السلام عليكم ورحمة الله وبركاته

لوانت عاوز تستخدم لينوكس بس خايف من ضياع الداتا لو قسمت الهارد

ان شاء الله مشكلتك اتحلت مع البرنامج المعجزة ده !!!

ازاى؟

البرنامج ده بيعمل من خلال الويندوز نفسه يعنى هتقوم بتنزيل البرنامج من الموقعه الرسمى

وتضعه عندك على desk top بتاع الويندوز ومن خلاله تقدر تنصب اوبونتو على جهازك

كأنك بتسطب اى برنامج عادى لان البرنامج ده له امتداد EXE

مميزاته؟
1- صغير الحجم حوالى 10 ميجا
2- يعمل من خلال الويندوز مباشرة
3-سهل التنصيب
4- بامكانك تثبيت اوبونتو من خلاله بسهولة بدون تدخل من المستخدم لتقسيم الهارد
5-بامكانك حذف اوبونتو بعد التركيب اذا اردت ذلك من خلال الويندوز كانك تحذف
اى برنامج عادى من خلال control panal

شرح البرنامج

اولا : واجهة البرنامج



ثانيا : كيفية استخدامه

1-installation drive

وهى تعنى مكان التركيب واحنا هنا هنختار البارتشن اللى عليه الويندوز

2-language

وهنا هنختار لغة التنصيب هنختار اللغة العربية

3-installation size

وهى مساحة التنصيب يعنى الجزء اللى هيخصصه البرنامج من البارتشن بتاع الويندوز

لان احنا اتفقنا ان البرنامج ده هيركب لك اوبونتو فى جهازك زى اى برنامج بتثبته على

الويندوز اقل مساحة هنا ممكن تختارها يجب الا تقل عن 4 جيجا ويفضل 8 جيجا

برنامج ووبى هيقوم لوحده بمهمة تقسيم الهارد ديسك (القرص الصلب) الى منطقتين

احداهما ROOT والاخرى SWAP بدون اى تدخل من المستخدم

4- user name

وهو اسم المستخدم ويجب ان تحفظه جيدا

5- pass word

وهى كلمة السر ويجب ان تحفظها جيدا

6-desktop environment

وهى الواجهة الرسومية وهى متوفرة بعدة نكهات ubuntu & kubuntu & xubuntu & edubuntu

ثالثا : تنصيب البرنامج

كل ما عليك فعله ان تضغط على install فيبدأ البرنامج بعمل دون لود من سيرفر ubuntu والتنصيب

فى نفس الوقت وعند انتهاء التنصيب تظهر الرسالة التالية




وهنا هنختار reboot now

بعد ما الجهاز يعمل ريستارت تظهر لنا واجهة group loader والتى من خلالها نقدر نختار

ما بين الويندوز او ابونتو

فوائد ووبى :

ووبي Wubi هو مُثبت ( غير رسمي) لنظام لينكس أوبونتو .. لمستخدمى الويندوز .. والذى يحملك لعالم اللينكس بعدة ضغطات بسيطة على أزرار الماوس .. ووبى يمكنك من تثبيت وإزالة أوبونتو كأى برنامج أخر تستخدمه داخل نظام التشغيل ويندوز . لو سمعت عن نظام التشغيل لينكس .. ولو سمعت عن توزيعة أوبونتو .. ولو أردت تجربتهم ولكنك متردد من حدوث أى خطأ يمكن أن يحدث أثناء عملية تثبيت النظام .. فهذا البرنامج مناسب لك تماماً …
ووبى اّمن..
هو لا يتطلب أى نوع من أنواع إعادة تقسيم الهارد ديسك .. أو أى من البرامج الأخرى المساعدة .. مما يوفر أكبر قدر من الأمن أثناء عملية التثبيت.

ووبي بيسط ..
فقط إبدأ .. فأنت لا تحتاج إلى التحميل على إسطوانة ليزرية !!
ووبى منفصل عن بقية النظام..
فهو يحتفظ بكافة الملفات الناتجة عن عملية التثبيت فى ملف واحد .. حيث يمكنك بسهولة إذا لم يعجبك القيام بإزالته.
والنقطة التى ننتظرها .. البرنامج مجانى .. مثل نظام التشغيل أوبونتو ..
والان الى رابط تحميل البرنامج



:clown: