إعـــــــلان

تقليص
لا يوجد إعلان حتى الآن.

ubuntu linux نظرة عن قرب أكثر " معدل "

تقليص
هذا الموضوع مغلق.
X
X
تقليص
 
  • الصفحة لـ 3
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 template التالي
  • #1

    ubuntu linux نظرة عن قرب أكثر " معدل "

    السلام عليكم ورحمة الله وبركاته

    الحمدلله رب العالمين والصلاة والسلام على من ﻻنبى بعده محمد بن عبدالله النبى الأمى وسلاما على أصحابه الكرام الطاهرين وعلى آل بيته الكرام

    أما بعد /

    بفضل الله قمت بتعديل موضوع ubuntu linux نظرة عن قرب أكثر لأنه الموضوع السابق كان بيه بعض الأشياء الناقصة لبعض مراحل تثبيت التوزيعة ولكن الحمدلله سوف أكملها فى هذا الموضوع

    والموضوع اهداء خاص إلى أخى lllinux والله أسأل ان يكون الموضوع خالصا لوجهه الكريم وأن ينفع به إخواننا فى المنتدى

    بسم الله نبدأ

    كيفكم إخوانى عساكم تكونوا بخير إن شاء الله

    حبيت اضيف افادة بسيطة عن النسخة المتميزة ubuntu وأرجو من الله ان تفيدكم ولو بشىء بسيط وإن شاء الله نبدأ من عنوان الموضوع ubuntu linux نظرة عن قرب أكثر يمكن الكتير منا سمع عن هذا النظام او يمكن لحد الان لم يسمع عنه ..ولكن لو تكلمنا باﻻحصائيات فهو لحد الان فعلا متربع عرش نسخ اللينكس من حيث اﻻستخدام ..ويمكن البعض يندهش من هذه المقولة لعدة أسباب نذكر منها على سبيل المثال ﻻ للحصر :

    1- وجود أكثر من نظام لينكس آخر مثل Fedora و SuSe وال debian وغيرها من نسخ اللينكس المعروفة

    2- الدعم الفنى بقدر المستطاع لنسخ اللينكس الموجودة ساعد على وجود شعبية كبيرة لها

    3- كثرة شيوع المقاﻻت المكتوبة والكتب الالكترونية لهذه النسخ أكيد عامل مهم
    يمكن دى أكثر 3 أسباب أنا استنتجتهم من خلال معرفتى باللينكس وبما إنى مستخدم لينكس جديد كما يقال هذا الذي استطعت ان اصل له في هذه المرحلة ....

    أما موضوعنا الأساسى عن ال ubuntu اللى فعلا جعل هذه النسخة تتربع على عرش قمة المستخدمين على الأقل هذه الفترة عدة أسباب منها الآتى:

    -1وجود النظام فى اسطوانة واحدة فقط جعلت من السهولة الحصول على نظام قوى فعلا يضاهى النسخ الموجودة الأخرى خصوصا إن النسخة مبنية على نظام debian

    -2وجود قدر كافى من البرامج المساعدة اللتى تتيح للمستخدم السهولة فى تثبيت التطبيقات اللازمة

    -3 الدعم الفنى الرهيب بشتى الطرق وده أكتر شي احب أتكلم عنه فعلا بغض النظر عن وجود المواقع والتوتريال الخاصة بكل توزيعة ولكن على قدر علمى
    لحد الان اﻻختلاف يكمن فى هذا السيرفر irc.freenode.net وحقيقة وعن تجربة من أروع ما شفت linux live help ﻻنه توجد قناة مخصصة فى السيرفر اسمها #ubuntu خاصة فقط بالأسئللكل توزيعة من توزيعات ال ubuntu وعاملين لكل توزيعة قناة لوحدها

    مثلا التوزيعة اللى سنتناول شرحها إن شاء الله فى موضوعنا هذا اسمها ubuntu Dapper drake لها قناة خاصة بها اسمها هناك ubuntu+1 وهكذا السيرفر من الدرجة الأولى تعليمى بشكل مبهر والحق يقال فعلا اللى يفرق الناس الأجانب عنا النقطة هذه الدعم الحقيقى والمساعدة الحقيقية أنا هناك تقريبا كنت ممكن أسئل أسئلة يمكن أى طفل ممكن يعرفها تلاقى 1 و2 و3 و4 لو طلبت أكثر هذا غير الميزة الأساسية إنك ستلقى حل مشكلتك فى نفس الوقتوده فعلا نقدر نسميه Real Linux Live Help

    عموما لن اطيل فى مميزات النسخة كثيرا التجربة ساعات هي اللى تجعل الشخص يحكم على أى شىء ده اللى أنا اريده منكم إن شاء الله تجربوا التوزيعة للأسباب اللى ذكرناها فوق اسطوانة واحدة , دعم 24 ساعة على السيرفر غير إن فى النسخة دى بالذات فيها خاصية قريبة الشبه بالويندوز.
    وانا باكلم مستخدمى ويندوز اللى متطلع إنه يتعرف على نظام جديد بس بتغييرات تناسبه المهم الخاصية دى اسمها Add/Remove Programs أكيد طبعا مستخدمى ويندوز على دراية بالخاصية تتقدر تتحكم فى حذف وتسطيب ملفات من خلالها وهو فعلا الموجود

