شكرا اخوي سي بي يو


والله انا افضل اقوى واسرع وافضل توزيعه لعام 2006 بعد تقييم مجله PC Magazine


ubuntu



وطبعا بعده فيدورا كور

شكرا للموضوع ، أنا معجب بالسلاكوير ، وأستخدم النسخة رقم 11 ، والحمد لله فيه صعوبه ولكن ممتعة .

أنا أحب كل من التالي:

بالنسبة لي وحسب ما مررت به من تجارب مع التوزيعات فإني حاليا أفضل الأرابيان والسوزي
وأيضا بالنسبة لي يصعب تفضيل توزيعة على أخرى لأنهم كلهم روعة

دبيان أولا و البقية ثانيا

السلام عليكم

الموضوع قمة و خاصة الصورة حقت دبيان على قولتهم تفطر بالصائم من رمضان

أفضل توزيعة بانسبه لي هي Ubuntu
التوزيعة التى أتمنى أن أستعملها و إلى الأبد فيدورا كور
لكن لا حياة لمن تنادي (49kb)

وعليكم السلام ورحمة الله وبركاته

اخي الفاضل .......(الفــيدورا كور).....وبـس !
لانها التوزيعة القياسية وهي اللتي يعتمد عليها في الدورات والكتب ولاتنسى شركة ردهاااات
تحياتي
ابوعمار

فيدورا كور 4

و عاش رد هات وغيره مايلزمناش

السلام عليكم اخوتي الاكارم
موضوع شيق اخي Cpu
ممكن من فضلكم ترفقوا اختيار النسخة بالسبب يعني لماذا؟ و هذا قد يساعد المبتدئين مثلي في اختصار الطريق للاختيار الامثل، و شكرا
انا استعمل SUSE10.1 ليس عن تجربة و لكن كونها اول نسخة استعملها و بعد ان تعودت عليها لا اظن اني ساستغنى عنها خصوصا بعدما و جدت فيها ذاك الجمال و تلك القناطير من البرامج .

حالياً أعيش مرحلة صراع داخلي

فيدورا حيث مراتع الصبا

وأوبنتو حيث السلاسه والدعم اللامتناهي

وقد بدأت الكفه تميل لصالح اوبنتوا وانت السبب يا MySQL :ciao:

تحياتي

خربك شكله محمد MySQL يا رجل خليك على فيدورا أو روح على الاروع SuSE ... والله يا محمد شكلي :fight2: صح ؟ :ciao: بالتوفيق يا شباب في نسختكم ...

ما أقدر أقول شيء عن SuSE

هذه النسخة بالذات أحترمها جداً .

لكنها ثقيله شوي ، رغم ان الرام عندي ا غيغا الا اني أشوفها ثقيله .

تعال يا MySQL وشوف ايش سويت فينا ;)

السلام عليكم ورحمة الله وبركاته

ما شاء الله أسيب المنتدى يومين ارجع ألاقى كل ده :p

طيب حبيبى أبو فيصل تسلملى يا عسل والله انت ميه ميه سيبك من أبو محمد هم كده الناس بتوع سوزى مش بيحبوا غير بتوع سوزى :D

طيب أنا بقى هتكلم كلام علمى وأذكر ليه أنا بستخدم ubuntu

أولا لو الناس تفتكر موضوع ubuntu لينكس نظرة عن قرب أكتر أنا ذكرت فى الموضوع لبعض الحاجات اللى خلت ubuntu تحتل صدارة الاستخدام مابين التوزيعات واللى مش مصدق يروح على موقع distrowatch ويشوف بنفسه

طيب ليه الubuntu على الصدراة ؟

أول حاجة دعم العتاد بمعنى إنك تقدر تثبت التوزيعة من غير ما تعمل اى حاجة خالص وده اللى حصل معايا لما ثبت الubuntu ما حطتش ايدى فى حاجة نهائى كل شىء كان متعرف

طيب تانى حاجة بقى واللى انا متأكد مليون المية إنه مش موجود مع اى توزيعة تانية خالص واتحدى اى شخص يستخدم اى توزيعة تانية يلاقى نفس الدعم سواء كان official او unofficial مثلا اضرب مثال بس على حاجة حلوة جدا

تتخيلوا معايا المنتدى الرئيسى للاوبنتو فيه كام عضو ؟ حد يخمن كده ؟

طيب اقولكم فيه اكتر من 180 ألف عضو طيب تتخيلوا كام عضو نشط ؟ 135 ألف عضو ؟ ياعنى حاجة فوف الخيال

حد يروح كده على منتديات فيدورا يشوف عندهم كام عضو 78 ألف عضو طيب الاعضاء النشطة شىء مكسف :D 4 آلاف عضو بس lol ياعنى لا وجه للمقارنه اسمحولى وبلاش اقول احصائيات تانى الناس ممكن تصدم ساعتها lol

أما بالنسبة لسوزى فا اى واحد بيستخدم سوزى يغطى عنيه احسن :p عدد الاعضاء فى المنتدى الرسمى 13 ألف عضو اكتر عدد الاعضاء N0 C0MM3Nt

طيب ناس هتقول العدد مش مقياس ياعنى للاحسن وانا هقول ماشى معاكم وكلامكم صح ولكن فى نقطة انتم مش واخدين بالكم منها وهى ايه المنتديات الاجنبية فرق السما من الارض لو قارنتها بالمنتديات العربية هناك العدد فعلا بيفرق لان الناس عاوزه تتعلم وموضوع ال community بالذات عند الاجانب ليه اهميته بعكس العرب
طيب شىء تانى الدعم الغير رسمى شوفوا بقى كمية المواقع اللى بتقدم دعم غير رسمى قد ايه ؟ لا تعليق

طبعا ده غير ال wiki اللى فى كل مكان

طيب نقطة تانية للدعم وهى Real Linux Live Help او بمعنى أوضح وهو انك تقدر تحل المشاكل بتاعك فى اللحظة اللى بتقابلك فيها المشكلة وفعلا أنا حسيت ده كويس قوى انى كانت بتقابلى مشاكل مع ubuntu على طول اروح على السيرفر ده

freenode.net وبعدين على غرفة ubuntu اطرح اسئلتى على طول الأقى الحل فعلا وعلشان اكون صادق ماكنتش بلاقى لكل المشاكل ولكن العيب بيكون من عندى لانه اللغة الانجليزية عندى نوعا ما مش قد كده فا وصف المشكلة طبعا هيفرق مع اللى هيقرأها وكده

طيب نيجى لنقطة تالتة هى التوزيعة نفسها اولا سبب قوى جدا اللى زاد من شعبيتها فى الاستخدام كونها اسطوانة واحدة بس تعالوا معايا شوفوا السوزى على فكرة انا اول توزيعة بدأت بيها كانت سوزى 10 كانت 5 cd ياعنى عيش لو اتصالك مش اللى هو عاوز ليك على الاقل اسبوع على ما ينزلوا طبعا الجهاز لازم يفضل مفتوح اكيد :D

طبعا الفيدورا زيها او تقريبا 4 cd معرفش صراحة لكن برده محتاجة وقت كبير

طيب ناس هتقولى ياعم انت بتتكلم فى ايه شوف البرامج اللى عليها عاملة ازاى ؟

ارد اقوله بكل بساطة بالله عليك هل انت محتاج كل البرامج دى ؟ طبعا هيتكسف من نفسه ويقول طبعا لا خلينا كده ناس صريحة اى حد فى البداية بيستخدم لينوكس كل اللى محتاجه برنامج يشغل الميديا برنامج للشات برنامج للتحميل ياعنى لو حصرنا البرامج دى كلها هتطلع 10 برامج بالكتير من اطنان البرامج زى ما قال أخونا fakir يبقى انا اتعب نفسى ليه اقعد انزل اسبوع فى برامج ( اقصد الcds طبعا للتوزيعة ) وفى الآخر من الاطنان دى استخدم 10 برامج بس ؟ اسيب ليكم التعليق

