إعـــــــلان

تقليص
لا يوجد إعلان حتى الآن.

حدوتة اللينكس ١- من أندلسي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • [كتاب] حدوتة اللينكس ١- من أندلسي

    حدوتة اللينكس1

    كتبه قاسم ، بالمصرية العربية ، لموقعه أندلسي andalusy.com

    http://andalusy.com/1+%D9%85%D8%A7+%...86%D9%83%D8%B3

    ====**||||**===

    انت ممكن تقول وانا مالي باللينكس ده؟

    بس أنا ممكن أرد عليك وإقولك إنه اللينكس مش نظام تشغيل وبس هو ثورة معرفية حقيقية تتطلب الدراسة !

    طبعا العالم كله درس الموضوع وقدر يجاري الثورة ديه , مش اللي اﻷزمة هم.... أنا بكلم علينا احنا

    احنا مين ؟؟

    احنا اللي بنكلم عربي ...وبس ومش عايز زيادة في الكلام.....خلاص!

    بنسبة تقارب التسعة وتسعين في المية وتسعة من عشرة ... إنت أكيد سمعت الكلمة ديه أو شفتها عالنت أو في أي حتة.... واكيد سألت نفسك هيه ليه الكلمة ديه مهمة قوي كده ومشهورة ؟ لو عايز تعرف ليه فده ﻷنها طرحت بديل لكلمة اسمها "ويندوز - Windows "وأظن مفيش حد ميعرفش الكلمة ... ﻹني انت مدام بتقرا الصفحة ديه دلوقتي يبقى انت عندك ويندوز .

    قصدك إني اللينكس اكتسب شهرته ﻹنه بينافس أشهر وأعني شركة برمجيات في العالم ... هو مش بظبط كده ﻹن قصة اللينكس ديه وراها عبر وحكم ومفاهيم ورؤي أكبر بكتير من إني احنا نقعد نتخانق مين هو اﻷفضل أنظمة لينكس ولا أنظمة الويندوز.

    ايه يا عم هيه )جهاد( ضاعت منك وقاعد بدور عليها !!!

    لو عايز تقول حاجة قولها علطول وبلاش شغل ألف ليلة وليلة ده,,خلصنا

    لولا إني نفسي أكلم عن الموضوع من زمان جدا , لكنت سيبتك ومكملتش بس اعمل ايه لازم أكمل, ولو سمحت استحملني شوية

    وعلى فكرة إنت لازم كده كده تستحملني.... ﻹن الموضوع كبير ومتداخل ويشمل فترة زمنية فوق التلاتين سنة فمش معقولة هنلم كل حاجة حصلت في التلاتين سنة ... وبالتالي احنا مقدمناش غير إننا نسلط أضواء على اﻷحداث الرئيسية ونحاول نكلم على تداعياتها وللمزيد من التفاصيل او التوضيح هنحاول نعمل وصلات للمواضيع الللي محتاجة تفاصل أكتر ونسردها في صفح خاصة...متفقين ؟! يلا نبدأ بقى>>>

    بس ثواني قبل ما نبدأ وتلاقي نفسك دخلت في تفاصيل ومتاهات وتقول في النص وانا كان مالي بده كله ... كل ده عشان ايه هو اللينكس ؟ ما عني ما عرفته يا أخي , الله الغني عن دية معرفة , عامة اللغة ديه لغة الدهماء والسوقى والحمقى , وانا عارف إني انت مش منهم بس كل الحكاية إني إنت مكنتش تتخيل الموضوع متشعب كده, بص إحنا ممكن نتفق على حبة اتفاقات كده هتريحك وتريحنا وكله بالخناق إلا .... باﻹتفاق :

    1-المقالات ديه اتكتبت واتحضرت في أسابيع , فمينفعش تيأس لما تلاقى نفسك مش قادر تخلصها في الفترة الي انت حددتها لنفسك,ده إذا كنت بتنظم وقتك وانت قاعد على الكومبيوتر , أما إذا كنت مش من بتوع تنظيم الوقت فأحسنلك تفتكر المقالات ديه كل لما تبقى دماغك رايقة للحدوتة ديه.

    2-أهم دعائم عالم المصادر المفتوحة هي "ضمان عدم انقطاع سلسلة المعرفة التراكمية " -ايه كلام المؤتمرات ده يا عم - هو مش كلام مؤتمرات ولا حاجة ديه حاجة لازم كنا نتربى عليها من صغرنا بس للأسف محصلش, بمعني إن بناء على الجملة اللي انت مش عارف تقراها من ايتها ناحية ديه ,انت لازم تقتنع إنه مفيش حد بيوصل لدرجة الكمال في ادراكه لمعلومة معينة ... وبالتالي إنت لازم تحاول وتقرا وتحتك بالللينكس ده من كذا ناحية وبكذا طريقة وبعزيمة لا تلين وهمة في العلالي قوي.... وعشان أطمنك انت مش متوقعلك إني انت تاخد بالك من كل حاجة من أول مرة تحاول تقتحم هذا العالم لذلك اطمئن فأنت على الطريق الصحيح