    والميزة ايضا فيها إنه لو عندك اتصال انترنت التوزيعة بتعمل على طول تحديثات كل فترة للبرامج اللى انت محتاجها من أول برامج الشات لغااااااية برامج الصوت والفيديو والتصفح ألخ ألخ برامج بجد كتييير خالص وأنا بدور فيها لقيت برنامج مش متخيل إنه ممكن يكون ضمن النسخة برامج حل معادﻻت هندسية وتفاضل ورسم دوال هندسية وحاجات كثيرة المهم لن اطيل عليكم فى المشاركة هذه أنا حبيت بس أعمل مقدمة جميلة عن الubuntu

    أشوفكم فى المشاركة الجاية إن شاء الله

    دمتم بحفظ الله وعنايته

    السلام عليكم ورحمة الله وبركاته
    التعديل الأخير تم بواسطة Xero; الساعة 11-03-2007, 12:17 PM.
    شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
    | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |
    الكلمات الدلالية (Tags): لا يوجد
  • #2
    السلام عليكم ورحمة الله وبركاته

    اخي الطيب والكريم MySQL يشرفني زيارة الموضوع

    جزاك الله خير على كتابة الموضوع وجعل الله ان يكتب لك حسنات ضعف الحروف التي كتبتها

    لا ادري كيف اشكرك اخي الكريم فجزاك الله خير على ماتقدمه لنا ...

    تعليق

    • #3
      السلام عليكم ورحمة الله وبركاته


      عدنا وان شاء الله نكمل رحلة ال ubuntu وانا قصدت انى اجزأ الموضوع على اكثر من مشاركة حتى يتسنى للقارئ اليسر في تحصيل اكبر قدر من الموضوع بفضل الله
      بسم الله نبدأ الموضوع

      اول شي تكون معنا ان شاء الله واكيد هي رابط التوزيعة للتحميل والكثير منا يعلمه ولكن أضعه مرة اخرى حتى يسهل على القارىء الحصول على النسخة بيسر

      روابط جميع النسخ لكل الأجهزة باختلاف المعالجات

      تحميل التوزيعة
      طبعا المعظم يعمل بمعالج intel فنختار نوع التوزيعة ubuntu-alternate-i386.iso
      ونبدأ بقى بمراحل شرح التسطيب إن شاء الله

      أول شي طبيعى بعد ما ننزل النسخة كما قلنا هي cd واحدة بس تعملها burn بأى برنامج نسخ سواء كان nero او غيره وبعدها تظبط اعدادات ال bios الخاصة بجهازك وتخلى البوت من cd Rom بعدها تدخل الاسطوانة فى ال drive وتبدأ الإسطوانة فى الإقلاع وأول صورة معنا توضح الشاشة الافتتاحية للCd



      وهنختار منها إن شاء الله install in oem mode لأنه ده اللى هايخلينا ندخل على الواجهة الرسومية اللى بيعتمدها الubuntu وهيا ال Gnome

      بعد كده الخطوة الثانية تشوفوا معانا فى الصور نختار اللغة اللى هاتكون الأساسية لمرحلة تنصيب النسخة وشىء أساسى هاتكون الإنجليزية شوفوا فى الصورة



      طبعا مفتاح Enter معاك مع كل مرحلة انتقالية بعدها تختار الدولة اللى انت فيها ومثل ما انتم شايفين فى الصورة أنا اخترت other



      بعدها ننزل بالسهم للاسفل الى ان نلقى أفريقيا وبعدها أنا اخترت مصر أى واحد فى مكان تانى يختار البلد اللى هو ساكن فيه



      بعدها نختار اعدادات الكيببورد واللى ستكون مؤقتا ال american English لحد ما ندخل على الواجهة الرسومية ونبقى ندعم العربية بالنسبة للكيبورد شوفوا فى الصورة ونضغط enter ايضا



      وبعدها ستبدأ اعدادات الشبكة تظهر لينا ويظهر ال hostname تحطه وبعدها المفروض سيظهر لك شاشة تحط فيها الIp وال gateway وال dns الخاص بيك هي لم تظهر عندى لأنه طبيعى أنا ضبطتهم على النسخة بس إنتم إن شاء الله تاخدوا بالكم منها يعنى ولما نضغط على configure network manually هتظهر الصورة التالية :

      ملحوظة : قبل الصورة دى هيظهر حاجات تدخل فيها ال static ip وال gateway وال dns وهكذا أما أنا فى الصورة دى وصلت لمرحلة ال hostname على طول علشان الحاجات التانية كانت داخلة تلقائى عندى شوفوا الصورة :



      بعد ما تخلص اعدادات الشبكة الخاصة بيك سواء كنت Adsl أو Dsl ستظهر أهم مرحلة وهى مرحلة اعادة تقسيم البارتشن اللى التوزيعة هتنزل عليه

      ملحوظة : علشان ماخدش يتخض من الموضوع يجب تخصيص مساحة قبل البدء فى عمل أى شىء بمعنى إنك مثلا تخصص 12 جيجا لل ubuntu قبل ماتعمل أى حاجة خالص وبعدين بقى تبدأ فى الخطوات من الأول لحد ما توصل للصورة دى



      طبعا هنختار الاختيار التالت واللى هيكون manually edit partition table هيظهر لينا حاجة بالشكل ده طبعا ده الهارد بتاعى اكيد هيختلف عن هارد اى واحد فيكم



      شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
      | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

      تعليق

      • #4
        واعذرونى الكاميرا بتاعت الموبايل هباب وماكنش فيه احسن من كده ولكن علشان بس اقدر اخلص الموضوع بسرعة اضطريت آخد اى حاجة توضح بس عمليت التثبيت ولكن إن شاء الله فى القريب سيتم استبدال الصور بصورة ذات جودة أعلى وأنقى

        طيب برده نوضح للناس ايه اللى كان مكتوب فى الصورة ؟

        زى ما شفتوا فى الصورة انا كتبت ده البارتشن اللى انا اخترته علشان انزل ال ubuntu فيه طيب انا مثلا البارتشن كان عندى مساحته 13.8 جيجا وكله فاضى بنظام fat32 ياعنى كل المطلوب يا شباب منكم بس تفضوا بارتشن وانتم شغالين على ويندوز وزى ما قلنا تكون مساحته معقولة 9 جيجا وﻻ حاجة وبعد كده تعملوا فورمات بنظام ملفات fat32

        طيب بعد كده ما انا اخترت البارتشن معاك زرار ال enter اضغط عليه هيجيلك كل الخيارات المتاحة للبارتشن مثلا عاوز تفرمته على تعمله resizing عاوز تغير نظام الملفات بتاع إلخ من تلك العمليات المهم مش ده موضوعنا اهم حاجة نضغط على enter بعد كده لما تيجى خيارات العمليات على البارتشن هنختار منها delete the partition وعلى طول نضغط enter وشوفوا فى الصورة



        بعد ما نضغط على enter ونحذف البارتشن طبعا كده البارتشن بدل ماهيكون بنظام ملفات fat32 هيتحول بقدرة قادر إلى FREE SPACE :D المهم بعد ما يتحول ل FREE SPACE كل اللى علينا نضغط عليه تانى enter هتظهر الصورة دى



        نختار زى ما انتم شايفيين الاختيار التانى وهو Automatically partition The Free Space

        أما فى الصورة دى خلاص كل شىء كده بقى تمام واجتزنا اصعب مرحلة فى التسطيب وانا شايف انها سهلة خالص وإن شاء الله الشعور بالرهبة من تثبيت لينوكس أظنه مابقاش ليه أى داعى كل اللى علينا دلوقتى ننزل عند finish partitioning and write changes to the disk وشوفوا معايا فى الصورة



        بعد كده هتظهر شاشة تأكيد الحاجات اللى عملناها شوفوا فى الصورة معايا ونضغط طبعا على yes



        بعد كده هيبدأ يعمل creation لل file system عادى كده تقريبا كل شىء انتهى شوفوا فى الصورة



        الصورة دى هتقوم بوضع الباسورد بتاعت الروت الخاصة بك :



        وهنا تأكد الباسورد مرة اخرى



        بعد كده خدددددددد نفس جااااااامد ( حتة مقتبسة من سفاح ماهو كل حاجة هنا خاضعة للGPl حتى الألفاظ :p ) وشوف فى الصورة والنظام بيبدأ ينزل ملفاته الأساسية



        وهنا بيبدأ ينزل الsoftware الخاص بالنظام



        بعد ما ال software يخلص بكده انت خلصت تنصيب النظام بنجاح وتشوفوا فى الصورة تضغط enter فقط لعملrestart للجهاز والدخول فى عالم الubuntu





        وأخيرا بينهى الاعدادات الخاصة بالمستخدم وبيستعد لبدء التشغيل
        بكده يبقى احنا عدينا أول المراحل الصعبة والمهمة فى النظام وإن شاء الله بكمل رحلة البحث والاستكشاف مع الubuntu وزى ماقلت ليكم أنا لسه بتعلم معاكم واللى عنده سؤال أين كان لو بعرف اجابته إن شاء الله برد عليه ولو مش بعرف بدور على الاجابة أو أى حد من إخوانا يجاوب لأنه الهدف إنه كل الناس تستفيد مش أكتر
        وإن شاء الله بنكمل الرحلة فى المشاركة القادمة انتظرونا

        السلام عليكم ورحمة الله وبركاته
        شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
        | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

        تعليق

        • #5
          السلام عليكم ورحمة الله وبراكاته
          رائع جدا اخى محمد الله يبارك فيك اخى الكريم واللهى انك فنان
          http://up.graaam.com/p9ic/25c85d04a5.jpg

          للهم يا حي يا قيوم ، يا ذا الجلال والإكرام ، أسألك باسمك الأعظم الطيب المبارك ، الأحب إليك الذي اذا دعيت به أجبت
          وإذا استرحمت به رحمت ، وإذا استفرجت به فرجت ، أن تجعلنا في هذه الدنيا من المقبولين والى أعلى درجاتك سابقين

          تعليق

          • #6
            السلام عليكم ورحمة الله وبركاته

            جزاك الله كل خير أخى lllinux على كلماتك الطيبة المفيدة والحين تقدر تسطب ubuntu بدون قلق وأرجو إنه الموضوع يفيدك إن شاء الرحمن

            أما حبيبى dr_pc إنت الفنان يا باشا وجزاك الله كل خير حبيى على كلامك الطيب وكل مرة بتحرجنى بذوقك كده ;)

            وإن شاء الله فى المشاركة دى بقى نكمل موضوعنا تانى وعلى بركة الله نبدأ

            بسم الله نبدأ

            بعد ما وقفنا المرة اللى فاتت عند مرحلة التسطيب وخلصنا الحمد لله دلوقتى احنا جاهزين للدخول للنظام والابحار فيه

            ملحوظة : يمكن ماحدش سأل هو أزاى مادنيش خيار إنه أكتب اسم المستخدم ؟ واكتفى بكتابة الباسورد ؟

            الرد على السؤال لو لاحظتم معايا فى الصور إنه كتب فى الصورة الأخيرة العبارة دى
            You will be able to log the system as "oem " user with the password u selected ealier

            ياعنى معنى كده إنه أعطاك اسم مستخدم افتراضى اللى هو Oem تقدر تدخل بيه بالباسورد الى انت حطتها قبل كده المهم نيجى بقى لأول صورة مع بدء الاقلاع وبتمكنك من الاختيار مابين أكتر من نسخة ده لو فيه أصلا أما لو ال ubuntu متسطب لوحده هتختار ال kernel فقط شوفوا بالصورة

            ملحوظة : kernel 2.6.15-20-386 (recovery mode ) ده خاصة بصيانة التوزيعة فى حالة حدوث مشاكل لا قدر الله



            بعد كده تبدأ ال Kernel فى العمل كما فى الصورة



            بعد كده هايبدأ النظام فى تحميل الملفات الأساسية كما فى الصورة



            دلوقتى خلاص باقى خطوتين والنظام يبدأ هنا تدخل اسم المتسخدم اللى قلنا عليه oem



            وهنا تدخل باسورد الروت بتاعتك



            هنايبدأ النظام بالدخول إلى الواجهة الرسومية




            المرحلة دى بقى إن شاء الله هنحاول ننجز فيها جزء كبير من الشرح علشان اللى يحب يستخدم النسخة على طول يبقى كل حاجة تحت ايديه
            نيجى لحاجة مهمة إنه فى ال ubuntu حصلت حاجة ممكن البعض يندهش ليها وخصوصا الناس اللى تعرف لينكس من فترة والتعامل بتاعها يومى وهيا خاصية الروت من خلال ال
            Graphical user interface لأنه الخاصية دى جت مع ال ubuntu واتلغت لعدة أسباب إن شاء الله بذكرها ويمكن ناس من مستخدمى لينكس تحس إنه عيب وناس تانية تحس إنه ميزة لانه بكده هيوفر أمان أكتر على النسخة من الناحية الرسومية وكده مفيش حد يقدر يلعب فى التوزيعة ونقلل مخاطر الأخطاء وأنا عن نفسى مع الفريق ده لأنه بكده هيديك انطباع فعلا إنك عاوز تعمل كل حاجة بسطر الأوامر مش بس تكتفى إنك تظبط كل حاجة بسهولة وهنا بقى تكمن متعة لينكس فى سطر الأوامر عموما أنا هاذكر الأسباب اللى دفعتهم لالغاء الروت فى التوزيعة


            The benefits of leaving root disabled by default include the following
            The installer has to ask fewer questions
            Users don't have to remember an extra password, which they are likely to forget
            It avoids the "I can do anything" interactive login by default -you will be prompted for a password before major changes can happen, which should make you think about the consequences of what you are doing
            Sudo adds a log entry of the command(s) run(In /var/log/auth.log) . If you mess up, you can always go back and see what commands were run. It is also nice for
            auditing
            Every cracker trying to brute-force their way into your box will know it has an account named root and will try that first. What they don't know is what the
            usernames of your other users are
            Allows easy transfer for admin rights, in a short term or long term period, by
            adding and removing users f rom groups, while not compromising the root
            account
            sudo can be setup with a much more fine-grained security policy


            أنا حبيت أنقلهم ومترجمش حاجة منهم علشان المعنى المطلوب يوصل للناس لأنه ساعات الترجمة مش بتوصل الحاجة المطلوبة

            دى كانت الأسباب اللى جعلت حساب الروت فى ال ubuntu يكون مقفول فى الواجهة الرسومية اللى بيعتمدها ubuntu وهيا Gnome خصوصا مع النسخة اللى هنتعامل معاها وهيا Dapper drake ويمكن تكون النقطة ميزة او عيب بالنسبة لأشخاص وأشخاص بمعنى إنه ممكن ناس اللى هما شغلهم الشاغل سطر الأوامر فقط يرحبوا بالنقطة دى خصوصا إنهم مش هايحتاجوا الواجهة الرسومية فى حاجة.

            وعلى النقيض ناس ممكن تعتبرها عيب لأنه خاصية الروت ممكن تسهل للناس المبتدئة التعامل مع كل حاجة بدون قيود بس أكيد ده ليه عيوب أكتر إنه على الأقل مش مضمون ايه اللى ممكن يحصل من المستخدم الجديد لو دخل روت على GuI .

            عموما أنا من الفريق اللى بيرجح إنه الروت فى ال GUI مالوش لزوم خاصة إنه اتقان سطر الأوامر هو المتعة الحقيقية فى اللينكس وده المطلوب فى المراحل المتقدمة من التعامل مع اللينكس إنه الواحد يفكر يعمل كل حاجة بايديه أى مشكلة ساعتها هاتبقى ولا ليها قيمة فى ظل الCommand Line

            عموما أين كانت هذه الخاصية ميزة او عيب مش هاتفرق كتير معانا إن شاء الله لأنه الubuntu مع الأداة Sudo كل شىء أبيض ونقى وزى الفل إن شاء الله.
            نيجى بقى للموضوع اللى احنا عمالين نلف وندوز حوليه وهو استخدام الubuntu نفسه من الواجهة الرسومية ثم بعد ذلك من خلال سطر الاوامر وأنا إن شاء الله هاحدد نقط معينة نمشى عليها فى الشرح علشان كل حاجة تبقى مرتبة وسلهة فى التعامل
            شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
            | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

            تعليق

            • #7
              نيجى بقى للخطوات :

              1- دعم اللغة العربية اللى ومازال بعبع كل مستخدم جديد للينكس دايما مرارا وتكرارا الناس تتكلم عن العربى ومش عارفه تضيف خطوط ازاى والكلام ده مع ubuntu كل اللى هايصحل كليك يمين وتعمل فولدر جديد باسم fonts. وحط الfonts اللى انت عاوزها واحفظ التغييرات كل ده فى الفولدر الخاص بالمستخدم مشكلة العربى اتحلت ! عاوزين أسهل من كده وطبعا دى هناقشها واحدة واحدة بس حبيت اوضحها فى البداية وطبعا الدعم من الناحيتين القراءة بمعنى قراءة أى ملف مكتوب بالعربى وكتابة أى ملف باللغة العربية

