إعـــــــلان

تقليص
لا يوجد إعلان حتى الآن.

تجربتي مع ماسنجر Kmess :)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجربتي مع ماسنجر Kmess :)


    السلام عليكم و رحمة الله و بركاته

    من شوية كنت بدور على ماسنجر بيدعم الايموشنز - الوجوه التعبيرية - الخارجية كنت جربت كذا حاجة اقصى ما توصلت اليه اني اقدر اشوف الايموشن اللي بعته الشخص اللي بكلمه ,,, يعني انا مقدرش ابعت ايموشن ,,,

    قولت اخدلي جوله كدا في برامج الماسنجر يمكن الاقي حاجة جديدة ,,

    طبعا بيدجين " Pidgin "زي ما هو ,,, و كوبت " على طول بيعمل كراش " crash " و زي ما هو ,,

    جربت اميسن " Emesene " برده مفيش جديد ,,, قراءة فقط ,,

    برده جربت ايه ام اس ان " amsn " ,,, لقتيه مش بيدعم العربي اصلا

    قولت اجرب كيه ميس " KMess " اشتغل تمام قراءة و كتابه ,, ^_^

    يعني اقدر اشوف الايموشن من الشخص اللي بكلمه ,,, و اقدر ابعتله ايموشنز خارجيه مش الاساسية ,,

    طيب طالما هو كويس اوي كدا ايه المشكلة ؟؟

    المشكلة ان الاعدادت مش راضيه تتحفظ !! ,,

    معنديش فكره عن السبب بس اتوقع لان البرنامج معد اساساً عشان يشتغل على الواجه كدي "KDE " ,,, فمش بيعرف يحفظ الاعدادات ,,,

    يعني مثلا نوع الخط و اسمه و حجمه ,,, و استايل البرنامج ,, و اظهار و اخفاء الاشخاص غير المتصلين ,, كل ما اغير حاجة بمجرد ما اقفل الماسنجر و افتحه تاني كل حاجة ترجع للشكل الافتراضي بتاعها ,,

    قولت اعمل تجربه كدا ,, بما ان الحاجات دي من الاعدادات غالباً البرنامج بيحفظها في ملف نصي ,, فانا هعدل على الملف ده بحيث يكون هو الافتراضي ,,

    المهم الاقي الملف ده فين ,,

    طبعا الواحد لسه ميعرفش ايه تقسيم الملفات في الجنو / لينوكس ,,, يعني يا دوب اعرف الحاجات الاساسية ,, يعني الهوم " home " ده بيكون زي البروفايل بتاع المستخدم ,,

    و etc بتاع ملفات الاعدادت ,,, و فولدر usr بيكون فيه البرامج نفسها ,, و كدا يعني ,,, بس فولدر usr ده متشعب اوي مش عارف اوله من اخره ,,,

    المهم يعني ,,

    فتحت مدير الحزم "synaptic " ,,, و عملت بحث على البرنامج طبعا بعد ما ستبطه عشان اشوف ملفاته نزلت فين ,,



    المهم ,,, شوفت الملفات المهمه ,, و دخلت على مكانها يمكن الاقي حاجة مفيدة ,,

    ملقتش ,,

    قولت اشوف الموقع الرسمي للبرنامج يمكن لاقي حاجة و بعدين اروح على جوجيل ,,, و انا بتصفح الموقع لقيته بقول على مكان الاموشنز الاضافية ,,, كان في المسار ده ,,,

    كود:
    ~/.kde/share/emoticons
    لقيت فولدر اسمه config ,,, في المسار الاساسي ,,

    كود:
    ~/.kde/share
    دخلت عليه و لقيت الملف المطلوب ,, و اسمه " kmessrc " ,,,

    فتحته في محرر النصوص Gedit ,,, و عدلت القيم زي ,,

    chatStyle - استايل المحادثه

    contactfontfamily - نوع خط المتصلين

    contactfontpointsize - خطي انا

    showOfflineContacts - اظهار الاشخاص غير المتصلين - خليتها false -

    notification - وقت اظهار التنبيه ,,, الخاص بدخول او خروج المستخدم مثلا ,, - خليتها 5 ثواني بدل ما كانت 10 ثواني -

    و شوية حاجات تانية كدا ,,, و طبعا كل واحد زي ما يفضل الماسنجر بتاعه عامل ازاي

    ******

    طيب بالاضافة لاني قدرت اعدل على اعدادت الماسنجر استفدت حاجات تانية ,, مثلا :

    1 : ان اعدادات برامج للواجه كدي " KDE " هتكون موجوده تحت المسار " ~/.kde "

    2 : ان البرنامج بيحفظ الباسورد في شكل نص غير مشفر "clear text " ,,, يعني كل واحد يخلي باله عشان كدا اي حد ممكن يعرف الباسورد

    3 : فهمت نظام الملفات في اللينوكس اكتر ,,,

    **************

    الماسنجر شغال كويس ,,, و خفيف الا حد ما - بيستهلك حوالي 24 ميجا من الرامات - ,, مش زي برنامج ايمسن " Emesene " - المتوسط 30 ميجا او 35 - ,,,

    بس برنامج كيه ميس بيهنج في الاول شوية لما يعمل استيراد لقائمة المتصلين بعد كدا بيكون كويس ,,

    *************

    و للناس اللي تحب تنزل كيه مس ,,,

    كود:
    sudo apt-get install kmess
    انا حبيت اشاركم في اي حاجة بجربها او اي فكرة شايف انها مفيدة ,,,, و بس كدا ^_^

    كتاب أوبنتو ببساطة: http://www.simplyubuntu.com
    ابدأ مع النظام الرائع أوبنتو لينُكس الآن!

  • #2
    الله يعينك على خطوط اﻷبونتو ، اللي أنت مثبتها ، شكلها متعبة جدا

    ماقلت لنا كيف العربي في kmess ?
    براءة:
    إن سطام لا يضمن صحة و لا دقة ما يكتب ، بل هو إلى الخطأ أقرب منه للصواب ، فدقق و لا تسلّم .
    @ksatux

    تعليق


    • #3
      المشاركة الأصلية بواسطة سطام مشاهدة المشاركة
      الله يعينك على خطوط اﻷبونتو ، اللي أنت مثبتها ، شكلها متعبة جدا

      ماقلت لنا كيف العربي في kmess ?
      مالها الخطوط ؟ ,,, دي جميلة خالص ,,, او زي ما بنقول في مصر " روشه " :thumpsup_green:

      **************

      العربي شغال تمام ,,, 100 100 ,,, مفيش مشاكل خالص - لحد دلوقتي -
      كتاب أوبنتو ببساطة: http://www.simplyubuntu.com
      ابدأ مع النظام الرائع أوبنتو لينُكس الآن!

      تعليق


      • #4
        تم التنزيل
        .... محتاج اجربة كم يوم و نقرر ايهم الافضل.
        تشكر على كل حال
        (Life Dream سابقاً)
        مستخدم لجنو/لينوكس( منذ 17 رمضان 1427)
        اوبنتوا في جهازي المحمول Sony Vaio S

        تعليق


        • #5
          شكرا أخوي على وضع تجربتك ليستفيد منها الجميع
          وان شاء الله أجربه قريبا...

          تعليق


          • #6
            ياهلا وغلا بالغالي / Skeleton_Eel

            ع فكره الخطوط عندك اعمت عيوني خخخخخخ

            اشكرك على التجربه للبرنامج ... ووضع تجربتك معاه ..

            وانا افضل الرائع " Pidgin "

            دمت بخير خيوو

            Twitter
            : @Linux4SA

            تعليق


            • #7
              بسم الله الرحمان الرحيم

              هل يمكن من خلاله عمل دردشة صوتية
              و هل يمكن تعمل بيه تنبيه
              سبحان الله و بحمده سبحان الله العظيم

              تعليق


              • #8
                أخى الكريم هل يدعم الكاميرا ؟؟
                http://www.doctorharddisk.com

                تعليق


                • #9
                  تقريبا لأ ,,,, مفهوش امكانية عمل محادثة صوتية او فيديو ,,

                  بس مش متأكد ,,

                  و فيه تنبيه " nudge "

                  على العموم جربوه هيعجبكم ,,
                  كتاب أوبنتو ببساطة: http://www.simplyubuntu.com
                  ابدأ مع النظام الرائع أوبنتو لينُكس الآن!

                  تعليق


                  • #10
                    أخي جربت تتصل عن طريق بروكسي؟ أصل الpidgin ما يشتغل عن طريق بروكسي ونحنا مجبورين على الاتصال عن طريقه
                    ومن علم - رحمك الله - أن كلامه من عمله قلَّ إلا فيما ينفعه ومن أيقن أنه مسؤولٌ عما ألف وعما كتب لم يعمل الشيء وضدّه ولم يستفرغ مجهوده في تثبيت الباطل عنده وأنشدني الرِّياشي: ولا تكتب بخطك غير شيء ... يَسرك في القيامة أن تراه. [ابن قتيبة]

                    تعليق


                    • #11
                      بسم الله الرحمان الرحيم

                      المشاركة الأصلية بواسطة ChArLoK_16 مشاهدة المشاركة
                      أخي جربت تتصل عن طريق بروكسي؟ أصل الpidgin ما يشتغل عن طريق بروكسي ونحنا مجبورين على الاتصال عن طريقه
                      ما علاقة البروكسي؟؟
                      سبحان الله و بحمده سبحان الله العظيم

                      تعليق


                      • #12
                        جرب هذا يقبل السمايلات واضافتها
                        http://www.linuxy.net/blog/?p=31

                        تعليق


                        • #13
                          برنامج kmees
                          برنامج اكثر من رائع
                          انا استخدمه من 4 ايام ولم تظهر معي اي مشكلة مع واجهة كيدي
                          حتى اني كنت مفكر اكتب عنه موضوع
                          من يريد توزيعات لينكس انا في الخدمة - سوريا - محافظة درعا
                          [email protected]

                          تعليق


                          • #14
                            ما علاقة البروكسي؟؟
                            يا حبيبي نحن مجبرين على استخدام بروكسي وعلى منفذ 3128
                            ولذلك جربت الاتصال في pidgin بعد تعديل إعدادات البروكسي فلم يفلح بالاتصال مع أن Yahoo Messanger في ويندوز يعمل عن طريق البروكسي بشكل جيد
                            ومن علم - رحمك الله - أن كلامه من عمله قلَّ إلا فيما ينفعه ومن أيقن أنه مسؤولٌ عما ألف وعما كتب لم يعمل الشيء وضدّه ولم يستفرغ مجهوده في تثبيت الباطل عنده وأنشدني الرِّياشي: ولا تكتب بخطك غير شيء ... يَسرك في القيامة أن تراه. [ابن قتيبة]

                            تعليق


                            • #15
                              بسم الله الرحمان الرحيم

                              المشاركة الأصلية بواسطة ChArLoK_16 مشاهدة المشاركة
                              يا حبيبي نحن مجبرين على استخدام بروكسي وعلى منفذ 3128
                              ولذلك جربت الاتصال في pidgin بعد تعديل إعدادات البروكسي فلم يفلح بالاتصال مع أن Yahoo Messanger في ويندوز يعمل عن طريق البروكسي بشكل جيد
                              هل تقصد في سوريا ؟
                              و هل يدعم الدردشة الصوتية؟
                              سبحان الله و بحمده سبحان الله العظيم

                              تعليق

                              يعمل...
                              X