إعـــــــلان

تقليص
لا يوجد إعلان حتى الآن.

حرام ... لماذا كل هذه الصعوبات فى التثبت

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حرام ... لماذا كل هذه الصعوبات فى التثبت

    انا كنت استخدم لينكس اوبنتو
    اعتقد ان اللينكس ليس بديل للوندوز
    كل شئ فيه بتخذ مسارات الصعوبه
    فى الأول الناس قالت لازم نستخدم الأوامر علشان التثبيت وبعدها الناس قالت فيه حاجه أسمها مكتبات علشان البرامج تتثبت ـ ومن الواضح ان البرامج مينفعش اثبتها الا فى وجود نت او فى حالة وجود المكتبات وشغل وجع الدماغ ( مصيبه كبيره ) انا من ساعت لما ثبت النسخه لغاية دلوقتى مش عارف اشغل اغنيه mp3 .... الخ
    ده غير انى بقالى اكتر من 3 شهور مش عارف اشغل النت عليه علشان انا عندى مودم adsl usb modem speed touch 330 ولما دورت على النت موصلتش لحاجه وكل اللى وصلتله مواقع بالإنجليزى حاولت اعمل اللى مكتوب فيها مجبش نتيجه ومحدش عارف الحل .. ده غير ان فيه ناس كانت بتقولى غير المودوم واشتغل على كارت شبكه ( ده طبعاً معناه ان اللينكس ضعيف ) ومعتقدش ان حد قابل مشاكل زى ديه فى الوندوز ( الوندوز مرن جداً فى التعامل معاه عكس اللبنكس )

    ممكن واحد عاقل يقولى ليه كل اللف والدوران ده
    ميكروسوفت قولتو عليها محتكره المستخدم ومن كلامكم قولتو ان وندوز نظام فاشل
    وانا احب اقول ان وندوز نظام انجح من لينكس الف مره ومش معقد بدليل ان النسبه الأكبر فى العالم بتستخدمه وبالنسبه للكلام اللى بتقوله عن الفيروسات وظهور الجهاز امام الهاكر بسهوله ده طبيعى علشان وندوز هيه النظام السائد فى العالم ـ تطوير وندوز على حد علمى بيتم فى نظام اما اللينكس يتم تطويره بالفوضى والأراء المختلفه فى حل مشاكله مما يشتت المستخدم يعنى (اوسخ من الأحتكار) .
    الدعم الفنى فى وندوز اقوى الأف المرات عن لينكس .
    كل اللى طالبه فى الموضوع ده

    واحد من اللى اشتغلو على لينكس وشايف انه نظام ناجح بحل بعض المشاكل اللى انا زكرتها
    وعايز رد على ( ليه الف والدوران اللى موجود فى اللينكس ) ( ليه لينكس ميكونش سهل فى التعامل وبسيط زى الوندوز )

    وأخيراً : وندوز يستطيع التعامل معها المبتدأ والمحترف المنزلى او العملى ــــ اما لينكس المحترف فقط والعملى فقط .
    .... THINK ... LINUX OR windows ....

  • #2
    السلام عليكم

    هدى أعصابك بس .. كل سنة و انت طيب الأول

    متنساش إن لينكس نظام تشغيل مجانى .. و لا هو يعنى عشان ينفع تجيب فيستا من ع الرصيف قدام أى سينما ب 5 جنيه يبقى المفروض تهمل عامل السعر

    تانى حاجة .. سواء ويندوز و لا لينكس و لا أى نظام ... حياتنا بشكل رئيسى دلوقتى بقت معتمدة على الانترنت .. يعنى أنا فاكر فى الأيام الأخيرة لاستخدامى ويندوز كنت بسيب الجهاز و أقوم لما النت بيكون فاصل .. فموضوع النت 24 ساعة مبقاش رفاهية .. و أعتقد إنه رخص كتير فى مصر لو ساكن فيها

    لو عايز تشغل ملفات mp3 أو أى نوع تانى و انت بتستخدم أوبنتو 7.04 أو 7.10 .. كفاية إنك تدوس على الملف عشان تشغله و هو هيطلعلك رسالة يدور فيها على الكوديكس بتاعة mp3 و الملف يشتغل مع حضرتك
    و اوعى تفتكر إن برامج الملتيمديا فى لينكس أقل من ويندوز .. بعد ما تشغل الملف اللى انت عايزه .. جرب rythmbox, banshee, amarok, mplayer, vlc

    و بنفس طريقة الحصول على الكوديكس بتاعة mp3 ممكن برضه تحصل على rm, wma , ...... و كوديكس الفيديو

    بالنسبة لموضوع التعريفات .. خللينا نتفق ان التعريفات حظوظ .. و لو مكانش حالفنى الخظ و لقيت مكونات جهازى كلها شغالة على لينكس زى ما أنا عايزها كنت شلته من زمان و كنت رجعت للويندوز

    فى نفس الوقت برضه .. متسمعش لكلام الناس اللى تقوللك ارمى الجهاز ده و هات واحد تانى ... يعنى ايه ترمى قطعة hardware عشان خاطر software ؟ و هو ده سبب ضعف انتشار الفيستا لو متابع .. المهم

    لما تعمل بحث عشان حاجة لازم تكون صبور يعنى اوصل للصفحة 6 ولا 7 فى جووجل و لو عندك وفت للى بعدها يبقى خير و بركة

    أنا عشان ألاقى طريقة للمودم بتاعك كتبت اسمه فى جووجل و جنبه ubuntu

    طلعتلى شوية نتائج يارب تكون مفيدة بالنسبة ليك

    http://ubuntuforums.org/showthread.php?t=445701
    http://www.squeezedonkey.com/wiki/li...itle=Main_Page
    http://www.linux-usb.org/SpeedTouch/ubuntu/index.html

    و إن شاء الله الإخوان يفيدوك أكثر

    وأخيراً : وندوز يستطيع التعامل معها المبتدأ والمحترف المنزلى او العملى ــــ اما لينكس المحترف فقط والعملى فقط .
    كلام حضرتك صحيح .. لكن انت بتسمى نفسك ليه مبتدىء !!! ؟
    و حتى لو مبتدىء .. ايه المانع إنك تبقى محترف .. و بدل ما تعرف ويندوز بس تعرف بديل ممتاز ليه
    ويندوز يا سيدى الفاضل هو استثمار للتخلف و التبعية اللى الناس عايزانا ننام فيها ... بس عشان مبحبش أتكلم فى السياسة !

    كلمة أخيرة : لما تشتغل على لينكس انسى ويندوز خالص .. و اتخيل كأن الجهاز مفيهوش غير لينكس و مفيش امكانية حتى تسطب ويندوز .. ده هيدفعك إنك تحل مشاكلك بسرعة

    و المنتدى موجود تحت أمرك و الشباب فيه (ما بيقصروا)

    أنا كواحد من المستخدمين من أول ما استخدمت لينكس مفيش مشكلة قابلتنى إلا لما دورت و حليتها .. لحد ما وصلت النظام إنه يشتغل بالنسبة لى زى ويندوز و أحسن كمان .. لكن لو عايز حاجة take away فلحسن الحظ ويندوز موجود

    دمت

    تعليق


    • #3
      سلام

      هل النضام يرا المودم

      جرب الامر

      lsusb
      لابد ان نسأل لماذا......
      لابد ان نبحث عن أجوبة.....
      لابد ان تكون متوافقة مع العقل و الواقع.....
      الحمد لله الذي منحنا هذه النعم.

      تعليق


      • #4
        حمل الملف هاد وعمله سيت اب وشوف النتيجه

        http://www.squeezedonkey.com/svn/lin...untu1_i386.deb
        ما عاش الا المجنون وما مات الا العاقل

        ما ضحك الا المسطول وما زعل الا الفاهم
        عيش حياتك جنون بجنون

        تعليق


        • #5
          يا شباب بلاش تريقة على الراجل لو سمحتم

          أنا متفهم موقفه ... ساعات الواحد بيشوف مشاكل و بيتخيل إنها نهاية العالم .. و ياما عدت على كل واحد فينا لحظات زى كده

          ياريت تعدلوا ردودكم .. المفروض تبقى ردودكم إيجابية عن كده .. اللى يرد يبقى عايز يساعد

          أو متردوش !