              2- تسطيب البرامج ودى ليها فى الUbuntu ثلاثة طرق اتنين منهم إن شاء الله هانستخدم فيها الواجهة الرسومية الطريقة الأولى عن طريق Synaptic Package Manager والطريقة التانية عن طريق الخاصية المشتركة مابين بهتان وألوان ( بهتان هو الويندوز وألوان أكيد هو اللينكس وينفع يكون عنوان برسيل الجديد ) والخاصية ذى ما انا ذكرتها Add/remove application كل اللى هاتعمله فيها مجرد شوية علامات صح مش اكتر قصاد البرنامج اللى انت محتاجه أما الطريقة التالتة أكيد هيا عن طريق سطر الأوامر وذى منا ذكرت وهافضل أقول المتعة فى كده تحس فعلا انك بتعمل حاجة مش ويا سلام لو بتعمل compiling لسورس كود ولا حاجة وتبقى كملت فعلا

              3- تالت حاجة هنشوف بعض البرامج الأساسية وطريقة تسطيبها وازاى نعمل search على برنامج معين وكده , وهيكون فى حاجة زيادة هنشوف ازاى نسطب LAMP Package
              LAMP Stands for Linux ,Apache , MySQL , PHP

              آخر حاجة كنا وقفنا معاها كانت صورة الولوج الى النظام وكان المفروض نكون على الDeskTop وإن شاء الله اللى هانشوفها دلوقتى الdesktop الخاصة بيا



              طبعا عربية وهم يفط واحد من الزحمة ويسألنى نوع العربية دى ايه أجاوبك أنا العربية دى نوعها mazda kabura concept model ) ) يالا مش حارمكم من حاجة عربيات ولينكس وكله هيصة

              ده كانت اول صورة معانا بالنسبة لل desktop نيجى بقى زى ما اتفقنا هانمشى تبع الخطوات وأول مشكلة ممكن تقابل مستخدم اللينكس زى ما قلنا اللغة العربية هنا فى ال ubuntu الموضوع بيسط جدا كل اللى هايحصل مجرد ثوانى مش اكتر شوفوا معايا فى الصور



              بعد كده هنكون دخلنا على home folder ونعمل الآتى فيه شوفوا كده



              شوفوا فى الصورة بقى هانعمل ايه بالظبط



              أما فى الصورة دى علمنا الفولدر وكل اللى ناقص بس نعمل نسخ من الخطوط اللى احنا عاوزين نضيفها ونحطها فى الفولدر ده



              دلوقتى بقى هنجيب الخطوط اللى عاوزين نضيفها وأنا اخترت كام خط كده منهم ال tahoma والsimplified Arabic ونزلتهم عندى على ال Desktop
              المهم دلوقتى هانعمل copy من الخطوط ونحطها فى الفولدر اللى كنا عمناه باسم fonts.
              شوفوا الصورة



              ملحوظة : يمكن الحصول على الصور بسهولة لو عندك ويندوز كل اللى عليك تروح على البارتشن اللى عليه ويندوز وتفتح الفولدر Windows وبعدين الفولدر Fonts وبعدين تختار الخطوط اللى قلنا عليها

              دلوقتى علشان نعرف الفرق مابين الخطوط اللى هتنضاف ولما نضفها ايه هايكون الفرق شوفوا الصورتين دول معايا



              الصورة التانية بقى بعد ما ضفنا الخطوط فى الفولدر fonts.



              طبعا إحنا كل اللى عملناه ده كان تظبيط بس بالنسبة للملفات و الصفحات المكتوبة بالعربى علشان نقرأها كويس
              وقبل ما ننتقل لنقطة دعم الكتابة باللغة العربية كان ممكن نعمل الحوار ده من خلال الشل والأوامر ونشوف هانعمله ازاى
              طبعا علشان نفتح الشل نعمل كده الأول نروح على كلمة Accessories وبعدين نختار منها كلمة Terminal شوفوا الصورة





              بكده يبقى دعم اللغة العربية كقراءة اتظبط ودى كانت طريقة من الطرق لدعم قراءة العربى من خلال الواجهة الرسومية المرة الجاية هنشوف طريقة تانية ولكن من خلال الشل وأوامره أنا حبيت أذكر الطريقة دى علشان نمشى خطوة خطوة من سهل إلى أصعب وكده .

              وبرده هانشوف فى المشاركة القادمة دعم كتابة العربى فى التوزيعة ازاى ونظبط ال configuration الخاصة بالكيبورد وطريقة التبديل مابين العربى والإنجليز
              ى
              ومعلش أنا ماشى بالراحة وواحدة واحدة مع الناس علشان نوصل للى احنا عاوزينه إن شاء الله

              دمتم بحفظ الله وعنايته

              السلام عليكم ورحمة الله وبركاته
              شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
              | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

              تعليق

              • #8
                السلام عليكم ورحمة الله وبركاته

                هلا إخوانى كيفكم إن شاء الله تكونوا بخير ...

