

Strings2

ارجو إن يكون الجزء الأول مفهوم ... ندخل بالجزء الثانى

كود PHP:


>>> s = 'Hello "

>>>s[0]   #  تم إعادة القيمة لأول حرف بالسلسلة وهو H

H

>>>s[1]  # يتم إعادة ثانى حرف وهو e

e

>>>s[-2]

l   # يتم إعادة ثانى حرف للسلسله من اليمين إلى اليسار



>>>s[1:3] # بيتم إعادة الأحرف من الحرف الثانى على اليسار حتى الحرف الرابع دون إشتماله #                   

 el 



>>>s[1:] # بتقوم بإعادة احرف السلسلة من اول الحرف الثانى على اليسار إلى آخر السلسله #               

 ello 



>>>s[:-1] # يتم إعادة جميع الأحرف من الحرف التانى على اليمين لآخر السلسلة#                

hell

مش تستغرب ... هما دول الجزء التانى بس

**عاشق لينوكس** · 10-02-2007, 05:12 AM

شكرا لك أخي الكريم على هذا المجهود
ولكني أنا بدأت في تعلم ++c
شرح جميل ومنسق بارك الله بك
هل تسطيع بايثون بناء واجهة مثل كيدي أو جنووم
ممكن نشوف برامج قوية برمجت على بايثون
شكرا

إعـــــــلان

دورة البايثون من البدايه

دورة البايثون من البدايه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق