إعـــــــلان

تقليص
لا يوجد إعلان حتى الآن.

ما مدى امكانية الاعتماد على جنو / لينوكس في المؤسسات الخاصة !!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ما مدى امكانية الاعتماد على جنو / لينوكس في المؤسسات الخاصة !!


    السلام عليكم و رحمة الله و بركاته ,.,

    نظرا لاني حاليا في سيبر كافيه ,, و برده نظرا لان الشهرين دول فترة امتحانات و مذاكرة ,, هكتب الموضوع باختصار شوية ,,

    و اسف جدا ان الموضوع باللهجة العامية ,, و انه مش منسق كويس ,, بس اتمنى ان كل واحد يقرأ الموضوع بتمعن

    و الكلام مش على اللينوكس بس ,, لأ ده على البرامج الحرة المصدر برده ,, بس هتكلم على اللينوكس بشكل اساسي

    الموضوع باختصار ,..,

    طالما ان استخدام الـ جنو / لينوكس في الجهات الحكومية و المؤسسات العامة مفقود فيه الامل ,.,. يبقى علينا - كمستخدمين و داعمين للنظام - اننا نتجه للمؤسسات الخاصة ,, و نشوف مدى امكانية استخدام النظام في المؤسسات دي ,

    يعني مش هننتظر الجهات الحكومية لحد ما تبدأ تستعمل اللينوكس ,, و بالتالي المؤسسات الخاصة تعمل زيها ,,

    لأ احنا عاوزين نبدأ من دلوقتي ,, لان كدا كدا المؤسسات الحكومية مش هنقدر نأثر عليها ,, يبقى خلينا مع المؤسسات الخاصة ,,

    طيب ايه المحاور الاساسية للحث على استخدام اللينوكس ؟؟

    اولا : ناحية الحرية ,,
    ثانيا : الناحية الاقتصادية - و دي بيتفرع عنها كذا حاجة -
    ثالثا : الناحية الامنية ,,

    طيب بالنسبة للمؤسسات الخاصة معتقدش ان موضوع الحرية ده هيفرق معاهم كتير ,, فخلوه على جنب شوية كدا ,

    الناحية الاقتصادية,
    اعتقد ان اغلب المؤسسات الخاصة - وبالذات المؤسسات الانتاجية - اكتر حاجة تغريهم الناحية الاقتصادية ,,

    اولا هيوفر تمن انظمة الوندوز

    على حسب ما افتكر يعني ,, ان نسخة الاكس بي دلوقتي بـ 140 دولار - مش متأكد بالظبط ,, لو حد يعرف الرقم بالظبط يا ريت يصححلي - و مش هتكلم على الفيستا ,, خلينا مع الاكس بي دلوقتي ,,

    يعني لو مؤسسة متوسطة على الاقل هيكون عندها 10 اجهزة ,, يعني 140 * 10 = 1400 دولار ,

    و اغلب المؤسسات برده بتستخدم ميكروسوفت اوفيس - معنديش فكرة عن سعره بس اعتقد انه بـ 120 دولار - ,, و هنتكلم على اوفيس 2003 مش اخر اصدار اللي هو 2007 ,,

    120 * 10 = 1200 دولار ,,

    يعني هيوفر تقريبا حوالي 2600 دولار - شوف بالعملة المحلية ده يساوي كام !! -

    انا عارف ان في ناس هتقولي ان حقوق الملكية عندنا في الوطن العربي مش قوية اوي ,, و مش بيتم تطبيق القانون كويس ,,

    بس اغلب المؤسسات الانتاجية بيتطبق عليها القانون بصورة كويسة ,, و هو ما يعرف بشرطة المصنفات ,,

    يعني لو هو مش بيدفع اصلا تمن النسخ دي ,, هيستيح من وجع دماغ بتاع المصنفات ,, و مش هيلاقي كل شوية واحد من بتاع المصنفات عنده ,, و يديله رشوة !!

    برده ان عاجلا او اجلا الدعم هيتشال عن الاكس بي ,, و هيضطر ينتقل للفيستا ,, و بالتالي هيدفع تمن اعلى لنسخة الفيستا ,, بالاضافة لانه لازم يحدث الهارد وير بتاع الجهاز عشان يقدر يشغل عليه الفيستا كويس ,,

    **********

    المهم يعني ,,

    دلوقتي ايه المؤسسات اللي نقدر نعرض عليها استخدام جنو / لينوكس ,,

    1 : الشركات ,,
    2 : المؤسسات الخيرية
    3 : المدارس الخاصة و اللغات
    4 : المطاعم و السنترالات و مشروعات الصغيرة

    اغلب الشركات المتوسطة مش هتحتاج اكتر من الاوفيس ,,

    المدارس هنركز على البرامج التعليمية ,, و اللينوكس ما شاء الله مغطي الحته دي كويس ,,

    المطاعم و السنترالات هتحتاج برامج متخصصة ,, و لو مجموعة من المبرمجين اجتمعوا و عملوا برنامج نسخة طبق الاصل من البرامج المستخدمة في المجال ده على الوندوز يبقى حققنا انجاز فعلا ,, و بصراحة لما شوفت المشروع بتاع الاخ " SudaNix " نفسي اتفتحت جدا و شايف ان الموضوع مش صعب ابدا اننا نجتمع و نعمل بديل بسيط و قوي في نفس الوقت ,, للناس اللي مشافتش الموضوع بتاع اخونا سودانكس ,, " نظام حسابات "مخصص" ،، "

    ****

    الوقت خلص ,, و لازم اقوم دلوقتي ,, هاجي اكمل على بليل كدا ان شاء الله ,,



    كتاب أوبنتو ببساطة: http://www.simplyubuntu.com
    ابدأ مع النظام الرائع أوبنتو لينُكس الآن!

  • #2
    و الله الفكرة حلوة بس فى ملحوظة أنت قلت 10 أجهزة يعنى 10 موظفين بيشتغلو على نظام $window
    هتوديهم فين ؟!
    فلا بد تديهم دورة فى اللينكس أو تشفلهم حل و دى مش صعبة
    حاجة تانية احنا ممكن نعرض على كل اللى قلت عليه بس عايزين عدد المستخدمين يكثر و فكرة التوفير فكرة رائعة خصوصاً للشركات الخاصة
    و بإذن الله لى عودة

    تعليق


    • #3
      ربنا يوفقكم بإذن الله ، و لو محتاجين شركات تتولى المشاريع التى قد تنتج من هذه المحاولات او حتى توفر لكم مواد علميه و دعائيه و دراسات جدوى راسلوني على الخاص . بعد إذن إدارة الموقع طبعاً .
      My LinkedIn Profile - About me
      مدونتى
      Distro(s)= Gentoo, Fedora, Debian

      تعليق


      • #4
        المشاركة الأصلية بواسطة Skeleton_Eel مشاهدة المشاركة

        و اسف جدا ان الموضوع باللهجة العامية ,, و انه مش منسق كويس ,, بس اتمنى ان كل واحد يقرأ الموضوع بتمعن
        وعليكم السلام
        بالعكس موضوعك منسق وعادي كل واحد يحب يتكلم بلهجته العاميه خذ راحتك

        اما بالنسبه للشركات فبالامكان الاستعانه بلينكس
        اما المدارس السعوديه مناهجها كلها عن استخدام الويندوز فاظن من المستحيل يبدلون النظام الا بعد 50 سنه
        اما عن المطاعم فاظنها ترجع للتاجر
        وشكرا عالموضوع
        سبحـــان الـلـه وبحمده
        ســبــحــان الـلـه العـظـيـم

        تعليق


        • #5
          المشاركة الأصلية بواسطة shekoforever مشاهدة المشاركة
          و الله الفكرة حلوة بس فى ملحوظة أنت قلت 10 أجهزة يعنى 10 موظفين بيشتغلو على نظام $window
          هتوديهم فين ؟!
          فلا بد تديهم دورة فى اللينكس أو تشفلهم حل و دى مش صعبة
          حاجة تانية احنا ممكن نعرض على كل اللى قلت عليه بس عايزين عدد المستخدمين يكثر و فكرة التوفير فكرة رائعة خصوصاً للشركات الخاصة
          و بإذن الله لى عودة
          هذه نقطة جيدة و لاحظ أنه الموظفين من الممكن يكونوا متعودين على لينكس و تحتاج دورة (تكلف) عشان يعتادوا النظام و يحتاجوا وقت ليتعودوا على النظام و البدائل زي openoffice و هذا الوقت محسوب و زيادة إنه الناس اللي تتقدم الوظيفة ممكن يكونوا يعرفوا من اﻷول يستخدموا ويندوز و أوفيس و ليسوا محتاجين تدريب فأعد الحسبة ﻷنك إذا غيرت على لينكس تحتاج تدريب الموظفين و يكلفك التغيير ربكة مممكن أن تحصل في العمل و هذه ممكن تقلل من اﻹنتاجية على اﻷقل لفترة معينة
          سبحان الله و بحمده سبحان الله العظيم

          تعليق


          • #6

            السلام عليكم و رحمة الله و بركاته ,,

            بعد اذنكم هكمل بقية الموضوع و ان شاء الله هرد في مرة تانية

            ********

            اممممم ,, احنا وصلنا لفين ,,

            ايوه افتكرت ,, دلوقتي احنا قدامنا كذا فرع من الفروع اللي نقدر نركز عليها لنشر جنو / لينوكس بدون صعوبات كبيرة ,,

            الشركات ,,

            طبعا الشركات بتختلف حسب التخصص ,, بس اغلبهم الاعتماد على الاوفيس ,, بشكل اساسي ,, و بعض منهم بيعتمد على قواعد البيانات ,, و دول مش كتير ,,

            في الحالة الاولى مفيش مشاكل خالص ,,
            في الحالة التانية ,, الموضوع هيعتمد على نوع قاعدة البيانات اللي بيستخدموها ,, بس عندنا على اللينوكس ممكن نستعمل الاوركال و mysql ...

            المهم ,, خلوا برده موضوع الشركات ده على جنب شوية ,, لانه محتاج قعدة و هنحتاج نصنف الشركات على حسب البرامج اللي بتستخدمها ,, و خلونا نبدأ من الاسهل للاصعب

            المدارس الخاصة ,,

            لو انت في مصر - و معنديش فكرة عن بقية البلدان بس هتكلم على المدارس الخاصة في مصر بشكل اساس ,, و كل واحد ناوي شترك معنا ممكن يقولنا ايه الوضع في بلده -

            المهم ,,
            في المدارس الخاصة و اللغات بالذات ,, في شوية اهتمام بالكمبيوتر ,, و برده في اهتمام بالطلاب ,,
            احنا مش عاوزين اكتر من كدا ,,

            موضوع المدارس ده هينقسم لجزئين ,,
            الجزء الاول : عرض تنصيب نظام جنو / لينوكس في المدارس دي ,, و ده هيكون فيه نوع من التوفير الاقتصادي بالاضافة للبرامج المتميزة في الجنو / لينوكس اللي ممكن نستعملها في تعليم الطلاب ,,

            الجزء التاني : اننا نعمل ندوات في المدارس دي ,,
            نتفق مع الادارة اننا ناخد حصة على الاقل - ده اقل تقدير يعني - و نكلم الطلاب فيها عن اللينوكس و طبعا هيكون معانا لاب توب عشان يشوفوه و نعرفهم عليه ,, و ايه الممزيات اللي فيه ,,
            طبعا ده هيكون للمرحلة الاعدادية - من اولى اعدادي لـ تالته اعدادي - ,,
            ده ممكن ميكنش مثمر بشكل كبير ,, نظرا لان الطلاب في العمر ده بيحبوا الالعاب و الكلام ده ,, بس على الاقل نعرفهم ان الكمبيوتر مش يعني وندوز بس ,, دا في حاجات تانية و يمكن افضل منه

            طبعا عشان نعمل الكلام اللي فوق ده محتاجين مجموعة من الشباب مش اقل من خمسة ستة كحد ادنى ,,

            طبعا كل مجموعة هتمسك منطقة معينة و هيكون في لقاءات بين المجموعات ,, هنتقف على الموضوع ده في الاخر

            ***********************************

            الجمعيات الخيرية :

            برده في نفس النظام ,, اغلب الجمعيات الخيرة هنا في مصر بتستخدم وندوز + اوفيس ,,, يعني مصلحة جدا ,,

            حاليا تعتبر جمعية رسالة من اكبر الجمعيات الخيرية في مصر ,, ليها حوالي 15 فرع في مصر ,, و فروعها كبيرة ما شاء الله و بتستخدم عدد كبير من اجهزة الكمبيوتر و في سنتر لاعطاء دورات الكمبيوتر مجانا او برسوم رمزية للغاية ,, - انا متطوع هناك و سألت الراجل اللي ماسك اجهزة الكمبيوتر الكمبيوتر في الفرع اللي انا مشترك فيه ,, و سألته شوية اسئله عن عدد الاجهزة في الفرع ,, و عدد الاجهزة اللي متصل بالانترنت ,, و ايه الاستخدام الاساسي للاجهزة ,, و هل في سرفر و نظام قواعد بيانات و كدا ولا ﻷ ,,

            قالي على عدد الاجهزة ,, و عدد الاجهزة المتصلة بالانترنت ,, - مش فاكر العدد كام بالظبط D: - ,,, و الاستخدام الاساسي عندهم هو الاوفيس ,, - تقريبا ورد و اكسل بس - ,, و مفيش اي سرفرات او اي حاجة زي كدا ,,

            يعني دي بيئة خصبة جدا للـ جنو / لينوكس ,, هو ده عز الطلب يعني D:

            قالي انه هيقول للمدير الفني المسؤول عن الفروع كلها و يدرس مدى امكانية استخدام اللينوكس عندهم ,, و ان شاء الله على بكرة او بعده هكتبله تقرير على صفحتين كدا ولا حاجة عن مميزات اللينوكس و كمية المزايا اللي هيستفاد منها عند استخدامه للينوكس ,,

            طبعا هنحتاج نكون على الاقل 5 او 6 عشان نقدر نعرف الموظفين ازاي يتعاملوا مع النظام ,, و ازاي يستخدموا الاوبن اوفيس بكل سهولة ,,

            معلش بقى الوقت خلص برده ,, و هاجي اكمل على بكرة كدا ان شاء الله



            كتاب أوبنتو ببساطة: http://www.simplyubuntu.com
            ابدأ مع النظام الرائع أوبنتو لينُكس الآن!

            تعليق


            • #7
              أرشح سياسة الخطوه خطوه

              من واقع التجربه العمليه فإن قاعدة أن الإنسان عدو ما يجهل تنتطبق بشده على مستخدمي الحاسبات في مجتمعاتنا لذلك لن يغير المستخدمون ما إعتادو عليه بمجرد الطلب بل يجب إجبارهم عليه و لكن بهدوء حتى لا تتحول العمليه إلى صراع خاصة من جانب المستخدمين العدائين (الذي يتصيد و يفتعل المشاكل و الأخطاء)

              لهذا أقترح أن يكون منهجنا كما طبقته مع مديري في إحدى الشركات من قبل هو أن نبدأ بالتغيير خطوه خطوه (بداية يجب أن يكون المدير العام مقتنعا تماما بالفكره و متقبل و متوقع لمشاكلها و يدعمها بقوه و وضوح )

              بمعنى أن نبدل البرامج المعتاده و التي لا تعمل إلا على الويندوز بغيرها يقوم بنفس الوظيفه و لكن مفتوح المصدر أو له نسخ على اللينوكس على الأقل قبل التفكير في نقل النظام بالكامل إلى اللينوكس (مثلا المايكروسوفت أوفيس بالأوبن أوفيس) حتى يعتاد المستخدمين على إستعمال هذه البرامج في النظام الذي يعرفونه ثم تصبح هذه البرامج مألوفه و معروفه عند الإنتقال إلى اللينوكس وبالتالي لا يشعر المستخدم بصدمه كامله عند التغيير
              برامج حرة = عقول حرة
              المعرف القديم MRashad10

              تعليق


              • #8
                السلام عليكم
                هناك فكرة منتشرة عندنا في الخليج هي ان الغلاء والجودة شيئان لا ينفصلان .. وان الرخص (او في حالتنا المجانية) تعني منتجا ذا كفاءة رديئة جدا.
                اتوقع لو تم تغيير هذه الفكرة لو جزئيا نجد البيئة اخصب وافضل للينكس.
                Ubuntu افضل بداية في عالم جنو/لينوكس

                تعليق


                • #9
                  المشاركة الأصلية بواسطة MRashad10 مشاهدة المشاركة
                  من واقع التجربه العمليه فإن قاعدة أن الإنسان عدو ما يجهل تنتطبق بشده على مستخدمي الحاسبات في مجتمعاتنا لذلك لن يغير المستخدمون ما إعتادو عليه بمجرد الطلب بل يجب إجبارهم عليه و لكن بهدوء حتى لا تتحول العمليه إلى صراع خاصة من جانب المستخدمين العدائين (الذي يتصيد و يفتعل المشاكل و الأخطاء)