                رجعنا تانى بقى علشان نكمل حوار دعم قراءة اللغة العربية والمرة اللى فاتت شفنا ازاى ممكن نعمل الحكاية دى بطريقتين مختلفتين الأولى كانت عن طريق الواجهة الرسومية والطريقة التانية كانت عن طريق الشل وأوامره وشفنا كام أمر كده ووظيفتهم بسرعة

                فى المشاركة دى إن شاء الله هنكمل الطرق بواسطة الشل وأوامره وتعالوا نستعرض طريقة جديدة لدعم القراءة بواسطة الشل
                أول حاجة طبعا عرفنا ازاى نفتح الشل من قائمة Accessories وبعد كده نختار من القائمة Terminal ونبدأ فى كتابة الأوامر دى
                شوفوا الصورة معايا



                دلوقتى بعد ماشفتوا فى الصورة كل حاجة دلوقتى تمام وضفنا الخطوط للنظام كله اللى احنا عاوزينها دلوقتى فى حاجة علشان النظام يتعرف على الخطوط الجديدة لازم نربطهم بالخطوط الرئيسية للنظام واللى هاتكون فى المسار ده

                كود:
                cd /usr/share/fonts/truetype
                بعد مانروح للمسار ده نكتب الأمر د

                كود:
                sudo nano -w fonts.cache-1
                برده علشان الناس متسرحش منى وتعرف احنا بنعمل ايه احنا ذى ما قلنا فوق هنروح للمسار ده /usr/share/fonts/truetype وبعد كده نكتب الأمر ده ورا الكلام ده على طول sudo nano -w fonts.cache-1 علشان نبدأ نضيف المجلد myfonts اللى فيه الخطوط بتاعتنا مع خطوط النظام

                طيب ايه وظيفة الأمر sudo nano -w fonts.cache-1 ؟
                أولا قلنا انه sudo دى اداة ادارة النظام اللى بتتحكم فى اعطاء السماحيات للمستخدم انه يعدل فى ملفات النظام اللى المستخدم العادى مالوش الحق إنه يعدل إلا باستخدام sudo والباسورد بتاعت الروت
                طيب nano ده بقى محرر نصوص هو اللى من خلاله هاتقدر تعدل فى الملف اللى انت عاوزه ممكن نشبه كده بالnotepad فى الويندوز يعدل فى أى ملف من ملفات النظام وكده

                اما الخاصية -w دى خاصة بالمحرر nano علشان تقدر تفتح الملف المطلوب
                أما fonts.cache-1 ده الملف اللى بيربط الخطوط اللى انت هاتضيفها لخطوط النظام الرئيسية علشان النظام يقدر يتعرف على الخطوط اللى انت هتضيفها
                طيب بعد ما احنا كتبنا الكلام ده شوفوا معايا ايه المفروض يطلع ليك فى الterminal



                دلوقتى هنضيف السطر اللى قلنا عليه وهايبقى بالشكل ده



                ده تقريبا احنا عملنا أهم الطرق فى دعم اللغة العربية كقراءة دلوقتى هنشوف بالنسبة للكتابة ايه المطلوب

                دلوقتى هنروح على System >administration> language support
                وبعد ما نضغط على language support هاتظهر لينا الصورة دى كل اللى علينا بس نعلم علامة صح قصاد arabic وبعد كده نعمل apply وبعد كده oK
                وبعد كده هايبدأ النظام فى تنزيل ال package الخاصة باللغة العربية زى مانتم شايفين فى الصورة التالية



                وبعد ما يخلص تنزيل على طول هايبدأ فى تسطيب ال package اللى نزلت زى الصورة دى



                وفى النهاية كده هايقولك إنه كل حاجة اتعملها update



                ودلوقتى اللغة العربية بقت بالنسبة للكتابة تمام لكن اللى ناقص دلوقتى نزبط اعدادات لوحة المفاتيح علشان نقدر نكتب عربى

                أول حاجة نعملها علشان الموضوع ده نروح علىSystem >preferences >keyboard

                هتظهر لينا الصورة دى كده ونمشى خطوة خطوة زى ما فى الصورة



                بعد ما ضغطنا على كلمة Add هايظهر لينا الآتى شوفوا الصورة



                بعد ما عملنا الكلام ده كله العربى على طول هايظهر شوفوا الصورة



                دلوقتى مثلا عاوزين نبدل العربى والانجليزى بالنسبة للكتابة شوفوا معايا فى الصورة هنعمل ايه



                وبعد كده فى الصورة التالية شوفوا معانا



                بكده إخوانى يبقى إحنا خلصنا أول خطوة من الخطوات اللى قلنا هانمشى عليها وهيا دعم اللغة العربية قراءة وكتابة وانتظرونا إن شاء الله المشاركة الجاية ونشوف ازاى نبدأ نسطب أى برنامج إحنا عاوزينه

                ليا طلب صغير كل اللى طالبه منكم بس دعوة بظاهر الغيب عسى الله أن يرحمنى بها

                دمتم بحفظ الله وعنايته

                السلام عليكم ورحمة الله وبركاته
                شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
                | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

                تعليق

                • #9


                  السلام عليكم ورحمة الله وبركاته

                  بعون الله نكمل موضوعنا والمشاركة السابقة اتكلمنا على دعم اللغة العربية كقراءة وكتابة والحمدلله انتهينا من النقطة دى وكانت تمام وعرفنا ازاى نضيف خطوط للنظام

                  المشاركة دى إن شاء الله هنكمل بقى الخطوة رقم 2 اللى قلنا عليها ولو تفتكروا كانت تنصيب البرامج البرامج بثلاثة طرق مختلفة
                  طريقتين هانستخدم منهم الواجهة الرسومية والطريقة الثالثة من خلال أوامر الشل

                  بسم الله نبدأ

                  أول طريقة معانا إن شاء الله هتكون من خلال synaptic package manager
                  والأداة دى هنلاقيها كده فى من خلال المسار ده
                  System > Administration >Synaptic Package Manager
                  شوفوا الصورة معايا كده



                  بعد كده هنضغط على على synaptic package manager وهتظهر لينا الصورة التالية



                  طيب بعد ما شفنا الأساسيات فى الصورة اللى فاتت وشفنا بعض الوظائف لبعص الحاجات دلوقتى علشان نقدر نسطب أى برنامج لازم كل السيرفرات الخاصة بال ubuntu تكون نشطة علشان الموضوع ده هايسهل علينا كتير لما نحب نسطب او نعمل بحث عن برنامج معين وعلشان ننشط السيرفرات الخاصة بال ubuntu المسئول عن الموضوع ده ملف موجود فى المسار ده اللى انتم شايفينه فى الصورة فى أول سطر

                  طبعا لازم نفتح ال Terminal قبل كل حاجة من ِ Applications وبعد كده Accessories وبعد كده نختار Terminal ونبدأ نطبق الأوامر اللى فى الصورة



                  بعد ما شفنا الصورة ووصلنا للمسار اللى فيه الملف sources.list طبعا هانكتب الأمر nano -w sources.list وعارفين من المشاركات اللى فاتت انه nano محرر نصوص الهدف منه تعديل اضافة حذف اى حاجة من على أى ملف

                  المهم بعد ما هانكتب nano -w sources.list هايظهر لينا الآتى



                  زى ماشفتم فى الصورة الهدف كان من كل ده عرض محتويات الملف sources.list مش أكتر دلوقتى كل المطلوب عمله إننا نحط الملف sources.list اللى هو أنا زبطته وجاهز علشان ننشط السيرفرات المطلوبة وهيكون عن طريق الأمر cp زى ما هاتشوفوا فى الصورة معايا



                  بعد ما شفتم الصورة كده كله تمام والملف الجديد بقى مكان القديم خلال دلوقتى هنروج بقى ل
                  System >Administration >synaptic package manager

                  وبعد ما تفتح زى ما شفنا فى الصورة الأولى هنضغط على زرار Reload شوفوا معايا ايه اللى هايحصل



                  طبعا بعد ما ضغطنا على Reload هايبدأ يعمل Update للبرامج الموجودة
                  وبكده يكون كله تمام وكل حاجة احنا عاوزنها اتعملت
                  بعد مايخلص عمل update ممكن تتطلع رسالة خطأ بالشكل ده بس مافيش منها خوف عادى اضغط على Close لأنه الموجود فى الرسالة إنه مش قادر يتعرف على Cd-rom لأنها بتمثل عندنا سيرفير عليه بعض البرامج شوفوا كده معايا فى الصورة للتوضيح مش اكتر



                  بعد ما هانضغط على Close هترجع الصفحة الأساسية بالشكل ده




                  طيب لو عاوزبن مثلا نبدأ نسطب برنامج زى ما قلنا هنا البرامج متقسمه تصنيفات على حسب الاستخدام فى القائمة اللى على الشمال ياعنى محررات النصوص لوحدها برامج المالتي ميديا لوحدها وهكذا لو حبينا مثلا نسطب برامج من برامج محررات النصوص مثلا زى برنامج Emacs الشهير كل اللى هنعمله هنشوف كلمة Editors



                  بعد ما ضغطنا على Mark For InsTallation هاتظهر الشاشة دى ويقولك إن فى بعض الحاجات التانية لازم تنزل علشان ال Emacs كل اللى هتعمله تضغط على Mark



                  دلوقتى خلاص البرنامج جاهز على التسطيب كل المطلوب بقى تضغط على كلمة Apply شوفوا الصورة معايا



                  دلوقتى خلاص احنا فى آخر خطوة شوفوا الصورة معايا وهنعمل فيها ايه



                  وهنا خلاص بيبدأ يفك الحزم اللى نزلها وبيبدأ يسطب البرامج



                  هنا خلاص البرنامج اتسطب وكل حاجة بقت فل الفل



                  زى ما شفتم فى الطريقة دى مجرد شوية خطوات معتادة مش أكثر وكل ما تحب تسطب برنامج من خلال الطريقة دى هتحسوا إنه الموضوع بسيط جدا ومش معقد

                  وأكيد لو حبينا نسطب اى برنامج تانى نعمل نفس الخطوات بس مع الفرق إنه اسم البرنامج المطلوب ايه وهايكون تحت أى تصنيف وهكذا وبرده علشان نبقى فى الأمان أنا مش بفضل الطريقة دى فى تسطيب أى برنامج لأنها تعتبر بالنسبة لمستخدم لينكس عيب إنه يعمل حاجة زى دى ( الكلام ده نسيبه لبتوع ويندوز ولا ايه)

                  إحنا كان كل الهدف من الطريقة دى ننشط السيرفرات علشان ده هايفيدنا بعد كده فى تسطيب أى برنامج من خلال الشل وأوامره

                  نيجى بقى للطريقة الثانية وهيا تسطيب البرامج من خلال قائمة Add/remove
                  على طول بقى أول حاجة تروحوا ل Applicatios > Add/Remove
                  وهتظر الصورة دى معانا الأداة فيها بتعمل فحص للبرامج اللى معمول ليها تسطيب والبرامج اللى لسه مش معمول ليه شوفوا الصورة



                  بعد كده هتظهر لينا الصورة دى



                  وأنا وضعت ليكم ملف ال sources.list فى المرفقات الشامل لكل سيرفرات تحميل البرامج لانه الملف اللى بينزل مع التوزيعة ينقصه الكثير من هذه السيرفرات وذلك حتى تسهل عملية تسطيب اى برنامج وال packages المطلوبة له وكل ماعليكم فعله نسخ الملف الموجود فى المرفقات إلى المسار الأصلى وهو

                  كود:
                  /etc/apt/
                  وبكده يبقى احنا خلصنا أول طريقتين معانا وإن شاء الله هنكتفى انهارده بكده والمرة الجاية هنشوف الشل وأوامره ونعمل كل حاجة من عليه وبكررها تانى بالله عليكم اللى طالبه منكم دعوة بظاهر الغيب مش أكتر
                  ولو فى اى أسئلة أنا فى الخدمة إن شاء الله ......