          تعليق


          • #6
            المشاركة الأصلية بواسطة محمد عباس مشاهدة المشاركة

            لو عايز تشغل ملفات mp3 أو أى نوع تانى و انت بتستخدم أوبنتو 7.04 أو 7.10 .. كفاية إنك تدوس على الملف عشان تشغله و هو هيطلعلك رسالة يدور فيها على الكوديكس بتاعة mp3 و الملف يشتغل مع حضرتك
            و اوعى تفتكر إن برامج الملتيمديا فى لينكس أقل من ويندوز .. بعد ما تشغل الملف اللى انت عايزه .. جرب rythmbox, banshee, amarok, mplayer, vlc

            و بنفس طريقة الحصول على الكوديكس بتاعة mp3 ممكن برضه تحصل على rm, wma , ...... و كوديكس الفيديو
            اشكرك الأول على أهتمامك الجميل بالمشكله
            وأحب أقولك انا عارف ان البرامج بتدور على كودك لل mp3 بس بيحتاجها من على النت ده اللى مجننى

            المشاركة الأصلية بواسطة محمد عباس مشاهدة المشاركة

            فى نفس الوقت برضه .. متسمعش لكلام الناس اللى تقوللك ارمى الجهاز ده و هات واحد تانى ... يعنى ايه ترمى قطعة hardware عشان خاطر software ؟ و هو ده سبب ضعف انتشار الفيستا لو متابع .. المهم
            بس للأسف فيه ناس قالت كده .

            المشاركة الأصلية بواسطة محمد عباس مشاهدة المشاركة
            لما تعمل بحث عشان حاجة لازم تكون صبور يعنى اوصل للصفحة 6 ولا 7 فى جووجل و لو عندك وفت للى بعدها يبقى خير و بركة
            ده شئ أساساى , انا الاول لما كنت بدور فى جوجل كنت بشوف اول صفحه بس ولكن لما لاقيت المشاكل كبرت دخلت لغاية صفحه 20 مش لغاية 7 .

            المشاركة الأصلية بواسطة محمد عباس مشاهدة المشاركة

            أنا عشان ألاقى طريقة للمودم بتاعك كتبت اسمه فى جووجل و جنبه ubuntu


            طلعتلى شوية نتائج يارب تكون مفيدة بالنسبة ليك

            http://ubuntuforums.org/showthread.php?t=445701
            http://www.squeezedonkey.com/wiki/li...itle=Main_Page
            http://www.linux-usb.org/SpeedTouch/ubuntu/index.html

            و إن شاء الله الإخوان يفيدوك أكثر
            أشكرك على المساعده لكن انت مجرد بحثت فقط هل جربت اى من النتائج للأسف كل لما اتدقم خطوه ارجع 10 ,, كل موقع كان بيقولى طريقه شكل وانسى الأولنيه .

            المشاركة الأصلية بواسطة محمد عباس مشاهدة المشاركة

            كلام حضرتك صحيح .. لكن انت بتسمى نفسك ليه مبتدىء !!
            و حتى لو مبتدىء .. ايه المانع إنك تبقى محترف .. و بدل ما تعرف ويندوز بس تعرف بديل ممتاز ليه
            بس انا مش مبتدأ للدرجه اللى فى دماغك انا قبل لما اشغل على الأوبنتو اشتغلت على redhat < suse > fedora < college
            يعنى مكنتش بسكت كنت بدور وبحاول لكن مش لاقى مساعده .

            المشاركة الأصلية بواسطة محمد عباس مشاهدة المشاركة

            كلمة أخيرة : لما تشتغل على لينكس انسى ويندوز خالص .. و اتخيل كأن الجهاز مفيهوش غير لينكس و مفيش امكانية حتى تسطب ويندوز .. ده هيدفعك إنك تحل مشاكلك بسرعة

            و المنتدى موجود تحت أمرك و الشباب فيه (ما بيقصروا)
            حاولت اعمل كده علشان احل المشاكل مثلاً فى البرامج بحتاج النت على الأقل علشان انزل المكتبات فى البرامج , تقدر تقولى هل فيه بديل لحاجه زى كده ,, انا عرفت اللينكس لوحدى وحاولت اتعلمه لوحدى من غير كتب ولا نت ولا مساعده لكن كل لما احل واحده تطلعلى 10 وانا متأكد ان اللى زيك فى المنتدى هما اللى عايزين يساعدو بجد ( مشكور )

            المشاركة الأصلية بواسطة محمد عباس مشاهدة المشاركة

            أنا كواحد من المستخدمين من أول ما استخدمت لينكس مفيش مشكلة قابلتنى إلا لما دورت و حليتها .. لحد ما وصلت النظام إنه يشتغل بالنسبة لى زى ويندوز و أحسن كمان .. لكن لو عايز حاجة take away فلحسن الحظ ويندوز موجود
            ياربت يحصلى كده انا كمان ,, وعلى فكره انا عرفت اللينكس عن قوته وفى نفس الوقت عرفت الوندوز لبساطه
            اشكرك على الأهتمام وياريت كل الناس زايك
            اشكرك لأنك ادتنى أمل فى إعادة المحاولة مره أخرى
            ألف شكر أخى محمد عباس
            .... THINK ... LINUX OR windows ....