    3-الموضوع مش عارف لحسن الحظ ولا لسوء الحظ أختلط فيه جوانب كتيرة جدا...طبعا أهمها جوانب تقنية لكن فيه جوانب قانونية وفيه جوانب سياسية وفيه جوانب تاريخية ﻷ ده كمان فيه جوانب فلسفية بمعني إن انت مطلوب منك صدر رحب يتقبل هذه المداخلات أثناء سرد القصة وإيقان تام إن هذه المداخلات في صلب القصة بل من أهم دوافعها ...وبالتالي هنلاقي نفسنا امام نوعين من القراء :

    أ-قارئ نفسه يعرف ايه هو اللينوكس ويشغله وينزله على الجهاز ويبدأ يبرمج ويعيش حلم الهاكر ... وبالتالي هيعتبر كل ما دون ذلك تفاصيل مملة -- هي وجه نظر صحيحة وخاطئة في نفس الوقت--- بفرض إنه تجاهل كل الفلسفة والتاريخ والقانون ده وفعلا بقى هاكر بحق وحقيقي وقاعد يعمل بقى برامج وتطبيقات مبنية على المصادر المفتوحة ... طيب كويس قوي ناوي تنشر برنامجك تحت آني رخصة وناوي تسوق فكرتك تحت آني مفهوم طب ولو اخترت الرخصة اﻷولانية إيه اللي ممكن يحصل لو أنا قررت إنه ... وفي حالة ده هل هيبقى مسموحلي إني ...طيب كويس الدوامة اللي انت دخلت فيها ديه يلا بقى شق طريقك واكسب خبرة واتعلم بقى .... لا حول ولا قوة إلا بالله طب مهو عندك تجارب الناس اللي سبقوك شوف عملوا ايه ووصلوا ﻷيه واستفيد من تجاربهم (التاريخ) وكل الحالات اللي ممكن تتعرضلها موجودة في قضاياهم القانونية (القانون)...أظن واضع جدا إني إنت وقعت في حيص بيص ولا تملك إلا الرجوع إلي تجاربهم القانونية والفلسفية والتاريخية....مع إني مازلت مؤمن إني انت لازم تتجه بأسرع ما يمكن في اتجاه اتقان اللينكس والبرمجة بلغاته

    ب-قارئ نفسه يعرف الحدوتة كمثال سامي وأدب رفيع وصحافة وأعلام وفلسفة......طيب يا سيدي كويس جدا وبيحيك على اﻷفق المستنير ده ...بس أنا آسف كل المعلومات التقنية ديه متخصنيش في أدني شئ...لازم الحلو ميكملش...ليه يا سيدي متخصكش إنت عايز تعمل زي الصحفي اﻷولة اللي عشان مسك الماوس افتكر إنه ممكن يكلم عن عالم الحاسبات ... ولا عايز تعمل زي ناس بيدعو لحاجة هما مش عارفين ماهيتها ولا عاصروا التجربة بطريقة فعلية تؤهلهم من الدعوة ليها أو حتى تجسيدها في الواقع ... إنت كده بتفكرني بالراجل بتاع " في أوروبا والدول المتقدمة" على فكرة هو مالوش دعوة لا بأوروبا ولا متقدمة ولا ديالوه هو مش عايز غير إنه ينادي بالفكرة كخيال لا كالواقع يمكت تجسيده وتطبيقه وبالتالي إحداث تغيير في حياة الناس...أرجوك أنا أنأي بك عن هذه المهزلة وأدعوك إلى فهم مستنير متجدد يحاول سبر أغوار الفكرة واﻹيتاء بالجديد القابل للتنفيذ ... شكرا سيادة الرئيس

    وهنا أجد أنه من الجدير بالذكر اﻷشارة إلى أنه وتأكيدا لمبدا المعرفة التراكمية ...قد يتراءى لنا مع اﻷيام والتفاعل مع مستخدمي الموقع نوع جديد من القراء لم يوضع في الحسبان ... وهنا لن نملك إلا اضافته إقرارا منا أنه لا مفر من مبدأ الخبرة التراكمية والبناء المعرفي

    لو ربنا كتبلى إن المقالة ديه تبقى مكتوبة صح .... فهتبقى البداية الحقيقية اللي مفروض نبدأ بيها " ثقافة الهاكر" "Hackers Culture"

    في نوعين من الثقافة ديه ...

    النوع اﻷول :

    ناس كتير جدا بتتلخبط ما بينهم والسبب في ده كان اﻷعلام وفي المقام اﻷول اﻷمريكي طبعا , من أوائل التمانينات ظهر كذا فيلم على مقالات وحلقات بتعالج الموضوع ده من خلال الشخصية الخرافية ديه المنطوية اللي وهبه قاعدة على جهاز يمكنها اختراق ما شاءت من اﻷجهزة وعمل ما تريد وما يريده منها المافيات والمخابرات وشغل أفلام بطلانة كده مش مواله دلوقتي... واللي هو لغاية دلوقتي في مقالات في الصحف العربية تقعد تقولك هاكر عربي أراد أن يخترق ويسوي وعلى الرغم من ذكائه الفظيع فقد استغله في طريق اﻷنحراف فيا شباب الوطن .... سد الله يقحمك احنا كنا ناقصينك مش كفاية الظلمات اللي احنا فيها جاية تكملها... المهم مش موضوعنا دلوقتي ....