                  دمتم بحفظ الله وعنايته

                  السلام عليكم ورحمة الله وبركاته
                  الملفات المرفقة
                  شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
                  | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

                  تعليق

                  • #10
                    لسلام عليكم ورحمة الله وبركاته

                    نرجع ونكمل إن شاء الله موضوعنا عن طرق تسطيب البرامج والحمدلله بفضل الله انتهينا من طريقتين باستخدام الواجهة الرسومية
                    والطريقة اللى معانا إن شاء الله انهادره هيا من خلال الشل وتكاد تكون أسهل الطرق وأبسطها لأنها فعلا كده علشان تسطب برنامج كل اللى انت محتاجه سطر زى ده

                    كود:
                    sudo apt-get install XXXXX
                    حيث XXXXX إسم البرنامج المطلوب شفت السهولة !

                    شوفوا معايا فى الصورة وإحنا بنعمل الموضوع ده إزاى



                    وهنا فى الصورة دى البرنامج اتسطب وبقى كله تمام



                    طيب لو عاوزين نحذف أى برنامج عندنا برده من خلال الشل نعمل الأمر ده

                    كود:
                    sudo apt-get remove XXXXX
                    طبعا الامر اللى فات ده هيحذف البرنامج بدون ملفات ال conf وعلشان نحذف البرنامج حذف كامل نكتب الأمر ده

                    كود:
                    sudo apt-get --purge remove XXXXX
                    حيث XXXXX هو اسم البرنامج المطلوب حذفه

                    طيب لو مثلا كنا حابين نسطب برنامج واحنا مش عارف مثلا اسمه بالظبط مع ubuntu فيه أمر جميل جدا جدا بيمكنك من ده انك ممكن تعمل بحث عن اى برنامج سواء باسمه المطلوب أو أقرب حاجة لإسم البرنامج من خلال الأمر ده

                    كود:
                    sudo apt-cache search XXXXX
                    حيث XXXXX اسم البرنامج المطلوب البحث عنه أو أقرب وصف ليه وهكذا دى كانت أبسط الأوامر اللى ممكن نحتاجها فى تسطيب اى برنامج مهما كان او حذفه من النظام وأكتفى بالقدر ده إن شاء الله إنهارده والمرة الجاية بنكمل بإذن الله تنصيب حزمة ال LAMP وضبط الإعدادت الخاصة به

                    بكتفى بهذه المشاركة مؤقتا لحد ما اخواننا يقرأوا الموضوع وإذا كان فى اسئلة واستفسارات انا فى الخدمة إن شاء الله إذا كنت بعرف الإجابة وإذا مابعرف بأسأل وبعطيكم الإجابة إن شاء الله

                    شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
                    | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

                    تعليق

                    • #11
                      شرح روعة ولا احسن من كده استاذ ورئيس قسم
                      بارك الله فيك واكثر من امثالك

                      تعليق

                      • #12
                        مجهود رائع MySQL
                        على فكرة النسخة النهائية تنصيبها أسهل جدا
                        بحيث تعمل liveCD ثم من Desktop تضغط install
                        وشوية اعدادت ويتم التنصيب.

                        سؤال جانبي: كيف التقطت الصور vmware ؟ وﻻ طريقة أخرى

                        تعليق

                        • #13
                          ألف ألف ألف شكر أخوي على الشرح
                          ولا أروع من هيك
                          وموضوع متعوب عليه بانتظار كل جديد

                          تحياااااااااااااااتي

                          تعليق

                          • #14
                            السلام عليكم ورحمة الله وبركاته

                            بارك الله فيكم إخوانى العمدة والميمونى وb.b.c وأحسن إليكم

                            أما بالنسبة أخى الفاضل الميمونى الصور تم التقاطها ببرنامج vmware وانا كنت مسطبه على الويندوز لأنى فى الفترة دى كنت لسه أصلا يادوب مافيش شهر ونص شهرين مستخدم لينوكس :p ياعنى لله الحمد والمنة أكرمنى إنه الموضوع يطلع بصورة نوعا ما كويسة فى بداياتى مع اللينوكس

                            أتمنى إنه الموضوع يكون مفيد ليكم ولوبشكل بسيط وكل ما أطلبه دعوة بظاهر الغيب فى ساعة افطاركم

                            تقبل الله منا ومنكم الصيام والقيام وجعله ذخرا لكم يوم العرض والحساب

                            دمتم بحفظ الله وعنايته

                            السلام عليكم ورحمة الله وبركاته
                            شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير
                            | قناة المجتمع التعليمية | قناة المجتمع للفيديوهات | ويكي مجتمع لينوكس العربي | البريد الألكتروني (eMail) |

                            تعليق

                            • #15
                              واصل الى الامام
                              يا mysql
                              My sickness is called frozen mind
                              and hopefully I'll find the cure for it

                              تعليق

                              السابق 1 2 3 template التالي
                              يعمل...
                              X
                              😀
                              🥰
                              🤢
                              😎
                              😡
                              👍
                              👎