            تعليق


            • #7
              المشاركة الأصلية بواسطة tux مشاهدة المشاركة
              سلام

              هل النضام يرا المودم

              جرب الامر

              lsusb
              جربت الامر وبالفعل المودم متعرف وظهر اسمه داخل الترمنال

              وهذه هى النتيجه
              [email protected]:/home/khaled# lsusb
              Bus 001 Device 002: ID 06b9:4061 Alcatel Telecom SpeedTouch ISDN or ADSL Modem
              Bus 001 Device 001: ID 0000:0000
              [email protected]:/home/khaled#
              .... THINK ... LINUX OR windows ....

              تعليق


              • #8
                المشاركة الأصلية بواسطة T-FoRCE مشاهدة المشاركة
                حمل الملف هاد وعمله سيت اب وشوف النتيجه

                http://www.squeezedonkey.com/svn/lin...untu1_i386.deb
                اشكرك على مساعدتك الجميله

                انظر الى هذا عند التشغيل

                [email protected]:/home/khaled# usbadslmodemmanager
                USB Adsl Modem Manager V0.5.2 (2007/12/21 04:50:53)
                Root is /usr/share/apps/usbadslmodemmanager
                about to load path : /usr/share/apps/usbadslmodemmanager/data/langs.xml
                xmllangs: XML file succesfully parsed
                Language selected is : English
                The New Firmware has been installed
                Please unplug, then re-plug in the Modem
                Status Started
                checking : ps -ef | grep "pyt[h]on ./USBAdslModemManager.py"
                Updating Status!
                DET : Firmware not Found
                DET : Modem Found : awk: cannot open /proc/bus/usb/devices (No such file or directory)
                Traceback (most recent call last):
                File "./USBAdslModemManager.py", line 727, in updateStatus
                self.lastStatusString = self.statusMonitor.updateStatus()
                File "/usr/lib/usbadslmodemmanager/USBAdslModemStatus.py", line 73, in updateStatus
                self.status_modemIdAsInt = float( self.status_modemId);
                ValueError: invalid literal for float(): awk: cannot open /proc/bus/usb/devices (No such file or directory)

                من الواضح ان البرنامج رائع لكن مش عارف اشغله
                اعمل ايه فى المشكله ديه ؟

                بعد عدد من الساعات من هذه المشاركه تمكنت من تشغيل النت
                وذلك عن طريق البحث عن اسم البرنامج اللى انت قولتلى عليه على جوجل
                نزلت اصداره أحدث من اللى نزلتها الاول وشبك معايه تمام
                ولكن المشكله انه مش شغال على كل حاجه فى الجهاز زى الباكيج مثلاً يدوب انا فاتح الأيميل والفايرفوكس بس
                عايز اخلى النت يشتغل على كل حاجه ازاى ؟
                الف شكر ياأستاذ
                التعديل الأخير تم بواسطة kahled15486; الساعة 22-12-2007, 12:55 PM. سبب آخر: اشكرك لاقيت الحل للنت
                .... THINK ... LINUX OR windows ....

                تعليق


                • #9
                  المشاركة الأصلية بواسطة محمد عباس مشاهدة المشاركة
                  يا شباب بلاش تريقة على الراجل لو سمحتم

                  أنا متفهم موقفه ... ساعات الواحد بيشوف مشاكل و بيتخيل إنها نهاية العالم .. و ياما عدت على كل واحد فينا لحظات زى كده

                  ياريت تعدلوا ردودكم .. المفروض تبقى ردودكم إيجابية عن كده .. اللى يرد يبقى عايز يساعد

                  أو متردوش !
                  متشكر يامحمد
                  وربنا يوفقك
                  .... THINK ... LINUX OR windows ....