    وعالعموم في حكمة مشهورة جدا بتتركز على إني معظم الناس ديه خبرتهم مبتبقاش في التكنولوجيا أقد ما بتبقى في الذكاء اﻹجتماعي وكيفية استغلال سذاجة مستخدمي الكومبيوتر في عمل ما يريدون... وفي الغالب هما تلات أنواع

    النوع اﻷولاني :نوع الجهل المطبق واللي مش فاهم أي حاجة وقعاد قالب كل المنتديات-تسمية مجازية لمجموعات اﻷخبار- برسايل تنم عن جهله

    النوع الثاني: نوع واعي شويتين بس كل اللي بيعمله إنه يستخدم البرامج والآليات ديه بدون ميفهم شغالة ازاي والي هتتسبب فيه ايه بظبط ...يمكن يقدر يستخدمها من غير حتى ميبقى عارف لغة برمجة واحدة

    النوع الثالث:هم اﻷصل بقى...وهم دول اللي بيبقوا فاهمين وفي الغالب بيبقوا معقدين نفسيا بدرجة خطيرة جدا وزي ما قلت بيعتمدوا على الذكاء اﻹجتماعي أكتر بكتير من الذكاء التكنولوجي

    ولكن يبقى السؤال من هم الهاكرز الحقيقين؟

    النوع الثاني:

    الهاكرز الحقيقين هما مجتمعات كانت تتطور داخل كذا جامعة عريقة في أمريكا منها جامعة بيركيلي و CMU و MIT من خلال أكاديمين و ناس متخرجين ولسه متخرجوش وكان من أهم مبادئهم

    1-حق السؤال مكفول للجميع

    2-التبادل المعرفي كقيمة سامية وايضا كاستراتيجية

    3-التهكم كوسيلة تعليمية

    مثال على ذلك نظرية القرود اللانهائين-ما هو احتمال كتابة قصة هاملت لوليام شكسبير إذا وضعنا عدد لا نهائي من القرود على لوحة مفاتيح؟Smile ومثال آخر على ذلك كان قديما الهارد كبير جدا وكانت محركاته بتعمل صوت وهما أي مجتمع الهاكرز بيسموها الغسالات ونتيجة لسرعة المواتير ديه كانت في مرات كتيرة بتتحرك فعملوا برامج تزود سرعة المحركات ديه وسابوها تتسابق ما بعضيها

    طبعا كلمة هاك Hack and Hacker كانت أول مرة تظهر بمعني المبرمج اللي يجد حل بطريقة التفافية لمشكلة معقدة جدا كان في نادي السكة الحديد ... آسف خطأ مطبعي كان في نادي Tech Model Railroad Club وكان النادي ده هو أصل الناس اللي هيكونوا معمل الذكاء اﻷصطناعي في Massachusetts Institute of Technology-MIT وبعديهم جامعة بيركيلي في كاليفورنيا Berkeley Univ اللي عملوا نظام ال BSD-Berkeley Software Distributionوليهم الريادة في تخريج عدد كبير من الهاكرز الحقيقين طبعا والجدير بالذكر هنا مجموعة مقالات

    لEric S.Raymond بعنوان كيف تصبح هاكر؟ يحاول فيها إقحامك في هذا العالم الغريب والشيق أحيانا والملئ بالمعرفة أولا وأخيرا

    والنسخة العربية من هذه المقالة موجودة على هذا الرابط

    وفعلا مع السنين أصبحوا مجتمع بحق وحقيقي وليهم مصطلحاتهم اللي لازم تفهم معناها ايه وليهم ميثاق شرف وليهم وليهم ... مش هنخلص


    وبالمناسبة الهاكرز الحقيقين بيقولوا على النوع اﻷول ده كراكرز Crackers يعني زي ما تقول كده مخربين أو مخترقين ....طبعا دلوقتي هنبدأ نركز شوية على معمل الذكاء اﻷصطناعي ﻷن معظم أبطالنا هيبقوا موجودين هناك .....

    >>>يتبع !!!

  • #2
    مما يعجبني فى المقالات بصفه عامه اذا كانت مكتوبه بالهجه العاميه ده بيدها طعم خاص ..
    واكملت قرائتها . علماً ان الحتوته قديمه من سنه 2007 لاكن تعتبر جميله . خاصه فى اسلوب طرح الجميل . واخر ماكتبه الكاتب عام 2008 ومدونته مهجوره ..


    مصدر : فلسفة المصادر المفتوحة

    --
    فمان الكريم
    :argeeleh:
    Twitter
    : @Linux4SA

    تعليق


    • #3
      شكرا على القصة الجميلة ولكن لى طلب صغير لو ممكن تغير كلمة بالمصرية العربية وجعلها بالعامية المصرية تكون افضل

      تعليق

      يعمل...
      X