ياعنى انا لو عملت مقارنة فعلا مابين ubuntu واى توزيعة تانية معظم الحاجات اللى بيطلبها المستخدم العادى هتكون فى صالح ال ubuntu

طيب ناس هتقوم عليا زى ابو محمد وسفاح دلوقتى :D هيقولك سوزى ومش سوزى :p

يا جماعة احنا دلوقتى زى ما بيقولوا فى طور تكوين القاعدة بمعنى انى عاوز اجذب مستخدمى ويندوز للينوكس فا طبيعى لازم الموضوع يكون سهل بالنسبة ليهم فى البداية ياعنى علشان اقدر اسوق سلعتى صح لازم يكون عندى رصيد من المميزات يغطى الشريحة الاكبر فى المستخدمين وهم المبتدئين لانه المبتدىء مش هيجى من ويندوز محترف لينوكس ياعنى ولا ايه رأيكم

ubuntu قطعا هتعمل كل ده :D لانه زى ما انا ذكرت فوق كل النقط اللى تفوقت فيها التوزيعة على التوزيعات التانية واهم شىء الدعم

وعلى فكرة نقطة اخيرة تحسم موضوع الدعم وهى ال ubuntu بتقدك تقنية دعم اسمها LTS وهى الدعم طويل المدى للتوزيعة وهو على توزيعة Dapper drake بيكون 3 سنين

طيب نيجى بقى لبتوع فيدورا اللى انا اعرفه وياريت حد يأكد المعلومة دى ليا وهو 6 شهور بس ! N0 C0MM3NT 4L$0 :p

طيب اخيرا ناس هتقول بقى الناحية الجمالية ومش الناحية الجمالية لا فيدوا لا يعلى على جمالها لا مش عارف ايه الكلام اللى بنسمعه ده ؟

اجاوب واقول طبعا عاوز جمال فى لينوكس تستخدم kde عاوز استقرار وثبات تستخدم gnome

Ubuntu تقدر تتحكم فى كل ده التوزيعة بتعتمد واجهة افتراضية gnome ولكن لو حبيت تستخدم kde بسيطة امر ده يخليك تعمل ده وهكذا بالنسبة لكل الواجهات التانية تقدر تنزلها من خلال امر واحد

يبقى ايه الفرق ! اكيد بلاشك مافيش غير انه فيه حاجة حلوة قوى شوية T}{3M3$ تخلى التوزيعة تنطق :D

صراحة لو فضلت اتكلم عن ubuntu مش هوفيها حقها ولكن فى النهاية امر واحد يحسم الموضوع بدام توزيعة لينوكس بتحتوى على حاجة اسمها SHELL يبقى تقدر تعمل اى حاجة فيها

معلش طولت عليكم ولكن حبيت ارد رد علمى انا ليه برجح كفة ubuntu لاى مستخدم جديد عاوز يتنقل للينوكس بسهولة ونقطة اخيرة بس لا الناس تفكر انها توزيعة مبتدئين

دايما بقول على ubuntu عاوزها تكون توزيعة مبتدئين هتكون تحت طوعك عاوزها تكون توزيعة L33Ts هتكون :p

يالا كفاية كده انا تعبت صراحة من الكتابة ومعلش اعذرونى الكلية والقرف مش بدخل كتير الايام دى وعندى امتحانات بعد العيد أسألكم الدعاء ليا وربنا يوفقنا جميعا إن شاء الله

ولكن مجرد أخلص امتحانات هتشوفوا العجب من ubuntu انتظرووووووووووووووووووونا :p

دمتم بحفظ الله وعنايته

السلام عليكم ورحمة الله وبركاته