                  تعليق


                  • #10
                    الناس الظريفه الي بتتريق و تقول ارجع لل windows

                    تسكت احسن:fight: :fight2:

                    و الناس الي بتقدم مساعده تقدمها للاخر مش تقول
                    lsusb

                    و تسكت


                    فى الأول الناس قالت لازم نستخدم الأوامر علشان التثبيت
                    علي حسب اي الي انت حتعمله install في ال Ubuntu

                    انت بدوس دابيل كليك و البرنامج بيتعمله install

                    دي ملفات ال deb

                    في ملفات زي ال rpm بتتعملها install من ال cmd line

                    بس بي نسبه 98 % انت بتستخدم برامج بدور علي الحاجه و تنزلها auto

                    زي

                    yum
                    في الريد هات

                    او
                    apt
                    في ديبيان
                    وبعدها الناس قالت فيه حاجه أسمها مكتبات علشان البرامج تتثبت
                    دا انت مش تستخدمه لو انت عاندك نت

                    modem speed touch 330
                    بص نزل kernel جديد و دور علي الدريفر دا جواه

                    ممكن تلقيه بنسبه 90 %

                    نصيحه ابعد عن Ubuntu

                    بدام معندكش نت دلوقتي او مش عارف تشغله

                    دا رأيي

                    حاجه كمان

                    انا اول نسخه Linux استخدمتها suse 10 rc

                    كان طلب مني اداخل الروت بارتشن

                    كنت بكتب له D:\

                    تعليق


                    • #11
                      المشاركة الأصلية بواسطة Dj.r4iDeN مشاهدة المشاركة
                      الناس الظريفه الي بتتريق و تقول ارجع لل windows

                      تسكت احسن:fight: :fight2:

                      و الناس الي بتقدم مساعده تقدمها للاخر مش تقول
                      lsusb

                      و تسكت




                      علي حسب اي الي انت حتعمله install في ال Ubuntu

                      انت بدوس دابيل كليك و البرنامج بيتعمله install

                      دي ملفات ال deb

                      في ملفات زي ال rpm بتتعملها install من ال cmd line

                      بس بي نسبه 98 % انت بتستخدم برامج بدور علي الحاجه و تنزلها auto

                      زي

                      yum
                      في الريد هات

                      او
                      apt
                      في ديبيان


                      دا انت مش تستخدمه لو انت عاندك نت



                      بص نزل kernel جديد و دور علي الدريفر دا جواه

                      ممكن تلقيه بنسبه 90 %

                      نصيحه ابعد عن Ubuntu

                      بدام معندكش نت دلوقتي او مش عارف تشغله

                      دا رأيي

                      حاجه كمان

                      انا اول نسخه Linux استخدمتها suse 10 rc

                      كان طلب مني اداخل الروت بارتشن

                      كنت بكتب له D:\
                      افهم من كلامك ان اللينكس ميشتغلش بكفاءه الا فى وجود نت
                      .... THINK ... LINUX OR windows ....

                      تعليق


                      • #12
                        الانترنت ضروري لازم ترجع له في كل الاوقات

                        لكن اذا كنت محتاج توزيعة ما تطلب مكتبات كثيرة

                        خذ لك اي توزيعة على Dvd

                        تعليق


                        • #13
                          النسخه دي بتعتمد علي النت اكتر

                          تعليق


                          • #14
                            المشاركة الأصلية بواسطة geo_saleh مشاهدة المشاركة
                            الانترنت ضروري لازم ترجع له في كل الاوقات

                            لكن اذا كنت محتاج توزيعة ما تطلب مكتبات كثيرة

                            خذ لك اي توزيعة على Dvd
                            اشكرك اخى العزيز على الاهتمام ولكن
                            ممكن تحللى المشكله بتاعت النت اسهل
                            انا عرفت اشغل المودم ببرنامج usb adsl modem managr
                            لكن النت مش نشط على كل حاجه وبالأخص الباكيج
                            يعنى تصفح ودون لود فقط بدون إرتباطه بالبرامج اللى على الجهاز
                            ولكم الشكر
                            .... THINK ... LINUX OR windows ....

                            تعليق


                            • #15
                              الاعضاء الل بتتريق وتثبط الهمم سيتم عرض هذا الرد على الادارة

                              فالمنتدى للتعلم وليس للسخرية او الاستهزاء

                              وكل منا قد قابل الكثير في طريقه لتعلم اللينوكس

                              ولم نولد اساتذة

                              وخبراء
                              ما هى افضل الطرق لنشر واستخدام اللينوكس ؟
                              ا- أبو عبد الله

                              تعليق

                              يعمل...
                              X