مساء الخير جميعاً ، هذي أول مشاركة لي وأتمنى إن شاء الله إنو أحد يستفيد منها

موضوعي زي ما انا كاتب في العنوان هو طريقة تحديث أوبنتو من ٧.٠٤ إلى ٧.١٠ بدون أي مشاكل أو فقدان للملفات .

فيه ناس كثيرة أول ما نزل اوبنتو أمس سويت على طوول فورمات ﻷبنتو ٧.٠٤ للتحويل للجديد ، الطريقة هذي صحيحة . بس طيب لو كان عندك برامج وملفات ولا ودك تخسرهم وش بتسوي ؟

إن شاء الله هذا الشرح بيفيدك .

للتحديث عندك طريقتين ، الأولى عن طريق ال GUI يعني كم كليك بالفأره وينتهي الموضوع ، والطريقةالثانية عن طريقة ال CLI ولا فيه فرق بين الثنيتن بس فيه ناس GeeKz تقدر شيء إسمه Command Line


بسم الله نبدأ :

قبل أي شيء ، سرعة التحديث تعتمد إعتماد كلي على سرعة إتصالك يا بعدهم .

أول شيء عن طريق ال GUI


روح

System -> Administration -> Update Manager



ثم إظغط يا بعدهم زر Check خله يشيك على التحديث ، إذا كان فيه تحديثات ، بيقولك إنو فيه كذا تحديث إنت سوي لها تثبيت . إذا خلصت مسوي تثبيت ، إظغط زر Check مره ثانية ثم بتطلع لك رسالة تقولك إنو فيه نسخة جديدة نازلة ، بالشكل هذا



إظغط Upgrade وخلاص خلصنا ! . بتطلع لك كذا شاشة تعرض لك معلومات النسخة الجديدة ، إنت إظغط Upgrade ، زي بالصورة التالية :



بعدها ، بتطلع لك شاشة تعرض لك حالة التحديث ، زي الصورة هذي :



بعد هالكم ظغطة اللي فوق ، إحتمال تطلع لك شاشة توضح لك إنو بعض البرامج خلاص ما عادت مدعومة بشكل تجاري من قبل داعم أوبنتو canonical خل هالشاشة على جنب ، ما عليك منها ، وإظغط Close



بعد هذا يا حلو ، بتطلع لك شاشة بتخبرك إنو خلاص ترى حنا جاهزين للتحديث ، إنت مستعد ؟



إنت إظغط بكل ما أوتيت من قوة على Start Upgrade .

تقريباً إنتهينا ، بيبدأ مدير التحديث بتحديث أوبنتو زي ما في الصورة هذي :



^
^
شباب شوفو سرعة الإتصال عنده كم !!!

بعد ما يكتمل التحديث ، راح تطلع لك كم شاشة تعرض لك معلومات عن حالة التحديث والتثبيت . إذا إكتمل التحديث بكل نجاح إن شاء الله ، راح تطلع لك شاشة تطلب من إعادة تشغيل النظام زي هالشاشة



خلاص خلصنا ، يالله وخر ورح إستمتع بأبنتو القديد .

وعلى شان أحفظ الحقوق ﻷصحابها ، تراني أخذت الصور والشرح الخاص بالتحديث على طريق GUI من هالمواقع






طريقة التحديث عن طريق ال Command Line

ملاحظة : راسي مصدع ولا لي خلق أشرح وش معنى هالأمر أو هالأمر ، إذا إنت منت فاهم وش هالأمر ، إسئلني وأجاوبك

<< أخلاقه سياحية .

إدخل Root على التيرمنال وأكتب هالكوماند :


نفذ هالكوماند :

ثم آخر كوماند :

خلاص خلصنا ، إنتظر لين ما يخلص التحديث .

أتمنى إنو أحد إستفاد

أطيب تحية ، جريس بن عبدالعزيز .