السلام عليكم

إزيكم يا جماعة ؟

أنا عضو جديد في المنتدى وفي اللينوكس عموماً ..

قرأت كتير عن اللينوكس ..عن التوزيعات المختلفة ..

نزلت كتب ، وفيه مقالات كتير هنا في المنتدى عجبتني ..

وحاجة حلوة إن فيه قسم خاص للمبتدئين ، لأني ليت منتديات تانية كتير بتتكلم علطول علطول عن اللينوكس وحواراته من غير ما يحطوا في بالهم إن فيه ناس لسة ما تعرفش حاجة عنه

معلش .. سوري طولت عليكم في المقدمة ..

أنا عندي أسئلة كتير .. أتمنى إن شاء الله ما تملوش منها وإني ألاقي المساعدة فعلاً .. أفيد وأستفيد

وهبدأ بمشكلتي الآتية ..

أنا بستخدم برنامج الـ VM لتجربة أنظمة التشغيل المختلفة

وكان أول توزيعة لينكس أستخدمها هي ubuntu-7.04-server

صحيح مبتدأ وعلى قد حالي .. بس كانت هي دية النسخة اللى لقيت ليها رابط حلو وسريع في أحد المواقع اللى كان بيتكلم عن الويب سيرفر ، وأظن الفرق بين السيرفر إديشن والهوم إديشن بعض الخدمات الزيادة في السيرفر

ما علينا من ده كله ..

أنا الحمد لله ستبت أو عملت تحميل للنسخة ، وفوجئت بعد التحميل ..

إن الشغل كله على بيئة زي الدوس ، مفيش أي انترفيس ..

من خلال قراءاتي عرفت إن فيه حاجة إسمها الـ KDE و الجينمو .. أو غيرها من الواجهات اللى بتسهل العملية ..

يا ترى إيه الحل دلوقتي ؟ إزاي أقدر أستخدم واجهات مرئية في البداية ، ولا .. لا مفر من واجهة الأوامر مع النسخة اللى عندي .. ؟؟

مستني ردودكم ، آرائكم ، نصايحكم ..... ربنا يكرمكم


تحياتي ..