                  لهذا أقترح أن يكون منهجنا كما طبقته مع مديري في إحدى الشركات من قبل هو أن نبدأ بالتغيير خطوه خطوه (بداية يجب أن يكون المدير العام مقتنعا تماما بالفكره و متقبل و متوقع لمشاكلها و يدعمها بقوه و وضوح )

                  بمعنى أن نبدل البرامج المعتاده و التي لا تعمل إلا على الويندوز بغيرها يقوم بنفس الوظيفه و لكن مفتوح المصدر أو له نسخ على اللينوكس على الأقل قبل التفكير في نقل النظام بالكامل إلى اللينوكس (مثلا المايكروسوفت أوفيس بالأوبن أوفيس) حتى يعتاد المستخدمين على إستعمال هذه البرامج في النظام الذي يعرفونه ثم تصبح هذه البرامج مألوفه و معروفه عند الإنتقال إلى اللينوكس وبالتالي لا يشعر المستخدم بصدمه كامله عند التغيير
                  جيد أخبرنا ما هي المشاكل التي واجهتكم و كيف تم حلها ؟
                  سبحان الله و بحمده سبحان الله العظيم

                  تعليق


                  • #10
                    أول المشاكل كما ذكرت هي رفض التغيير و أسهل طريقه لحلها هي تحمل هذا الرفض و التعامل معه بكل هدوء - بل و تغافل عنه في بعض الأحيان - حتى لا يتحول الأمر إلى صراع كما ذكرت و بسبب هذه المشكله خاصة أكدت على و جوب الدعم و التأييد من الإدارة العليا (يمكن إقناعهم بسهولة بفكرة التوفير و لكن إقناعهم بعدم تأثر العمل بشكل كبير يكون هو المشكلة الرئيسه)

                    المشكله الثانيه هي مشكلة التوافق بين البرامج الحره و البرامج المغلقه و يمكن حلها عن طريق إختيار الأشخاص أو الإدارات الأقل إستخداما للبرنامج و الأقل إحتياجا لتبادل نتائج هذا البرنامج -ملفات- مع أخرين من الشركه بحيث يمكن دعمهم بسهوله و تدريبهم في وقت قليل و تقليل إحتياج المستخدمين للتعامل مع أكثر من صيغة للملفات -نظرا لقله إحتكاكهم بالأخرين- و التعامل معهم كـ Vip حتى تصبح هذه الإدارة قصة نجاح ممتازه و بالتالي نقطه إنطلاق قويه و رد عملي قوي على كل المعارضين و الرافضين

                    المشكله الثالثه و تبدا بعد إنتشار إستخدام البرنامج في المؤسسه كلها حيث يكون المستخدمين قد إعتادو على التوجه بالسؤال مباشرة إلى قسم نظم المعلومات قبل أن يحاولوا الوصول لحل -مما يزيد من أعباء الدعم الفني على القسم- و يمكن حلها عن طريق تدريب شخص واحد على الأقل في كل قسم أو إداره أو حجره على البرنامج تدريبا جيدا و تكليفه بمهمه الخط الأول من الدعم الفني و مع الوقت سيقوم هو بنقل التدريب كاملا لكل زملائه

                    المشكله الرابعه هي المشاكل التقنيه -عدم قدرة البرنامج البديل على القيام بوظيفه معينه أو لا يقوم بها بنفس كفاءة البرنامج الأول- و هذه يحب أن تحل قبل البدء في الإنتقال عن طريق إضافه هذه الوظيفه أو الخاصيه إلى البرنامج البديل أو إقناع الإداره العليا بعدم إستخدام هذه الوظيفه أو الخاصيه في العمل (رغم صعوبة ذلك) و لكن الحل الذي أنصح بعدم اللجوء إليه هو إستخدام برنامج أخر ليكون مكملا لعمل البرنامج الأول بحيث يصبح ما كان يؤديه المستخدم عن طريق برنامج واحد -البرنامج المغلق- يحتاج منه إلى التعامل مع برنامجين أو أكثر

                    المشكله الأخيره و هي في نظري أحد أهم المشاكل هي و ضوح الهدف النهائي -و هو التحول بالكامل إلى لينوكس- من البدايه للمستخدمين حيث يسبب ذلك رفض تام و متواصل -حتى بعد نجاح البرامج البديله بشهادة المستخدمين أنفسهم- على أساس أن الإعتراف بنجاح البرنامج البديل يعني الإقتراب من الهدف النهائي و هو ما يرفضه المستخدم بشده و يخشاه

                    على العموم هذه مجرد فكره عامه عن المشاكل الممكن مقابلتها و يبقى ان لكل مؤسسه طابعها الخاص

                    دمتم بأفضل حال
                    برامج حرة = عقول حرة
                    المعرف القديم MRashad10

                    تعليق


                    • #11
                      بالمناسبة هناك شركات خاصة لا يفرق معها السعر ومع ذلك تستعمل نظام لينكس
                      من أجل الأمان مثل الكثير من البنوك

                      أغلب المؤسسات الخاصة التي تستخدم لينكس وأعرفها
                      تستخدم Rhel
                      ويكون السبب هو أن فرعها الأم في الخارج يستخدم لينكس

                      ولو كان الأمر بيد المدير المحلي لما استعمل لينكس أصلا

                      تعليق


                      • #12
                        والله موضوع جميل جدا وأفكار روعة تم طرحها هنا...

                        سأطرح تجربتي في الموضوع...

                        قمت باعداد دراسة جدوى اقتصادية لاحدى الشركات كون الشركات الخاصة كما يعرف عنها تهتم كثيرا بالربح والنقود...

                        وبعد عرض الدراسة على قسم الit لديهم جاء الجواب بالرفض لأن الأدمنز لديهم لم يكونو مقتنعين باللينوكس ربما خوفا من استبدالهم بغيرهم....
                        V.I.P

                        (وَاصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ)
                        هود 115

                        Linux is user-friendly, but it happens to be selective about its friends

                        "احذر أن تكون مثل البقية تأخذ وﻻتعطي ، فلن يكون هناك مصادر تعليمية على الشبكة، ﻻأكثر الله من أمثالهم"


                        مجتمع لينوكس العربي: وقف لله تعالى وصدقة جارية، فلا بارك الله في كل من يحاول الإساءة إليه في الظاهر أو في الخفاء...


                        تعليق


                        • #13
                          المشاركة الأصلية بواسطة GreyHunter مشاهدة المشاركة
                          والله موضوع جميل جدا وأفكار روعة تم طرحها هنا...

                          سأطرح تجربتي في الموضوع...

                          قمت باعداد دراسة جدوى اقتصادية لاحدى الشركات كون الشركات الخاصة كما يعرف عنها تهتم كثيرا بالربح والنقود...

                          وبعد عرض الدراسة على قسم الit لديهم جاء الجواب بالرفض لأن الأدمنز لديهم لم يكونو مقتنعين باللينوكس ربما خوفا من استبدالهم بغيرهم....
                          +1

                          للاسف قسم ال it هو من يقف في الطريق اغلب المرات.
                          موقع وثائق لينوكس العربية
                          موقع مختص بتوثيق لينكس

                          ((شاركنا بمواضيعك، أفكارك، إقتراحاتك، ومساعدتك لنا هي أساس إستمرارنا ... فلا تبخل علينا بما لديك ولو كان بنظرك قليل، فهو بنظرنا الكثير))





                          تعليق


                          • #14
                            بالنسبة للمدارس على اﻷقل في بلدي يوجد منهج يعتمد على ويندوز و ميكروسوفت أوفيس فكيف تريدهم يعملوا في الامتحانات ؟؟

                            بالنسبة للجمعيات الخيرية ممكن يعلموا ويندوز حتى يستفيد المتدربين بس إذا المتدرب ذهب وجد شغل مطلوب ليه شخص يستطيع العمل على ويندوز ماذا يفيد لينكس ؟

                            هناك فكرة منتشرة عندنا في الخليج هي ان الغلاء والجودة شيئان لا ينفصلان .. وان الرخص (او في حالتنا المجانية) تعني منتجا ذا كفاءة رديئة جدا.
                            صحيح أنه من الممكن أن تكون الفكرة هذه موجودة أما بالنسبة للمجانية لا أعتقد على اﻷقل أن اﻹعتقاد منتشر لأنه ممكن تحصل على ويندوز مجانا أو سلعة معروفة بجودتها مجانا
                            سبحان الله و بحمده سبحان الله العظيم

                            تعليق


                            • #15
                              قمت باعداد دراسة جدوى اقتصادية لاحدى الشركات كون الشركات الخاصة كما يعرف عنها تهتم كثيرا بالربح والنقود...
                              ما نتيجة الدراسة بالنسبة لتكاليف التدريب للانتقال ؟
                              سبحان الله و بحمده سبحان الله العظيم

                              تعليق

                              يعمل...
                              X